നവീകരിച്ച പുത്തൂർ സൂപ്പർമാർക്കറ്റ് കെട്ടിടോദ്ഘാടനം ഭക്ഷ്യ- പൊതുവിതരണ- ഉപഭോക്തൃ- ലീഗൽ മെട്രോളജി വകുപ്പ് മന്ത്രി ജി ആർ അനിൽ നാളെ (മാർച്ച് 26) രാവിലെ 9.30ന് നിർവഹിക്കും. ധനകാര്യമന്ത്രി കെ എൻ ബാലഗോപാൽ അധ്യക്ഷനാകും. സപ്ലൈകോ കൊട്ടാരക്കര താലൂക്ക് ഡിപ്പോയുടെ പരിധിയിലുള്ള പുത്തൂർ സൂപ്പർമാർക്കറ്റ് ജനകീയമാക്കുന്നതിന്റെ ഭാഗമായി ആധുനിക സൗകര്യങ്ങളോടെയാണ് സജ്ജമാക്കിയിരിക്കുന്നത്.

കൊടിക്കുന്നിൽ സുരേഷ് എം പി ആദ്യ വില്പന നടത്തും. ബ്ലോക്ക് പഞ്ചായത്ത് പ്രസിഡന്റ് എ അഭിലാഷ്, ഗ്രാമപഞ്ചായത്ത് പ്രസിഡന്റ് വി കെ ജ്യോതി, ജില്ലാ പഞ്ചായത്ത് അംഗം സുമലാൽ, മറ്റു തദ്ദേശസ്ഥാപന പ്രതിനിധികൾ, സപ്ലൈകോ ചെയർമാൻ ആൻഡ് മാനേജിങ് ഡയറക്ടർ ശ്രീരാം വെങ്കിട്ടരാമൻ, രാഷ്ര്ടീയകക്ഷി നേതാക്കൾ, ഉദ്യോഗസ്ഥർ തുടങ്ങിയവർ പങ്കെടുക്കും.