മാധ്യമങ്ങളെ വിരട്ടിയ ഗോവിന്ദന് മാഷ് നിലത്തിറങ്ങി;ഞാന് വിരട്ടിയിട്ടേ ഇല്ലെന്ന് നിലപാട് മാറ്റം,അടി ഇരന്ന് വാങ്ങിയപ്പോള് മൂപ്പര് നന്നായി, ഗോവിന്ദനും പാര്ട്ടിക്കുമെതിരെ ദേശീയ മാധ്യമങ്ങളും രംഗത്ത്,പണി പാളിയതോടെ പാര്ട്ടി സെക്രട്ടറി ഓടി
വിരട്ട് നൈസായിട്ടൊന്ന് പാളി പാര്ട്ടി സെക്രട്ടറി എംവി ഗോവിന്ദനിപ്പോള് മലക്കം മറിയുന്നു. മൈക്ക് കിട്ടുമ്പോള് ചുമ്മാ കേറി ഹീറോയിസം കാണിക്കാന് നില്ക്കല്ലെ സഖാവെ ദേ പണി ഇതുപോലെ കിട്ടും. മാധ്യമങ്ങളെ വിരട്ടിയ സിപിഎമ്മിനെതിരെ ദേശീയ മാധ്യമങ്ങളും കലിപ്പില്. സര്ക്കാരിനെ വിമര്ശിച്ചാല് കേസെടുക്കും എന്ന് പറഞ്ഞ് നാവ് വായിലേക്കിട്ടില്ല പണി നാനവഴിക്കൂടെയും ഇരന്ന് വാങ്ങുന്നു. ഗോവിന്ദന്റെ വിരട്ടിന് പുല്ലുവില പോലും കൊടുക്കാതെ മാധ്യമങ്ങള് തലങ്ങും വിലങ്ങും എടുത്തുടുക്കുന്നു. ദേശീയ മാധ്യമങ്ങള് സിപിഎമ്മിനെതിരെ രൂക്ഷവിമര്ശനം ഉന്നയിച്ച് രംഗത്ത്. കേരളം ഇന്ത്യയില് തന്നെയാണെന്ന ബോധ്യം സിപിഎമ്മിന് ഉണ്ടാകണമെന്ന് ദേശീയ മാധ്യമങ്ങള് തുറന്നടിക്കുന്നു. ഇതോടെ ഗോവിന്ദന് പരുങ്ങുന്നു ഇപ്പോള് ഉരുണ്ട് കളിക്കുന്നു. ദേശീയ മാധ്യമങ്ങളില് വിഷയം വലിയ തോതില് ചര്ച്ചയാവുകയും മലയാള ദിനപ്പത്രങ്ങള് മുഖപ്രസംഗം എഴുതി പാര്ട്ടിയുടെയും സര്ക്കാരിന്റെയും നിലപാടിനെ വിമര്ശിക്കുകയും ചെയ്ത സാഹചര്യത്തിലാണ് എംവി ഗോവിന്ദന്റെ നിലപാട് മാറ്റം.
