ഭാര്യയെ മര്‍ദ്ദിക്കുക പതിവ്.... കഴിഞ്ഞ ദിവസം ചുറ്റിക ഉപയോഗിച്ച് മര്‍ദ്ദനം.... ഭാര്യയെ മര്‍ദ്ദിച്ചെന്ന കേസില്‍ പോലീസ് അന്വേഷിച്ചു കൊണ്ടിരുന്ന യുവാവ് ആത്മഹത്യ ചെയ്തു.

കൈപ്പള്ളി കുന്നേല്‍ ജയ്‌സണ്‍ (41) ആണ് മരിച്ചത്. പെരിങ്ങുളത്തിനു സമീപം തൂങ്ങി മരിച്ച നിലയിലാണു കണ്ടെത്തിയത്. 2 ദിവസമായി ഇയാളെ കാണാനില്ലായിരുന്നു. ഭാര്യയെ ജയ്‌സണ്‍ പതിവായി മര്‍ദിച്ചിരുന്നതായി പൊലീസ് പറഞ്ഞു.

കഴിഞ്ഞദിവസം ചുറ്റിക ഉപയോഗിച്ചും മര്‍ദിച്ചു. തുടര്‍ന്നു പൊലീസ് ഇവരുടെ മൊഴിയെടുത്ത് കേസെടുക്കുകയായിരുന്നു. രണ്ടു പേരുടേയും രണ്ടാം വിവാഹമായിരുന്നു.