ഹരിത കര്മസേനയ്ക്ക് യൂസര് ഫീ: നല്കിയില്ലെങ്കില് വസ്തു നികുതിയില്നിന്ന് ഈടാക്കും
ഹരിതകര്മ സേനയ്ക്ക് യൂസര്ഫീ നല്കാത്തവരില്നിന്നും തുക വസ്തു നികുതി കുടിശികയായി ഈടാക്കാന് സര്ക്കാര് ഉത്തരവ്. ഇന്നു മുതല് ഉത്തരവിന് പ്രാബല്യമുണ്ടാകും. പ്ലാസ്റ്റിക് മാലിന്യം ഉള്പ്പെടെ ശേഖരിക്കുന്നതിന് തദ്ദേശ സ്ഥാപനങ്ങള് നിശ്ചയിക്കുന്ന യൂസര്ഫീ ബന്ധപ്പെട്ട ഏജന്സികള്ക്കു നല്കാന് വീടുകളും സ്ഥാപനങ്ങളും ബാധ്യസ്ഥരാണ്. വീടുകള്ക്ക് 50 രൂപയും സ്ഥാപനങ്ങള്ക്ക് 100 രൂപയുമാണ് പ്രതിമാസ ഫീസ്.
കേരള സര്ക്കാരിന്റെ 2020 ഓഗസ്റ്റ് 12ലെ ഉത്തരവ് അനുസരിച്ചാണ് യൂസര്ഫീ നിശ്ചയിച്ചത്. ഫീസ് നല്കാത്തവര്ക്ക് സേവനം നിഷേധിക്കാനുള്ള അധികാരം തദ്ദേശ സ്ഥാപനങ്ങള്ക്കുണ്ട്. കുടുംബശ്രീ മിഷനു കീഴിലാണ് ഹരിതകര്മസേന പ്രവര്ത്തിക്കുന്നത്. ഹരിത കര്മ സേനയ്ക്ക് പണം കൊടുക്കാന് ബാധ്യതയില്ലെന്ന വ്യാജ പ്രചാരണം ഉണ്ടായതിനെ തുടര്ന്ന് തദ്ദേശവകുപ്പ് ഡിജിപിക്ക് പരാതി നല്കിയിരുന്നു.
https://www.facebook.com/Malayalivartha