സര്ക്കാരിനെ വിമര്ശിച്ചാല് മാധ്യമങ്ങള്ക്കെതിരെ കേസെടുക്കുമെന്ന് ഞാന് പറഞ്ഞിട്ടില്ല. താന് പറയാത്ത കാര്യം തന്റെമേല് കെട്ടിവെക്കുന്നുവെന്ന് ഗോവിന്ദന്റെ നിലവിളി. ആഹാ ഇവറ്റകളുടെ കരച്ചില് കേള്ക്കാന് തന്നെ എന്താ രസമെന്ന് സോഷ്യല്മീഡിയ. സര്ക്കാര്വിരുദ്ധ, എസ്എഫ്ഐ വിരുദ്ധ പ്രചാരണവുമായി മാധ്യമങ്ങളുടെ പേരുംപറഞ്ഞു നടന്നാല് ഇനിയും കേസില് ഉള്പ്പെടുത്തുമെന്നും അതിലൊരു സംശയവും വേണ്ടെന്നാണ് എം.വി.ഗോവിന്ദന് കഴിഞ്ഞ ഞായറാഴ്ച ഭീഷണിമുഴക്കിയത്. ''മുന്പും കേസെടുത്തിട്ടുണ്ട്. മാധ്യമത്തിനു മാധ്യമത്തിന്റെ സ്റ്റാന്ഡ് ഉണ്ട്. ആ സ്റ്റാന്ഡിലേ നില്ക്കാന് പാടുള്ളൂ''ഗോവിന്ദന് പറഞ്ഞത്. എന്നാല് വിരട്ടൊക്കെ പാര്ട്ടി ആപ്പീസില് അണികളോട് മതിയെന്ന് മാധ്യമങ്ങള് നിലപാട് വ്യക്തമാക്കി. തുടര്ന്ന് മുഖപ്രസംഗങ്ങളിലെല്ലാം ഗോവിന്ദനെ കേറി മേഞ്ഞു. പക്ഷെ മാധ്യമങ്ങള് മുഖപ്രസംഗം എഴുതിയാല് നിലപാട് മാറ്റില്ലെന്ന് വീണ്ടും ഗോവിന്ദന്റെ തള്ള്. ആ ബെസ്റ്റ് ആദ്യം പറഞ്ഞതില് നിന്നെല്ലാം നിന്ന നില്പ്പില് മലക്കം മറിഞ്ഞിട്ടും നിലപാടില് മാറ്റമില്ലെന്ന്. ലേശം ഉളുപ്പ്....അതില്ലെന്ന് അറിയാം എന്നാലും ചോദിച്ചെന്നേയുള്ളു.
പക്ഷെ പണി പതിനെട്ടും കിട്ടിയിട്ടും ആര്ഷോ മോനേയും അഖില മോളേയും കൈവിടുന്നില്ല കേട്ടോ. ഇതുവരെ അഖിലയെ പിന്തുണയ്ക്കില്ലെന്നായിരുന്നു ഗോവിന്ദന്റെ തള്ള്. ഇന്നിപ്പോള് പ്ലേറ്റുമാറ്റി. അഖിലയ്ക്കെതിരായ കേസില് ഗൂഡാലോചനയാണെന്ന് ഗോവിന്ദന് വ്യക്തമാക്കുന്നു. അടിപൊളി.....വിദ്യ കോളേജുകളില് സമര്പ്പിച്ച വ്യജ സര്ട്ടിഫിക്കറ്റുകളുടെ തെളിവടക്കം പുറത്ത് വന്നിട്ടും സിപിഎമ്മിന് നേരംവെളുത്തിട്ടില്ല. ഇപ്പോള് ഗൂഡാലോചനയാണ് പോലും. തെറ്റുകാരിയല്ലെങ്കില് എന്തിന് ഒളിവില് പോണം സഖാത്തി. ഒളിവിലിരുന്ന് കൊണ്ട് മുന്കൂര് ജാമ്യത്തിന് ഹര്ജി കൊടുക്കണം. ഇപ്പോള് മനസ്സിലായിക്കാണുമല്ലോ വിദ്യയെ ആരാണ് ഒളിപ്പിച്ചിരിക്കുന്നതെന്ന്. പിന്നെ ആര്ഷോ മോനേയും അങ്ങ് പൊതിഞ്ഞിട്ടുണ്ട്. ആര്ഷോയ്ക്കെതിരായ പ്രചാരണത്തിന് ചിലര് മുന്കൈയ്യെടുത്തു. എസ്എഫ്ഐ നേതാവിനെതിരെ ഗൂഡാലോചന നടത്തിയാല് അത് പറയും. ഗൂഡാലോചന അന്വേഷണത്തില് തെളിയുന്നുണ്ടെന്ന് വീണ്ടും പഴയ പല്ലവി. ഗൂഡാലോചന നടത്തുന്നതും അനധികൃത നിയമനങ്ങള് നടത്തുന്നതും എല്ലാം നിങ്ങള് എന്നിട്ടും ഗൂഡാലോചന നടത്തുന്നത് മാധ്യമങ്ങളാണെന്ന് ഇതെല്ലാം മാധ്യമങ്ങളുടെ തിരക്കഥയാണെന്ന് ഗോവിന്ദന്റെ പുതിയ കഥ.
