ജോളിയ്ക്ക് മാപ്പില്ല; അമ്മയെ തള്ളിപ്പറഞ്ഞ് ജോളിയുടെ മകൻ ..അച്ഛനടക്കം ആറ് പേരെയും കൊന്നത് അമ്മ തന്നെ, അച്ഛന്റെ അമ്മക്ക് ആട്ടിന് സൂപ്പില് 'ഡോഗ് കില്' എന്ന വിഷം കലക്കി കൊടുത്തും, മറ്റുള്ളവര്ക്ക് ഭക്ഷണത്തിലും വെള്ളത്തിലും സയനൈഡ് കലക്കി കൊടുത്തുമാണ് കൊലപ്പെടുത്തിയതെന്നും അമ്മ തന്നോട് പറഞ്ഞതായി റെമോ റോയ് പ്രത്യേക കോടതിയിൽ മൊഴി നൽകി
കൂടത്തായി കേസിൽ ജോളിക്കെതിരെ മകന്റെ മൊഴി. റോയ് തോമസിൻ്റെത് ഉൾപ്പടെ ആറു കൊലപാതകങ്ങളും ജോളിയാണ് നടത്തിയത് എന്ന് ജോളിയുടെ മകനും മൂന്നാം സാക്ഷിയുമായ റെമോ റോയ് മൊഴിനൽകി. നടത്തിയ കൊലപാതകങ്ങളെക്കുറിച്ച് അമ്മ തന്നോട് കുറ്റസമ്മതം നടത്തിയിരുന്നതായും റെമോ റോയ് പ്രത്യേക കോടതിയിൽ മൊഴി നൽകി. സാക്ഷികളുടെ ക്രോസ് വിസ്താരം ഇന്ന് തുടങ്ങും.
പിതാവിന്റെ അമ്മക്ക് ആട്ടിന് സൂപ്പില് 'ഡോഗ് കില്' എന്ന വിഷം കലക്കി കൊടുത്തും, മറ്റുള്ളവര്ക്ക് ഭക്ഷണത്തിലും വെള്ളത്തിലും സയനൈഡ് കലക്കി കൊടുത്തുമാണ് കൊലപ്പെടുത്തിയതെന്നും അമ്മ തന്നോട് പറഞ്ഞതായി റെമോ മൊഴി നല്കി. സയനൈഡ് തനിക്ക് എത്തിച്ചു തന്നത് ഷാജി എന്ന എം എസ് മാത്യൂ ആണെന്നും ഷാജിക്ക് എത്തിച്ചു നല്കിയത് പ്രജികുമാറാണെന്നും അമ്മ പറഞ്ഞതായി റെമോ കോടതിയില് പറഞ്ഞു. എന്നാൽ കൊല്ലപ്പെട്ടവരില് നാലുപേരുടെ മൃതദേഹാവശിഷ്ടങ്ങളിലും സയനൈഡിന്റെ അംശമോ മറ്റു വിഷാംശങ്ങളോ കണ്ടെത്താനായില്ലെന്നാണ് ഫൊറന്സിക് റിപ്പോര്ട്ട് .
അന്നമ്മ തോമസ്, ടോം തോമസ്, മഞ്ചാടിയില് മാത്യു, ആല്ഫൈന് എന്നിവരുടെ മൃതദേഹാവശിഷ്ടങ്ങളാണ് ദേശീയ ഫൊറന്സിക് ലാബില് പരിശോധിച്ചത്..... അന്നമ്മയെ കൊല്ലാന് ഉപയോഗിച്ച വിഷം ജോളി മൃഗാശുപത്രിയില്നിന്ന് വാങ്ങിയതിന്റെ രേഖകളും തെളിവുകളും അന്വേഷണസംഘം കണ്ടെത്തിയിരുന്നു.......മൃതദേഹാവശിഷ്ടങ്ങളുടെ കാലപ്പഴക്കം കാരണമാകാം സയനൈഡിന്റെ അംശമോ വിഷാംശമോ കണ്ടുപിടിക്കാന് കഴിയാതിരുന്നതെന്നാണ് നിഗമനം. വിദേശരാജ്യങ്ങളില് വിശദമായ പരിശോധനയ്ക്ക് അയയ്ക്കാനാണ് തീരുമാനം
കോഴിക്കോട് സ്പെഷ്യൽ അഡീഷണൽ സെഷൻസ് കോടതിയിലെ വിചാരണക്കിടെയാണ് ജോളിയുടെ മകന്റെ നിർണായക മൊഴി...എൻഐടിയിൽ അധ്യാപകിയെന്ന് ജോളി പറഞ്ഞിരുന്നു. പൊലീസ് ചോദ്യം ചെയ്യലിന് ശേഷം താൻ അന്വേഷിച്ചപ്പോൾ ,അടുത്തുള്ള ബ്യൂട്ടി പാർലറിലും ടൈലറിംഗ് ഷോപ്പിലും പോയിരിക്കുക യായിരുന്നു എന്നും ജോളി സമ്മതിച്ചതായും റെമോ നൽകിയ മൊഴിയിലുണ്ട്.
