കുറ്റവാളികള്‍ക്ക് മാപ്പ് നല്‍കുക അപൂര്‍വമാണ്. എന്നാല്‍ പ്രശസ്ത താരം ശോഭന മാപ്പ് നല്‍കിയിരിക്കുകയാണ്. അതും കേസും വഴക്കുമൊന്നുമാക്കാതെ. ശോഭനയുടെ ചെന്നൈയിലെ വീട്ടിലെ മോഷണം ഏറെ ചര്‍ച്ചയായി. വീട്ടുജോലിക്കാരിയാണ് മോഷണം നടത്തിയതെന്ന് പൊലീസ് പറഞ്ഞു.

ശോഭനയുടെ അമ്മയെ ശുശ്രൂഷിക്കാനായി എത്തിയ വീട്ടുജോലിക്കാരി, മാര്‍ച്ച് മുതലാണ് മോഷണം തുടങ്ങിയത്. പണം നഷ്ടപ്പെടുന്നുവെന്ന സംശയം തോന്നിയ ശോഭന, വീട്ടുജോലിക്കാരിയോട് ചോദിച്ചപ്പോള്‍ അറിയില്ലെന്നായിരുന്നു മറുപടി. തുടര്‍ന്ന് പൊലീസില്‍ പരാതി നല്‍കി. പിന്നാലെ നടന്ന അന്വേഷണത്തിലാണ് മോഷണ വിവരം പുറത്തുവന്നത്.

പണം ശോഭനയുടെ ഡ്രൈവര്‍ മുരുകന്റെ ഗൂഗിള്‍ പേ അക്കൗണ്ട് വഴി, മകള്‍ക്ക് കൈമാറിയെന്ന്  അവര്‍  വെളിപ്പെടുത്തി. സത്യം മനസിലായതോടെ ശോഭന പരാതി പിന്‍വലിച്ചെന്നും, വീട്ടുജോലിക്കാരിയെയും മുരുകനെയും താക്കീത് ചെയ്തു വിട്ടയച്ചെന്നും തെയ്ന്നാംപെട്ട് എസ് ഐ പറഞ്ഞു. വീട്ടുജോലിക്കാരിയെ തുടര്‍ന്നും വീട്ടില്‍ നിര്‍ത്താന്‍ തീരുമാനിച്ചെന്നും മോഷ്ടിച്ച പണം ശമ്പളത്തില്‍ നിന്നും പിടിക്കുമെന്നും റിപ്പോര്‍ട്ടുണ്ട്. ശോഭന വാര്‍ത്തയോട് പ്രതികരിച്ചിട്ടില്ല.

വീട്ടില്‍ നിന്ന് 41,000 രൂപയാണ് നഷ്ടമായത്. സംഭവത്തില്‍ ജോലിക്കാരിക്കെതിരെ കേസ് വേണ്ടെന്ന് ശോഭന പൊലീസിനെ അറിയിച്ചു. മോഷണത്തെ തുടര്‍ന്നുള്ള അന്വേഷണത്തില്‍ കുറ്റം എറ്റുപറഞ്ഞതിനെ തുടര്‍ന്നാണ് ജോലിക്കാരിക്ക് മാപ്പ് നല്‍കിയത്.

തേനാംപെട്ടിലെ വീട്ടില്‍ ശോഭനയുടെ അമ്മ ആനന്ദത്തെ പരിചരിക്കാന്‍ നിയോഗിച്ച കടലൂര്‍ സ്വദേശിനിയാണ് പണം മോഷ്ടിച്ചത്. കഴിഞ്ഞ എതാനം മാസങ്ങളിലായി ആനന്ദത്തിന്റെ പണം കാണാതാകുകയായിരുന്നു. ഇതേ തുടര്‍ന്നാണ് പൊലീസില്‍ പരാതി നല്‍കിയത്. പണം ശോഭനയുടെ ഡ്രൈവറുടെ സഹായത്തോടെ മകളുടെ ബാങ്ക് അക്കൗണ്ടിലേക്ക് അയയ്ക്കുകയായിരുന്നെന്ന് പൊലീസ് കണ്ടെത്തി. ഇവരുടെ ശമ്പളത്തില്‍ നിന്നു തുക തിരിച്ചുപിടിക്കാമെന്നും തുടര്‍ നടപടികള്‍ ഒഴിവാക്കണമെന്നുമാണു നടി പൊലീസ് അധികൃതരോടു പറഞ്ഞത്.