തന്റേത് ധാര്ഷ്ട്യമല്ല ശരിയായ നിലപാടെന്നും പാര്ട്ടി സെക്രട്ടറി. ആഹാ കൊള്ളാം, വിമര്ശിച്ചാല് കേസെടുക്കും മാധ്യമങ്ങളെ തൊലപ്പിച്ച് കളയുമെന്നൊക്കെ വന്നിരുന്ന് പറഞ്ഞിട്ട് ധാര്ഷ്ട്യമല്ലെന്ന്. അങ്ങേയറ്റതച്തെ ധാര്ഷ്ട്യവും അഹങ്കാരവുമാണ് ഈ കൂട്ടത്തിന്. പക്ഷെ പണി കിട്ടുമ്പോള് നിലപാട് മാറും. പാര്ട്ടി സെക്രട്ടറി വന്നിരുന്ന് ജനങ്ങളേയും മാധ്യമങ്ങളേയും വിരട്ടാന് ഇത് ചൈനയോ ഉത്തര കൊറിയയോ അല്ലെന്ന് ഓര്മ്മ വേണം. സ്വന്തം പദവിക്ക് അത്രത്തോളം വലുപ്പമുണ്ടെന്നു സ്വയം തെറ്റിദ്ധരിച്ചതുകൊണ്ടാവണം അദ്ദേഹം കഴിഞ്ഞദിവസം ധാര്ഷ്ട്യത്തോടെ മാധ്യമങ്ങള്ക്കുനേരെ തിരിഞ്ഞത്. വാര്ത്തകള് തങ്ങള്ക്ക് അനുകൂലമാകുമ്പോള് മാധ്യമങ്ങളെ വാഴ്ത്തുകയും വിമര്ശനപരമായാല് അവയുടെ വായടപ്പിക്കുകയും ചെയ്യാനുള്ള പ്രവണത ഭരിക്കുന്നവരിലും പാര്ട്ടി നേതാക്കളിലും ഏറിവരികയാണെന്നതിന്റെ ഏറ്റവും ഒടുവിലത്തെ ഉദാഹരണമാണ് ഈ ഭീഷണി. പി.എം.ആര്ഷോയുമായി ബന്ധപ്പെട്ട വാര്ത്തയുടെ ന്യായാന്യായങ്ങളെച്ചെ!ാല്ലി പ്രതികരിക്കാന് ഇവിടെ വ്യവസ്ഥാപിത മാര്ഗങ്ങളുണ്ടെന്നിരിക്കെ ഇത്തരത്തിലൊരു അഹങ്കാരഭാഷയില് ഭീഷണി ഉയര്ത്താന് എം.വി.ഗോവിന്ദന് എന്താണ് അവകാശം?. സര്ക്കാര് അനുകൂല, എസ്എഫ്ഐ അനുകൂല' വാര്ത്തകള് മാത്രമേ ജനം വായിക്കാവൂ എന്ന നിബന്ധന അങ്ങ് പാര്ട്ടിപ്പത്രത്തില് മാത്രം മതി. സ്വന്തം നില മറന്നുള്ള ധാര്ഷ്ട്യ ഭീഷണികള് പാര്ട്ടിക്കുള്ളില് മതി, മാധ്യമങ്ങളോടു വേണ്ടെന്നു തിരിച്ചറിയാന് പാര്ട്ടി സെക്രട്ടറി ഇനിയും വൈകിക്കൂടാ. കാരണം ആകെ പച്ചതൊട്ട് നില്ക്കുന്നത് കേരളത്തിലാണ്. ഇവിടവും കൈവിട്ടാല് ചെങ്കൊടി കുത്താന് ഒരു തരി മണ്ണില്ല. അത് ദേശീയ മാധ്യമങ്ങളും ഓര്മ്മിപ്പിക്കുന്നു. കേരളം വിട്ടാല് ചെങ്കൊടി പിടിക്കാന് പത്താള് തികച്ചില്ല എന്നിട്ടും ധാര്ഷ്ട്യത്തിനും അഹങ്കാരത്തിനും ഒരു കുറവുമില്ല. ഇനിയെങ്കിലും നന്നായിക്കൂടെ.
https://www.facebook.com/Malayalivartha