ജോളി ഉപയോഗിച്ചിരുന്ന മൊബൈല്ഫോണ് പോലീസിന് കൈ മാറിയത് റെമോയാണ്. കൊല്ലപ്പെട്ട റോയ് തോമസിന്റെ സഹോദരനും കേസിലെ പരാതിക്കാരനുമായ റോജോ തോമസും ചൊവ്വാഴ്ച ഹാജരായി. ജോളിയുടെ പെരുമാറ്റത്തിൽ തുടക്കം മുതലേ സംശയമുണ്ടായിരുന്നെന്നും തന്നെ കാണിച്ച ഒസ്യത്ത് വ്യാജമെന്ന് സംശയമുണ്ടായിരുന്നുമെന്നും റോജോ മൊഴി നൽകി. വ്യാജരേഖയെന്ന് സംശയമുളളതിനാലാണ് ആറുമരണങ്ങളെക്കുറിച്ച് അന്വേഷിക്കണമെന്ന് പരാതിനൽകിയതെന്നും മൊഴിയിലുണ്ട്.
സാക്ഷികളുടെ എതിര്വിസ്താരം ബുധനാഴ്ചത്തെക്കു മാറ്റിയിട്ടുണ്ട്. പ്രോസിക്യൂഷന് വേണ്ടി സ്പെഷല് പബ്ലിക് പ്രോസിക്യൂട്ടര് എന് കെ ഉണ്ണികൃഷ്ണന് അഡീഷനല് സ്പെഷ്യല് പ്രോസിക്യൂട്ടര് ഇ സുഭാഷ് എന്നിവര് ഹാജരായി. 2011 ലാണ് ജോളിയുടെ ഭര്ത്താവ് റോയ് തോമസ് മരിച്ചത്. റോയ് തോമസിന്റെ സഹോദരന് സംശയം ഉന്നയിച്ച് പൊലീസിനെ സമീപിച്ചതിനെ തുടര്ന്നാണ് മൃതദേഹം പുറത്തെടുത്തത്. തുടര്ന്ന് നടത്തിയ പരിശോധനകളില് കൊലപാതകം പുറത്താവുകയായിരുന്നു.
വിവിധ കാലങ്ങളില് മരിച്ച് ബന്ധുക്കളായ മറ്റ് അഞ്ചു പേരുടെയും മൃതദേഹങ്ങള് കൂടി പുറത്തെടുത്ത് പോസ്റ്റ് മോര്ട്ടം നടത്തിയതോടെയാണ് നാടിനെ നടുക്കിയ കൂട്ടക്കൊല പുറത്തയാത്. 2019 ഒക്ടോബറിലാണ് ജോളിയെ പോലീസ് അറസ്റ്റ് ചെയ്തത്.ഭര്ത്താവ് റോയ് തോമസ്, ഭര്തൃമാതാവ് അന്നമ്മ തോമസ്, ഭര്തൃപിതാവ് ടോം തോമസ്, അന്നമ്മയുടെ സഹോദരന് മാത്യു മഞ്ചാടിയില്, ജോളിയുടെ രണ്ടാംഭര്ത്താവ് ഷാജുവിന്റെ ആദ്യഭാര്യ സിലി, മകള് ആല്ഫൈന് എന്നിവരാണ് കൊല്ലപ്പെട്ടത്.......
https://www.facebook.com/Malayalivartha
