കുട്ടികള് വേനലവധി ആഘോഷിക്കട്ടെ.... സംസ്ഥാനത്ത് വേനലവധി ക്ലാസുകള് പൂര്ണമായി നിരോധിച്ച് പൊതുവിദ്യാഭ്യാസ വകുപ്പ്
വേനലവധിക്ക് കുട്ടികളെ പഠനത്തിനും ഇത്തരം ക്യാമ്പുകള്ക്കും നിര്ബന്ധിക്കരുതെന്ന് പൊതുവിദ്യാഭ്യാസ വകുപ്പ്. സംസ്ഥാനത്ത് വേനലവധി ക്ലാസുകള് പൂര്ണമായി നിരോധിച്ച് പൊതുവിദ്യാഭ്യാസ വകുപ്പ് ഉത്തരവിറക്കി. എല്.പി മുതല് ഹയര്സെക്കന്ഡറി വരെയുള്ള എല്ലാ സ്കൂളുകളിലും നിരോധനം ബാധകമായിരിക്കും, സി.ബി.എസ്. ഇ സ്കൂളുകള്ക്കും ഉത്തരവ് ബാധകമെന്ന് വിദ്യാഭ്യാസ വകുപ്പ് വ്യക്തമാക്കി. ഉത്തരവ് നടപ്പാക്കുന്നുണ്ടോ എന്ന് ഉറപ്പാക്കാന് ജില്ലാ വിദ്യാഭ്യാസ ഓഫീസര്ക്ക് നിര്ദ്ദേശം നല്കിയിട്ടുണ്ട്.
സ്കൂളുകള് മാര്ച്ച് മാസത്തെ അവസാന പ്രവൃത്തി ദിനത്തില് അടയ്ക്കണം. ജൂണ് മാസത്തെ ആദ്യ പ്രവൃത്തി ദിനത്തില് തുറക്കുകയും വേണം. ഓരോ അദ്ധ്യയന വര്ഷത്തേക്കും പഠന കലണ്ടര് പൊതുവിദ്യാഭ്യാസ വകുപ്പ് പ്രസിദ്ധീകരിക്കുകയും ചെയ്യുന്നു.
കുട്ടികളെ ഇത്തരത്തില് നിര്ബന്ധിച്ച് ക്ലാസുകളില് ഇരുത്തുന്നത് അവരില് മാനസിക പ്രശ്നങ്ങള്ക്ക് കാരണമാകുമെന്നും ഒപ്പം വേനല്ച്ചൂട് മൂലമുണ്ടാകുന്ന ഗുരുതര ആരോഗ്യ പ്രശ്നങ്ങളിലേക്കും വഴി തെളിക്കുമെന്നും പൊതുവിദ്യാഭ്യാസ വകുപ്പ് ചൂണ്ടിക്കാട്ടുന്നു. ഇവയെല്ലാം പരിഗണിച്ച് ഗവ എയ്ഡഡ്, അണ് എയ്ഡഡ്, സി.ബി.എസ്. ഇ, സി.ഐ.എ.സി എന്നിങ്ങനെയുള്ള വിദ്യാഭ്യാസ സ്ഥാപനങ്ങളും അവധിക്കാലത്ത് ക്ലാസുകള് നടത്തരുതെന്നും പുതിയ ഉത്തരവില് പറയുന്നു.
https://www.facebook.com/Malayalivartha
