തന്റെ പുതിയ ബുക്കിനെക്കുറിച്ച് കൊച്ചാപ്പ ഒരു പോസ്റ്റിട്ടു മൂപ്പരിപ്പോള്‍ എയറിലാണ്. ഉപ്പുപാടത്തെ ചന്ദ്രോദയം അതാണ് ജലീലിന്റെ പുതിയ ബുക്ക്. എന്നാല്‍ ഉപ്പുപാടത്തെ ചന്ദ്രോദയം എന്നതിനേക്കാള്‍ നല്ലത് ഈന്തപ്പഴത്തിലെ സ്വര്‍ണ്ണോദയം എന്നതായിരുന്നുവെന്നാണ് ട്രോള്‍. ജലീല്‍ എവിടെ പരിപാടി അവതരിപ്പിച്ചാലും പൊങ്കാലയാണ്. കൊച്ചാപ്പ ആ പുസ്തകം വായിച്ചിട്ട് വേണം ഒന്ന് അല്‍പനാകാനെന്നാണ് പലരുടേയും കമന്റ്. എംഎല്‍എ ആണെങ്കിലും ആള് നല്ല തിരക്കിലാണ്. ബുക്കെഴുത്ത് സോഷ്യല്‍മീഡിയയില്‍ പിണറായി സര്‍ക്കാരിന് വേണ്ടി ധര്‍മ്മ യുദ്ധം. അങ്ങനെ ഒരു ജലീലിക്ക എന്തെല്ലാം കാര്യങ്ങളില്‍ ശ്രദ്ധപതിപ്പിക്കണം. മുസ്ലീങ്ങളുടെ മുഴുവന്‍ അട്ടിപ്പേറവകാശം മൂപ്പര് ഏറ്റെടുത്തിരിക്കുകയാണ്.

ജലീലിന്റെ പോസ്റ്റിങ്ങനെ.....

'ഉപ്പുപാടത്തെ ചന്ദ്രോദയം'

എന്റെ ആറാമത്തെ പുസ്തകം പുറത്തിറങ്ങുന്ന സന്തോഷവാര്‍ത്ത പങ്കുവെക്കുന്നതില്‍ ഏറെ സന്തോഷമുണ്ട്. 150 പേജ് വരുന്ന ''ഉപ്പുപാടത്തെ ചന്ദ്രോദയം' ചിന്ത പബ്ലിക്കേഷനാണ് പ്രസിദ്ധീകരിക്കുന്നത്. യാത്രാവിവരണങ്ങളുടെ സമാഹാരമാണ് പുതിയ പുസ്തകം. കണ്ടതും നേരിട്ടറിഞ്ഞതും അക്ഷരങ്ങളിലേക്ക് പകര്‍ത്തി വായനാനുഭവമാക്കാനായതിലുള്ള ആഹഌദം ചെറുതല്ല. ബഹുസ്വരതയുടെ തൊട്ടിലായ ഇന്ത്യ അതിനെ നിരാകരിച്ച് ഏകശിലാ സംസ്‌കാരത്തിലേക്ക് സങ്കുചിതപ്പെടുമ്പോള്‍ ലോകം ബഹുവര്‍ണ്ണങ്ങളെ നെഞ്ചോട് ചേര്‍ത്തുവെക്കുന്ന കാഴ്ചകള്‍ ഏതൊരു സഞ്ചാരിയേയും ആവേശഭരിതമാക്കും. ഗുജറാത്തും കാശ്മീരും രാജസ്ഥാനും ബംഗ്ലാദേശും നേപ്പാളും കല്‍ക്കത്തയും അമേരിക്കയും താണ്ടി തയ്യാറാക്കിയ കൃതി ലോകം തിരിയാത്തവര്‍ക്ക് അത് 'തിരിയാന്‍'' പ്രയോജനപ്പെടും.

ആദ്യ പുസ്തകമായ 'ഒരു കൊടുങ്കാറ്റായ ജനപക്ഷരാഷ്ട്രീയം' രണ്ടാം പതിപ്പിറങ്ങി. സിതാരയാണ് പ്രസാധകര്‍. രണ്ടാം കൃതിയായ 'മലബാര്‍കലാപം ഒരു പുനര്‍വായന'പത്താമത്തെ എഡിഷന്‍ പ്രസിദ്ധീകരിക്കാനുള്ള പുറപ്പാടിലാണ്. ചിന്തായാണ് പ്രസാധകര്‍. മൂന്നാം പുസ്തകമായ 'മതം മതഭ്രാന്ത് മതേതരത്വം' അഞ്ച് പതിപ്പുകള്‍ ഇറങ്ങി. ചിന്തയാണ് പ്രസാധകര്‍. നാലാം പുസ്തകമായ 'ആസ്യാത്ത മുതല്‍ ആസ്യാത്തവരെ' ടി പത്മനാഭന്റെ സാമാന്യം ദീര്‍ഘമായ അവതാരികയോടെയാണ് വെളിച്ചം കണ്ടത്. ഡിസി പുറത്തിറക്കിയ പുസ്തകം രണ്ടാം പതിപ്പായി. അഞ്ചാമത്തെ രചനയാണ് 'Revisiting Malabar Rebellion 1921'. ഡിസിയാണ് പ്രസാധകര്‍. എല്ലാ പുസ്തകങ്ങളും നിറഞ്ഞ മനസ്സോടെ സ്വീകരിച്ച അക്ഷര സ്‌നേഹികള്‍ക്ക് ആറാമത്തെ പുസ്തകവും സമര്‍പ്പിക്കുകയാണ്. ഏഴാമത്തെ പുസ്തകമായ 387 പേജുള്ള 'പച്ചകലര്‍ന്ന ചുവപ്പ്'(ഒന്നാം ഭാഗം) അധികം വൈകാതെ വായനക്കാരുടെ കൈകളിലെത്തും. പ്രോല്‍സാഹിപ്പിച്ചവര്‍ക്കെല്ലാം ഒരുപാട് നന്ദി. ഇതായിരുന്നു കുറിപ്പ്.

