കഴിഞ്ഞ ദിവസം ഗവർണറെ മുഖ്യമന്ത്രി പരോക്ഷമായി വിമർശിച്ചിരുന്നു. അതായത്, നിയമസഭ പാസാക്കിയ ചില ബില്ലുകൾ അനുമതി കിട്ടാതെ കാത്തു കിടക്കുന്നുവെന്ന വിമർശനമാണ് മുഖ്യമന്ത്രി ഉയന്നയിച്ചത്. ആ കാര്യം ഈ അവസരത്തിൽ വിസ്മരിക്കാനാകില്ലെന്ന് മുഖ്യമന്ത്രി വിമർശിച്ചിരുന്നു .എന്നാൽ അതേ വേദിയിൽ ഗവർണർക്ക് കയ്യടി കിട്ടി എന്നതുമേറെ ശ്രദ്ധേയമായ കാര്യമാണ്. എങ്ങനെ ഗവർണർ കയ്യടി നേടിയത് എന്നല്ലേ?

ഗവർണറുടെ മലയാളത്തിനായിരുന്നു കഴിഞ്ഞ ദിവസം കയ്യടി കിട്ടിയത്. തന്റെ പ്രസംഗത്തിന്റെ പകുതിയോളം അദ്ദേഹം മലയാളത്തിലായിരുന്നു പറഞ്ഞത്. ഇതായിരുന്നു സദസിന്റെ നിറഞ്ഞ കൈയടിക്ക് കാരണമായത് . രാജ്യത്തെ ഏറ്റവും പ്രൗഢവും മനോഹരവുമായ മന്ദിരങ്ങളിലൊന്നാണ് കേരള നിയമസഭാ മന്ദിരമെന്നതടക്കമുള്ള കാര്യങ്ങൾ അദ്ദേഹം പറഞ്ഞിരുന്നു. പ്രസംഗത്തിന്റെ അവസാനത്തെ കുറച്ചു കാര്യങ്ങൾ മാത്രമാണ്, അദ്ദേഹം ഇംഗ്ലീഷിൽ പറഞ്ഞത്. എന്തായാലും മലയാളം പറഞ്ഞ്സദസ്സിന്റെ കൈയടി നേടിയിരിക്കുകയാണ് ഗവർണർ.

അതേസമയം കഴിഞ്ഞ ദിവസം ലെജിസ്‌ലേറ്റിവ് അസംബ്ലി മന്ദിരം രജതജൂബിലി ആഘോഷ വേദിയിൽ മുഖൈമന്ത്രി ഗവർണർക്കെതിരെ ഒളിയമ്പ് എയ്തു.അതായത് നിയമസഭ പാസാക്കിയ ചില ബില്ലുകളില്‍ ഇപ്പോഴും ഗവര്‍ണര്‍ ഒപ്പിടാതെ തടഞ്ഞുവച്ചിരിക്കുന്നതിനെ പരോക്ഷമായി വിമര്‍ശിച്ചു കൊണ്ടാണ് മന്ദിരത്തിന്റെ 25ാം വാര്‍ഷികാഘോഷങ്ങളുടെ ഉദ്ഘാടനച്ചടങ്ങില്‍ മുഖ്യമന്ത്രി പ്രസംഗിച്ചത്.ഉപരാഷ്ട്രപതിയുടെയും ഗവര്‍ണറുടെയും സാന്നിദ്ധ്യത്തിലായിരുന്നു മുഖ്യമന്ത്രിയുടെ ഗവര്‍ണര്‍ക്കെതിരെയുള്ള വിമര്‍ശനം എന്നതും ശ്രദ്ധേയമാണ്.