വാഹനാപകടത്തെ തുടര്ന്ന് മസ്തിഷ്ക മരണം സംഭവിച്ച 38-കാരന് സുബിന് ഫ്രാന്സിസിന്റെ അവയവങ്ങള് നാലുപേര്ക്ക് പുതുജീവനേകി
വാഹനാപകടത്തെ തുടര്ന്ന് മസ്തിഷ്ക മരണം സംഭവിച്ച 38-കാരന് സുബിന് ഫ്രാന്സിസിന്റെ അവയവങ്ങള് നാലുപേര്ക്ക് പുതുജീവനേകി. കഴിഞ്ഞ വ്യാഴാഴ്ച അതീവ ഗുരുതരാവസ്ഥയില് അങ്കമാലി അപ്പോളോ അഡ്ലക്സ് ആശുപത്രിയില് പ്രവേശിപ്പിച്ച സുബിന്റെ മസ്തിഷ്കമരണം വെള്ളിയാഴ്ച വൈകുന്നേരത്തോടെ സ്ഥിരീകരിച്ചു.
ഇതോടെ സുബിന്റെ ബന്ധുക്കള് അവയവദാനത്തിന് സന്നദ്ധത അറിയിക്കുകയും ചെയ്തു. കരള് ആസ്റ്റര് മെഡ്സിറ്റിയില് ചികിത്സയിലുള്ള 23 വയസ്സുകാരനില് വിജയകരമായി മാറ്റിവെച്ചു. ഒരു വൃക്ക കോഴിക്കോട് ആസ്റ്റര് മിംസ് ആശുപത്രിയില് ചികിത്സയില് ഉണ്ടായിരുന്ന 22 വയസ്സുകാരനായ വടകര സ്വദേശിക്ക് നല്കി.
ഹൃദയം ലിസി ആശുപത്രിയിലെ രോഗിക്കും രണ്ടാമത്തെ വൃക്കയും പാന്ക്രിയാസും അമൃത ആശുപത്രിയില് ചികിത്സയിലുള്ള രോഗിയിലും മാറ്റിവെച്ചു. വിഷുദിനത്തില് പുലര്ച്ചെ മൂന്നോടെയാണ് അവയവങ്ങള് മാറ്റിവെയ്ക്കുന്നതിനുള്ള ശസ്ത്രക്രിയാ നടപടികള് ആരംഭിച്ചത്.
മാള അന്നല്ലൂരിലെ കമ്പനിയില് ഇലക്ട്രീഷ്യനായി ജോലിചെയ്തുവരുകയായിരുന്നു സുബിന്. വ്യാഴാഴ്ച രാവിലെ ജോലിക്കു പോകുന്നതിനിടെ അഷ്ടമിച്ചിറയ്ക്കു സമീപംവെച്ച് ബസുമായി സുബിന്റെ ബൈക്ക് കൂട്ടിയിടിച്ചാണ് അപകടം സംഭവിച്ചത്.
"
https://www.facebook.com/Malayalivartha
