കേരളത്തിലെ യുട്യൂബര്‍മാരുടെ വീടുകളിൽ റെയ്ഡ് നടത്തി ആദായനികുതി വകുപ്പ്. അവതാരകയും നടിയുമായ പേളി മാണിഉൾപ്പെടെയുള്ള പത്തു യുട്യൂബര്‍മാരു വീടുകളിലാണ് പരിശോധന നടത്തിയത് . വന്‍തോതില്‍ നികുതി വെട്ടിപ്പ് നടത്തുന്നതായി പരാതി കിട്ടിയിരുന്നു. ഇതിന്റെ അടിസ്ഥാനത്തിലാണ് ആദായനികുതി വകുപ്പ് പരിശോധന ശക്തമാക്കിയത്.

പത്ത് പ്രമുഖ യുട്യബേഴ്‌സിന്റെ വീടുകളിലാണ് ആദായനികുതി വകുപ്പ് അന്വേഷണം പേളി മാണി, സജു മുഹമ്മദ്, സെബിന്‍, സുജിത് ഭക്തൻ തുടങ്ങി പ്രമുഖരായ പത്ത് യൂട്യൂബര്‍മാരുടെ വീട്ടിലാണ് റെയ്ഡ്. ഇതില്‍ പലര്‍ക്കും പ്രതിവര്‍ഷം രണ്ടുകോടി വരെ വരുമാനം കിട്ടുന്നവരാണ് . 35 ലക്ഷത്തിലധികം വരും പലരുടെയും സബ്‌സ്‌ക്രൈബേഴ്‌സ് നിര. അതുകൊണ്ടുതന്നെ ഇവര്‍ക്ക് വലിയ വരുമാനവും കിട്ടുന്നുണ്ട് . എന്നാല്‍ നികുതി ഇനത്തിലേക്ക് ഇവര്‍ ഒരു പണവും അടയ്ക്കുന്നില്ലെന്നാണ് ഉയർന്നിരിക്കുന്ന പരാതി.

ഈ സാഹചര്യത്തിലാണ് ആദായനികുതി വകുപ്പ് റെയിഡ് നടത്തിയിരിക്കുന്നത്. ആദായനികുതി ഇൻവെസ്റ്റിഗേഷൻ വിഭാഗത്തിന്റെ കോഴിക്കോട് യൂണിറ്റ് രജിസ്റ്റർ ചെയ്ത കേസിലാണ് ഇപ്പോൾ പരിശോധന നടക്കുന്നത്. കോഴിക്കോടും കൊച്ചിയുമുൾപ്പെടെ പത്തിടങ്ങളിലാണ് റെയ്ഡ് നടക്കുന്നത്.