വീടിനു മുകളില് ഉണക്കാനിട്ട തുണികള് എടുക്കുന്നതിനിടെയാണ് ഇടിമിന്നലേറ്റ യുവതിയെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല
വീടിനു മുകളില് ഉണക്കാനിട്ട തുണികള് എടുക്കുന്നതിനിടെയാണ് ഇടിമിന്നലേറ്റ യുവതിയെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മേപ്പാടി സ്വദേശി ചെമ്പോത്തറ കൊല്ലിവെയില് ഊരിലെ സിമിയാണ് മരിച്ചത്.
വൈകുന്നേരം അതിശക്തമായ മഴയോടു കൂടിയുണ്ടായ ഇടിമിന്നലേറ്റിലാണ് അപകടം സംഭവിച്ചത്. യുവതിയെ ഉടന് കല്പ്പറ്റയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ജൂണ് ഒന്നിന് തൊടുപുഴയില് മിന്നലേറ്റ് ഒരു പാറമടത്തൊഴിലാളി മരിച്ചിരുന്നു. പൂപ്പാറ സ്വദേശി രാജ ചികിത്സയിലിരിക്കേ മരിച്ചത്. 11 തൊഴിലാളികള്ക്കായിരുന്ന ഇവിടെ ഇടിമിന്നലേറ്റത്. കനത്ത മഴയെ തുടര്ന്ന് പാറമടയില് തൊഴിലാളികള്ക്കു വിശ്രമിക്കാന് നിര്മിച്ച താല്ക്കാലിക ഷെഡില് നില്ക്കുമ്പോഴായിരുന്നു തൊഴിലാളികള്ക്ക് മിന്നലേറ്റത്.
ഇടിമിന്നല് ജാഗ്രതാ നിര്ദേശങ്ങളിങ്ങനെ....
ഇടിമിന്നലുള്ള സമയത്ത് ടെറസ്സിലോ മറ്റ് ഉയരമുള്ള സ്ഥലങ്ങളിലോ വൃക്ഷ കൊമ്പിലോ ഇരിക്കുന്നത് അപകടകരമാണ്. വീടിനു പുറത്താണങ്കില് വൃക്ഷങ്ങളുടെ ചുവട്ടില് നില്ക്കരുത്. വാഹനത്തിനുള്ളില് ആണങ്കില് തുറസ്സായ സ്ഥലത്ത് നിര്ത്തി, ലോഹ ഭാഗങ്ങളില് സ്പര്ശിക്കാതെ ഇരിക്കണം.
ഇടിമിന്നല് ഉണ്ടാകുമ്പോള് ജലാശയത്തില് ഇറങ്ങുവാന് പാടില്ല.പട്ടം പറത്തുവാന് പാടില്ല. തുറസ്സായ സ്ഥലത്താണങ്കില് പാദങ്ങള് ചേര്ത്തുവച്ച് തല കാല് മുട്ടുകള്ക്ക് ഇടയില് ഒതുക്കി പന്തുപോലെ ഉരുണ്ട് ഇരിക്കുക.ഇടിമിന്നലുള്ള സമയം പുറത്ത് അയയില് കിടക്കുന്ന നനഞ്ഞ വസ്ത്രങ്ങള് എടുക്കാതിരിക്കുക.ഇടിമിന്നലില്നിന്ന് സുരക്ഷിതമാക്കാന് കെട്ടിടങ്ങള്ക്കു മുകളില് മിന്നല് ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സര്ജ്ജ് പ്രോട്ടക്ടര് ഘടിപ്പിക്കാം.
ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. മഴക്കാറ് കാണുമ്പോള് തുണികള് എടുക്കാന് ടെറസിലേക്കോ, മുറ്റത്തക്കോ ഇടിമിന്നലുള്ള സമയത്ത് പോകരുത്.ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക.
ജനലും വാതിലും അടച്ചിടുക.ലോഹ വസ്തുക്കളുടെ സ്പര്ശനമോ സാമീപ്യമോ പാടില്ല. വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക.ടെലിഫോണ് ഉപയോഗിക്കുന്നത് ഒഴിവാക്കാന് ശ്രമിക്കുക. ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക.കഴിയുന്നത്ര ഗൃഹാന്തര് ഭാഗത്ത് ഭിത്തിയിലോ തറയിലോ സ്പര്ശിക്കാതെ ഇരിക്കുക.മിന്നലിന്റെ ആഘാതത്താല് പൊള്ളല് ഏല്ക്കുകയോ കാഴ്ച്ചയോ കേള്വിയോ നഷ്ടമാവുകയോ ഹൃദയാഘാതം സംഭവിക്കയോ ചെയ്യാം. മിന്നലാഘാതം ഏറ്റ ആളിന്റെ ശരീരത്തില് വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാല് മിന്നലേറ്റ ആളിന് പ്രഥമ ശുശ്രൂഷ നല്കുവാന് മടിക്കരുത്. മിന്നല് ഏറ്റാല് ആദ്യ മുപ്പത് സെക്കന്ഡ് ജീവന് രക്ഷിക്കാനുള്ള സമയമാണ്.
"
https://www.facebook.com/Malayalivartha
