കുറച്ചു ദിവസങ്ങൾക്ക് മുൻപാണ് നടൻ സൂരജ് വെഞ്ഞാറമൂട് സഞ്ചരിച്ച വാഹനം ഒരു ബൈക്കുമായി കൂട്ടിയിടിച്ച അപകടം സംഭവിച്ചത് .എറണാകുളം പാലാരിവട്ടത്ത് ഇന്നലെ അർധരാത്രിയാണ് അപകടമുണ്ടായത്. സുരാജ് സഞ്ചരിച്ച കാർ എതിരെ വന്ന ബൈക്കിൽ ഇടിക്കുകയായിരുന്നു. പരുക്കേറ്റ ബൈക്ക് യാത്രികനെ ആശുപത്രിയിൽ പ്രവേശിപ്പിച്ചു. സുരാജ് തിരുവനന്തപുരം ഭാഗത്തേക്കു പോകുമ്പോഴായിരുന്നു അപകടം.നടന് സാരമായി പരിക്കുകൾ മാത്രമേ സംഭവിച്ചിരുന്നുള്ളു. ഇപ്പോഴിതാ നടനെതിരെ വധ ഭീഷണി .നടൻ സുരാജ് വെഞ്ഞാറമൂടിനെ ഫോണിലൂടെ വിളിച്ച് അസഭ്യ വർഷം നടത്തിയെന്നാരോപിച്ച് നടൻ നൽകിയ പരാതിയിൽ കാക്കനാട് സൈബർ ക്രൈം പോലീസ് കേസെടുത്തു. കഴിഞ്ഞ മൂന്ന് ദിവസമായി നോർമ്മൽ കോളായും വാട്ട്സ്ആപ്പ് കോളു വഴിയും അനോണിമസ് നമ്പറുകളിൽ നിന്നും അസഭ്യവർഷവും വധഭീക്ഷണിയും നടത്തുന്നുവെന്നാണ് നടന്റെ പരാതി. അതേ സമയം ഫോണിലേക്ക് വിളിച്ച നമ്പറുകൾ കേന്ദ്രീകരിച്ച് പോലീസ് അന്വേഷണം ആരംഭിക്കുകയും ചെയ്തു.

ഇത്തരത്തിൽ ഭീഷണി ഫോണ്‍ കോളുകളും ചീത്തവിളികളും നിരന്തരമായി എത്തിയതോടെയാണ് താരം പോലീസിൽ പരാതി നല്‍കിയത്.നടന്റെ ഫോണ്‍ നമ്പർ ഫേസ്ബുക്ക് പേജിൽ പ്രസിദ്ധപ്പപ്പെടുത്തി തെറിവിളിക്കാൻ ആഹ്വാനം ചെയ്തയാള്‍ക്കെതിരേയും അദ്ദേഹം പരാതി നല്‍കിയിട്ടുണ്ട്.മണിപ്പൂരില്‍ സ്ത്രീകളെ നഗ്‌നരാക്കി റോഡിലൂടെ നടത്തിയ സംഭവവുമായി ബന്ധപ്പെട്ട് സുരാജ് പങ്കുവെച്ച ഫേസ്ബുക്ക് പോസ്റ്റിന് പിന്നാലെയാണ് നടനെതിരെ ഇത്തരത്തിൽ സൈബർ ആക്രമണം നടന്നത്.കൊന്നു കളയുമെന്ന ഭീഷണി ആണ് ഇതിലൂടെ ഓരോ മിനിറ്റിലും വരുന്നതെന്ന് പരാതിയിൽ വ്യക്തമാക്കുന്നു. ഇവരൊക്കെ ആരെന്നോ എന്തിനാണ് എന്നെ ബുദ്ധിമുട്ടിക്കുന്നത് എന്നോ എനിക്ക് അറിയില്ല. ആയതിനാൽ ഒരു മനുഷ്യന്റെ സ്വകാര്യ ജീവിതത്തിലേക്ക് ഉള്ള കടന്നു കയറ്റമായി ഇതിനെ കാണുകയും ഇങ്ങനെ കൂട്ട ആക്രമണം നടത്തുന്നവർക്ക് എതിരെ എത്രയും പെട്ടെന്ന് നടപടി ഉണ്ടാകണമെന്ന് താഴ്മയായി അഭ്യർത്ഥിക്കുന്നുവെന്നാണ് പരാതിയിൽ വ്യക്തമാക്കുന്നത്.

വിളിച്ച ഫോൺ നമ്പറുതകളും പരാതിക്കൊപ്പം രേഖപ്പെടുത്തിയിട്ടുണ്ട്.ഞാൻ ഒരു പ്രത്യേക രാഷ്ട്രീയ പാർട്ടിയിൽ അംഗത്വം ഉള്ള ആളുമല്ല. കല എന്നത് മാത്രമാണ് എന്റെ രാഷ്ട്രീയം. മണിപ്പൂരിൽ വിവസ്ത്ര ആക്കപ്പെട്ട വീഡിയോ കണ്ട ദിവസം ഇവർക്ക് നീതി വൈകികൂടാ എന്നൊരു വാക്ക് ഞാൻ എഴുതിയിരുന്നു. അന്നുമുതൽ ഇന്നുവരെ എനിക്ക് എതിരെ സംഘടിതമായ സൈബർ ആക്രമണം നടക്കുകയാണെന്നും സുരാജ് വെഞ്ഞാറമൂട് പരാതിയിൽ വ്യക്തമാക്കുന്നു.അതേസമയം ശനിയാഴ്ച്ച രാത്രി സുരാജ് വെഞ്ഞാറമൂടിന്റെ കാറ് ഒരു ബൈക്കുമായി കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികന് പരിക്ക് പറ്റിയിരുന്നു.

സംഭവത്തിൽ പാലാരിവട്ടം പോലീസ് കേസ് രജിസ്റ്റർ ചെയ്തിട്ടുണ്ട്.തിരുവനന്തപുരത്തേക്ക് വരികയായിരുന്ന സുരാജിന്റെ വാഹനം പാലാരിവട്ടത്തു വച്ച് ഒരു ബൈക്കുമായി കൂട്ടിയിടിച്ച് അപകടത്തിൽപ്പെടുകയായിരുന്നു.ഇതുമായി ബന്ധപ്പെട്ട് സുരാജിന് കാരണം കാണിക്കൽ നോട്ടിസ് നൽകുകയും, ഗതാഗത നിയമങ്ങളെ കുറിച്ചുള്ള ക്ലാസ്സിൽ സുരാജ് പങ്കെടുക്കണമെന്നും മോട്ടോർ വാഹനവകുപ്പ് അറിയിക്കുകയും ചെയ്തു. അപകടത്തിൽ മലപ്പുറം മഞ്ചേരി സ്വദേശി ശരത്ത് പരിക്കുകളോടെ പാലാരിവട്ടത്തെ സ്വകാര്യ ആശുപത്രിയിൽ ചികിത്സയിലാണ്.