ഫിഷറീസ് വകുപ്പില്‍ രജിസ്റ്റര്‍ ചെയ്ത ജില്ലയിലെ യന്ത്രവത്കൃത യാനകളുടെ പരിശോധന 31 വരെ നടക്കും. മത്സ്യബന്ധന യാനകളുടെ രജിസ്ട്രേഷന്‍ സോഫ്‌റ്റ്വെയറായ റിയല്‍ ക്രാഫ്റ്റ് അപ്ഡേറ്റ് ചെയ്യുന്നതിന്റെ ഭാഗമായി ഫിഷറീസ് വകുപ്പാണ് പരിശോധന നടത്തുന്നത്.

നിലവില്‍ 1940 മെക്കനൈസ്ഡ് യാനങ്ങളാണ് രജിസ്റ്റര്‍ ചെയ്തിട്ടുണ്ടെങ്കിലും ഇത്രയും യാനങ്ങള്‍ നിലവില്‍ പ്രവര്‍ത്തിക്കുന്നില്ലെന്ന് കണ്ടെത്തിയിരുന്നു. യന്ത്രവത്കൃത മേഖലയുമായി ബന്ധപ്പെട്ട പദ്ധതികള്‍ വിഭാവനം ചെയ്ത് നടപ്പാക്കുന്നതിനും നിലവിലെ യാനകളുടെ കൃത്യമായ വിവരശേഖരണം നടത്തേണ്ടതുണ്ട്.

ജൂലൈ 31 വരെ നടക്കുന്ന പരിശോധനയില്‍ ബോട്ട് രജിസ്ട്രേഷന്‍ സര്‍ട്ടിഫിക്കറ്റ്, ലൈസന്‍സ്, യാന ഉടമയുടെയും സ്രാങ്കിന്റെയും തൊഴിലാളികളുടെയും ആധാര്‍, സ്രാങ്ക് ലൈസന്‍സ് എന്നിവ നല്‍കണം. ഭൗതിക പരിശോധന പൂര്‍ത്തിയായതായി ഉദ്യോഗസ്ഥര്‍ സാക്ഷ്യപ്പെടുത്തിയ ബോട്ടുകളെ മാത്രമേ ട്രോളിങ് നിരോധനത്തിന് ശേഷം മത്സ്യബന്ധനത്തിന് പോകാന്‍ അനുവദിക്കൂവെന്നും ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.