സിനിമയില്‍ സെലക്ടീവായി മാത്രം ഇപ്പോള്‍ അഭിനയിക്കുന്ന ശോഭന നൃത്തത്തില്‍ സജീവമാണ്. മാധ്യമങ്ങളിലും സോഷ്യല്‍ മീഡിയയിലുമൊക്കെ ശോഭന സജീവമാണ് എങ്കിലും മകള്‍ നാരായണിയെ അതില്‍ നിന്നും ഒക്കെ അകറ്റി നിര്‍ത്താന്‍ താരം ഇപ്പോഴും ശ്രദ്ധിച്ചിരുന്നു. അമ്മയുടെ ചുവടുകള്‍ പിന്തുടര്‍ന്ന് നാരായണി നൃത്തം അഭ്യസിക്കുന്നു എന്നതൊക്കെ ശോഭനയുടെ അഭിമുഖങ്ങളിലും മറ്റും അവര്‍ സൂചിപ്പിച്ചിരുന്നു എങ്കിലും ശോഭനയുടെ ഇന്‍സ്റ്റാഗ്രാം നൃത്ത വീഡിയോകളില്‍ ഒന്നും തന്നെ എത്ര തിരഞ്ഞാലും നാരായണിയെ കാണാന്‍ ആവില്ല. നാരായണി ഇന്‍സ്റ്റയില്‍ അംഗമാണോ എന്നതിന്റെ സൂചനകളും ഉണ്ടായിരുന്നില്ല.

എന്നാല്‍ ഇന്ന് ശോഭന പോസ്റ്റ് ചെയ്ത വിഡിയോയില്‍ ടാഗ് ചെയ്തവരുടെ കൂട്ടത്തില്‍ 'നാരായണി ദി ട്രാവലര്‍' എന്ന ഒരു ഐ ഡിയും ഉണ്ട്. വീഡിയോയ്ക്ക് താഴെ ശോഭന പറഞ്ഞിരിക്കുന്നതും പാരന്റിങ്ങിനെ കുറിച്ചാണ്. ശിഷ്യരുടെ കാര്യത്തില്‍ പലപ്പോഴും ഗുരു ഒരു പാരന്റ് ആവുന്ന അവസ്ഥയും ഉണ്ടാവുന്നു എന്നാണു ശോഭന പറയുന്നത്.

ശോഭന പോസ്റ്റ് നൃത്ത വിഡിയോയില്‍ ഉള്ളത് അവരുടെ നൃത്ത വിദ്യാലയമായ കലാര്‍പ്പണയിലെ വിദ്യാര്‍ഥികള്‍ ശ്രീവിദ്യ ശൈലേഷ്, അഞ്ജന എന്നിവരാണ്. ഒപ്പമുള്ള കുട്ടിയാണോ നാരായണി എന്നാണു ആരാധകരുടെ സംശയം. പ്രത്യേകിച്ച് ആ പേരുള്ള ഒരാളെ ശോഭന ടാഗ് ചെയ്തിരിക്കുന്നത് കൊണ്ട്. നാരായണിയെ സ്റ്റേജില്‍ കാന്‍ഡില്‍ സന്തോഷം എന്നും ശോഭനയെപ്പോലെ തന്നെയാണ് നാരായണി എന്നുമൊക്കെ കമന്റ് ചെയ്യുന്നുണ്ട് ആരാധകര്‍.