എസ്എഫ്‌ഐയ്ക്ക് ഒരു വെല്ലുവിളിയുമില്ലാത്ത കോളേജിലെ ആള്‍മാറാട്ടം റിട്ടേണിംഗ് ഓഫീസറുടെ സാക്ഷ്യപത്രം അട്ടിമറിച്ച്. കാട്ടാക്കട ക്രിസ്ത്യന്‍ കോളേജിലെ ആള്‍മാറാട്ടത്തിന്റെ കൂടുതല്‍ തെളിവ് പുറത്ത്. 23 വയസ്സ് കഴിഞ്ഞ വിശാഖിന് ചട്ടപ്രകാരം തെരഞ്ഞെടുപ്പില്‍ മത്സരിക്കാനാവില്ല. പക്ഷെ വിശാഖിനെ മത്സരിക്കാന്‍ അനുവദിക്കാനായി തെരഞ്ഞെടുപ്പ് റിട്ടേണിംഗ് ഓഫീസര്‍ക്കുമേല്‍ തുടക്കം മുതല്‍ സമ്മര്‍ദ്ദമുണ്ടായതായാണ് വിവരം. യൂണിവേഴ്‌സിറ്റിയ്ക്ക് അയച്ച ലിസ്റ്റില്‍ അനഘ വിശാഖായത് തെറ്റുപറ്റിയതല്ല കൃത്യമായ് നടന്ന പ്ലാനിങ്ങാണ്. എന്നാല്‍ കുറ്റം മുഴുനിപ്പോള്‍ പ്രിണ്‍സിപ്പിളിന്റെ തലയിലായിട്ടുണ്ട്. എസ്എഫ്‌ഐ സംഭവത്തില്‍ നിന്ന് തടിതപ്പാന്‍ നോക്കുന്നു.

ഉദ്യോഗസ്ഥന്‍ പ്രിന്‍സിപ്പാലിന് നല്‍കിയത് മത്സരിച്ച് ജയിച്ചവരുടെ പേര് മാത്രമായിരുന്നു. എസ്എഫ്‌ഐ ഏരിയ സെക്രട്ടറിയുടെ പേര് തിരുത്തി ചേര്‍ത്ത പ്രിന്‍സിപ്പാലിനെതിരെ സര്‍വകലാശാല നടപടി എടുത്തേക്കും. കാട്ടാക്കട ക്രിസ്ത്യന്‍ കോളേജിലെ തെരഞ്ഞെടുപ്പ് ആള്‍മാറാട്ടത്തില്‍ ആസൂത്രിത അട്ടിമറിക്ക് കൂടുതല്‍ തെളിവുകളാണ് പുറത്ത് വരുന്നത്. റിട്ടേണിംഗ് ഓഫീസര്‍ സാക്ഷ്യപ്പെടുത്തിയ തെരഞ്ഞെടുപ്പില്‍ ജയിച്ചവരുടെ പട്ടിക തിരുത്തിയാണ് എസ്എഫ്‌ഐ ഏരിയ സെക്രട്ടറിയുടെ പേര് ചേര്‍ത്ത് പ്രിന്‍സിപ്പല്‍ സര്‍വ്വകലാശാലക്ക് നല്‍കിയത്. റിട്ടേണിംഗ് ഓഫീസര്‍ സാക്ഷ്യപ്പെടുത്തിയ രേഖ പുറത്ത്.

രണ്ട് ഘട്ടങ്ങളിലായി പാലര്‍മെന്റ് ഇലക്ഷന്‍ മാതൃകയിലാണ് കട്ടാക്കട ക്രിസ്ത്യന്‍ കോളേജിലെ തെരഞ്ഞെടുപ്പ് നടന്നത്. എസ്എഫ്‌ഐയ്ക്ക് ഒരു വെല്ലുവിളിയുമില്ലാത്ത ക്യാംപസില്‍ ആദ്യം നടന്ന ക്ലാസ് റെപ്പ് തെരഞ്ഞെടുപ്പില്‍, 43ല്‍ 43 സീറ്റും നേടിയാണ് എസ്എഫ്‌ഐയുടെ വമ്പന്‍ ജയം. പിന്നീട് യൂണിയന്‍ പ്രതിനിധികളെ കണ്ടെത്താനുള്ള രണ്ടാംഘട്ട തെരഞ്ഞെടുപ്പ്. ജയിച്ചവരുടെ പേരുകള്‍ പ്രഖ്യാപിച്ച് റിട്ടേണിംഗ് ഓഫീസര്‍ ഒപ്പിട്ട് പ്രസിദ്ധീകരിച്ച രേഖയാണിത്. യുയുസിയായി തെരഞ്ഞെടുക്കപ്പെട്ടത്, സെക്കന്റ് ഡിസിയിലെ അനഘ എ.എസും, ആരോമല്‍ വി.എല്ലും സാക്ഷ്യപ്പെടുത്തിയിട്ടുണ്ട്.

