കണ്ണീര്ക്കാഴ്ചയായി.... ചാക്ക ഫയര് ഫോഴ്സ് സ്റ്റേഷനിലെ ഫയര്മാന് രഞ്ജിത്തിന്റെ വേര്പാട് ഉറ്റവരെയും ബന്ധുക്കളെയും സഹപ്രവര്ത്തകരെയും നാട്ടുകാരേയും കണ്ണീരിലാഴ്ത്തി.... ഇന്ന് പെണ്ണുകാണാന് പോകാനിരിക്കെയാണ് മരണം കവര്ന്നെടുത്തത്
കണ്ണീര്ക്കാഴ്ചയായി.... ചാക്ക ഫയര് ഫോഴ്സ് സ്റ്റേഷനിലെ ഫയര്മാന് രഞ്ജിത്തിന്റെ വേര്പാട് ഉറ്റവരെയും ബന്ധുക്കളെയും സഹപ്രവര്ത്തകരെയും നാട്ടുകാരേയും കണ്ണീരിലാഴ്ത്തി.... ഇന്ന് പെണ്ണുകാണാന് പോകാനിരിക്കെയാണ് മരണം കവര്ന്നെടുത്തത്
കേരള മെഡിക്കല് സര്വീസസ് കോര്പ്പറേഷന്റെ മേനംകുളം ഗോഡൗണിലുണ്ടായ തീപിടിത്തത്തില് ചാക്ക ഫയര് ഫോഴ്സ് സ്റ്റേഷനിലെ ഫയര്മാന് രഞ്ജിത്തിന് (32) ദാരുണമായ അന്ത്യം.
തീപിടിച്ച ഗോഡൗണിലേക്ക് കടക്കാന് ഷട്ടര് പൊളിക്കുന്നതിനിടെ ഭിത്തി തകര്ന്ന് ദേഹത്ത് പതിക്കുകയായിരുന്നു. ബാറ്ററി വര്ക്ക്ഷോപ്പ് നടത്തിയിരുന്ന ആറ്റിങ്ങല് കരിച്ചിയില് ജെ.എസ് നിവാസില് ജയകുമാരന്നായരുടെയും സിന്ധുവിന്റെയും ഇളയ മകനാണ്.
പുലര്ച്ചെ രണ്ടു മണിയോടെ രഞ്ജിത്ത് ഉള്പ്പെട്ട ആറംഗ സംഘം ചാക്ക ഫയര് സ്റ്റേഷനില് നിന്ന് എത്തുമ്പോള് തീ ആളിപ്പടര്ന്നിട്ടുണ്ടായിരുന്നു. ചുറ്റുമതിലിന് സമീപത്തും തീ പടര്ന്നതിനാല് അകത്തേക്ക് കടക്കാന് കഴിഞ്ഞില്ല.
കവാടത്തിന് മുന്നില് നിന്ന് വെള്ളം ചീറ്റി. അതിനിടെയാണ് ഗോഡൗണിന്റെ ഷട്ടര് കണ്ടത്. ഷട്ടര് പൊളിച്ചാല് അകത്ത് കയറാമെന്ന് മനസിലാക്കിയ രഞ്ജിത്ത് പാര കൊണ്ട് പൊളിക്കാന് തുടങ്ങി. പെട്ടെന്ന് സിമന്റ് കട്ടകള് കൊണ്ടുകെട്ടി പ്ളാസ്റ്റര് ചെയ്യാത്ത ഭിത്തി ബീമോടുകൂടി ചായുന്നതുകണ്ട് മറ്റുള്ളവര് ഓടിമാറി. ഷട്ടറും ഭിത്തിയും രഞ്ജിത്തിന്റെ ദേഹത്തേക്ക് പതിച്ചു. കൈകള് മാത്രമാണ് പുറത്തുകാണാന് സാധിച്ചത്്. പുറത്തെടുക്കാനുള്ള ശ്രമം പരാജയപ്പെട്ടതോടെ ജെ.സി.ബി എത്തിച്ചാണ് ഭിത്തിയുടെ പാളികള് നീക്കിയത്. മിന്നല്വേഗത്തില് സ്വകാര്യ ആശുപത്രിലെത്തിച്ചെങ്കിലും പുലര്ച്ചെ 3.50 ഓടെ മരണം സംഭവിച്ചു. ശ്രീജിത്ത് ജ്യേഷ്ഠസഹോദരനാണ്.
"
https://www.facebook.com/Malayalivartha