ഈ പച്ചകലര്‍ന്ന ചുവപ്പ് പൊളിക്കും ജലീലിക്കാ. ഇങ്ങള് മുഖ്യനിട്ട് താങ്ങാന്‍ തുടങ്ങിയോ. സാധാരണ പച്ചയോടാണ് ചുവപ്പിനിപ്പോള്‍ പ്രേമമെന്നൊരു ചര്‍ച്ചയുണ്ട്. അത് അംഗീകരിക്കുകയാണോ ജലീല്‍. പച്ച കലര്‍ന്ന ചുവപ്പ് മിക്കവാറും പിണറായി കൂട്ടിയിട്ട് കത്തിക്കാനുള്ള സാധ്യതയുണ്ട്. അല്ലെങ്കിലേ മുഖ്യന് പച്ചവെളിച്ചം ഭയമാണെന്നാണ് കരക്കമ്പി. ചപ്പയ്ക്കാകത്ത് ചുവപ്പ് കലര്‍ന്നതാണോ അതോ ചുവപ്പിനകത്ത് പച്ച കലര്‍ന്നതാണോ അതാണ് മലയാളിക്ക് അറിയേണ്ടത്. എന്തായാലും കലര്‍ന്നിട്ടുണ്ടെന്ന് സമ്മതിച്ച ജലീലിക്കായ്ക്ക് ഒരു കുതിരപ്പവന്‍. മുഖ്യന്‍ പോലും വാ തുറക്കാത്ത സംഭവത്തില്‍ ബുക്കെഴുതാന്‍ കാണിച്ച ആ ധൈര്യം നമ്മള്‍ കാണാതെ പോകരുത്. സത്യം തുറന്നുപറഞ്ഞ ജലീലിന് 100 ചുവപ്പന്‍ അഭിവാദ്യങ്ങള്‍. തുടങ്ങി ട്രോളുകള്‍ വരുന്നു.

ഒരു ബന്ധുവിന് പണി കൊടുത്ത് പണി കിട്ടിയ ജലീല്‍ എന്ന പേരില്‍ ഒരു ബുക് എഴുതണേ പ്രിയ ജലീല്‍. ഇതും കേരളം അതിജീവിക്കും കാരണം ഇതിലും വലിയ ദുരന്തങ്ങള്‍ നമ്മള്‍ നേരിട്ടിട്ടില്ലേ. തുടങ്ങി നിരവധി ട്രോളുകളാണ് ജലീലിന് നേരെ ഉയരുന്നത്. ഇതിപ്പോള്‍ ജലീലിടുന്ന പോസ്റ്റ് നോക്കി പൊങ്കാലയിടാന്‍ നോക്കിയിരിക്കുന്ന ടീംസ് വരെയുണ്ട്. ചിന്ത ജെറോമും കെടി ജലീലും ട്രോളന്മാരുടെ ഇഷ്ട് കഥാപാത്രങ്ങളാണ്.കാരണം അവര്‍ക്ക് വേണ്ടതെല്ലാം ഇവരുടെ പോസ്റ്റുകളില്‍ നിന്ന് കിട്ടാറുണ്ട്. മുസ്ലീങ്ങളുടെ അട്ടിപ്പേറവകാശം അങ്ങേറ്റെടുത്താണ് ജലീലിന്റെ സംസാരം. ലീഗിനെ പിന്നെ കണ്മെടുത്താല്‍ കമ്ടൂടാ. പ്രത്യേകിച്ച് കുഞ്ഞാലിക്കുട്ടി പക്ഷത്തെ. അതുകൊണ്ട് ധര്‍മ്മയുദ്ധം അവര്‍ക്ക് നേരെയാണ്. പിന്നെ പോസ്റ്റുകളില്‍ വര്‍ഗ്ഗീയതയുടെ അതിപ്രസരം. കുത്തിത്തിരുപ്പ് ഉണ്ടാക്കാന്‍ എന്തെങ്കിലും പോസ്റ്റുകളില്‍ തിരുകി കയറ്റും അത് നിര്‍ബന്ധാണ്. ഏതായാലും ഇനി ജലീല്‍ കുറേ ബുക്കെഴുതും.