ഇതില്‍ അനഘയുടെ പേര് തിരുത്തിയാണ് പ്രിന്‍സിപ്പാള്‍ സര്‍വകലാശാലയ്ക്ക് പട്ടിക നല്‍കിയത്. 23 വയസ്സ് കഴിഞ്ഞ വിശാഖിന് ചട്ടപ്രകാരം തെരഞ്ഞെടുപ്പില്‍ മത്സരിക്കാനാവില്ല. പക്ഷെ വിശാഖിനെ മത്സരിക്കാന്‍ അനുവദിക്കാനായി തെരഞ്ഞെടുപ്പ് റിട്ടേണിംഗ് ഓഫീസര്‍ക്കുമേല്‍ തുടക്കം മുതല്‍ സമ്മര്‍ദ്ദമുണ്ടായതായാണ് വിവരം. സമ്മര്‍ദ്ദം വിഫലമായതോടെയാണ് പ്രിന്‍സിപ്പല്‍ വഴി പേര് തിരുത്തി. വിശാഖിനെ ഉള്‍പ്പെടുത്തിയതെന്നാണ് സൂചന. വിശാഖിനെ യുയുസിയാക്കി, യുണിവേഴ്‌സിറ്റി തെരഞ്ഞെടുപ്പില്‍ മത്സരിപ്പിച്ച് ചെയര്‍മാനാക്കായിരുന്നു നീക്കം. അനഘ രാജിവച്ചത് കൊണ്ടാണ് വിശാഖിന്റെ പേര് ഉള്‍പ്പെടുത്തിയതെന്ന വിചിത്ര വിശദീകരണമാണ് പ്രിന്‍സിപ്പാള്‍ സര്‍വകലാശാലയ്ക്ക് നല്‍കിയത്. സര്‍വകലാശാല തെരഞ്ഞെടുപ്പ് സുതാര്യതയെ ഒട്ടാകെ ചോദ്യം ചെയ്യുന്ന സംഭവത്തില്‍ കടുത്ത നടപടികളിലേക്ക് സര്‍വകലാശാല കടന്നേക്കും. പ്രിന്‍സിപ്പാള്‍ ജി.ജെ.ഷൈജുവിനെതിരെയും സര്‍വ്വകലാശാല നടപടി എടുക്കാനിടയുണ്ട്. പ്രിണ്‍സിപ്പിളിന്റെ തലയിലായിട്ടുണ്ട് എല്ലാം. എന്നാല്‍ പദ്ധതി തയ്യാറാക്കിയ എസ്എഫ്‌ഐ കൂളായ് നടക്കുന്നു.

ഇതിനിടെ ആള്‍മാറാട്ട വിവാദത്തില്‍ സംഘടന നടപടി സ്വീകരിച്ച് എസ് എഫ് ഐ. കാട്ടാക്കട ഏരിയാ സെക്രട്ടറി വിശാഖിനെ തെരഞ്ഞെടുക്കപ്പെട്ട സ്ഥാനങ്ങളില്‍ നിന്ന് പുറത്താക്കിയെന്ന് എസ് എഫ് ഐ സംസ്ഥാന സെക്രട്ടറി ആര്‍ഷോം അറിയിച്ചു. സംഭവം ഗൗരവത്തോടെയാണ് എസ്എഫ്‌ഐ കാണുന്നതെന്നും സംസ്ഥാന സെക്രട്ടറി ഫേസ്ബുക്ക് കുറിപ്പിലൂടെ പറഞ്ഞു. തെരഞ്ഞെടുക്കപ്പെടാത്ത തന്റെ പേരാണ് കോളേജില്‍ നിന്ന് യൂണിവേഴ്‌സിറ്റിയിലേക്ക് അയച്ച UUC ലിസ്റ്റില്‍ ഉള്ളത് എന്നറിവുണ്ടായിട്ടും അത് തിരുത്തുന്നതിനോ ഉത്തരവാദിത്വപ്പെട്ട ഇടങ്ങളില്‍ അറിയിക്കുന്നതിനോ തയ്യാറാകാതിരുന്ന എസ്.എഫ്.ഐ കാട്ടാക്കട ഏരിയ സെക്രട്ടറി സ. വിശാഖിനെ തെരഞ്ഞെടുക്കപ്പെട്ട എല്ലാ ഘടകങ്ങളില്‍ നിന്നും പുറത്താക്കുന്നതിനായി എസ്.എഫ്.ഐ സംസ്ഥാന സെക്രട്ടറിയേറ്റ് തീരുമാനിച്ചു. കേരളത്തിലെ കലാലയങ്ങളില്‍ അനവധി പ്രതിബന്ധങ്ങളേയും അക്രമണങ്ങളെയും അതിജീവിച്ചു വിദ്യാര്‍ത്ഥിപക്ഷ രാഷ്ട്രീയമുയര്‍ത്തി നിരന്തരമായ പോരാട്ടങ്ങള്‍ കൊണ്ടാണ് ഇന്ന് എസ്.എഫ്.ഐ കേരളത്തിലെ ഏതാണ്ട് മുഴുവന്‍ കലാലയങ്ങളിലും വിജയത്തിന്റെ വെന്നി കൊടി പാറിച്ച് വിദ്യാര്‍ത്ഥി പിന്തുണയോടെ നിറഞ്ഞു നില്‍ക്കുന്നത്. അനേകം രക്തസാക്ഷിത്വങ്ങളുടെ അടിത്തറയില്‍ പടുത്തുയര്‍ത്തിയ പ്രസ്ഥാനത്തെ ഏതെങ്കിലും തരം സ്ഥാപിത താല്പര്യങ്ങള്‍ക്ക് വേണ്ടി ഉപയോഗപ്പെടുത്താന്‍ ഒരു തരത്തിലും അനുവദിക്കില്ലെന്നാണ് കുറിപ്പ്.