മിത്ത് വിവാദവും മാസപ്പടി വിവാദവും കത്തി നിൽക്കുന്ന ഈ സാഹചര്യത്തിൽ പിണറായി സർക്കാരിനെ വിമർശിച്ചും പരിഹസിച്ചും സ്വർണ്ണക്കടത്ത് കേസ് പ്രതി സ്വപ്ന സുരേഷ് രംഗത്ത് വന്നിരിക്കുകയാണ്. കഴിഞ്ഞ ദിവസം രാത്രിയിൽ സ്വപ്‍ന സുരേഷ് പങ്കു വച്ച ഈ ഫേസ്ബുക്ക് പോസ്റ്റ് വളരെ നിർണ്ണായകമാകുകയാണ്. മിത്തും സത്യവും എന്താണ് എന്നാണ് പരിഹാസ രൂപേണ സ്വപ്ന ഫേസ്ബുക്ക് പോസ്റ്റിലൂടെ ചൂണ്ടിക്കാണിക്കുന്നത്. സ്വപ്ന സുരേഷ് പങ്കു വച്ച് ഇംഗ്ളീഷ് ഫേസ്ബുക്ക് പോസ്റ്റിന്റെ മലയാള രൂപം ഇങ്ങനെ;

എന്താണ് മിത്തും സത്യവും സർ , ഗണപതി ! എന്ത് ഗണപതി? അതൊരു മിത്താണ്. കൃഷ്ണ! ഏതു കൃഷ്ണൻ അതൊരു മിത്താണ്. അയ്യപ്പൻ ! എന്ത് അയ്യപ്പൻ അതൊരു മിത്താണ്. പിന്നെ എന്താണ് സർ സത്യം? ഓ സത്യമോ ? CMRL സത്യമാണ്, ലാവ്‍ലിൻ സത്യമാണ് , ബിരിയാണി ചെമ്പ് സത്യമാണ് , സ്പ്രിംഗ്ളര്‍ സത്യമാണ് , കെ പദ്ധതികള്‍ സത്യമാണ് , വിവേക് സത്യമാണ് , ഫാരിസ് സത്യമാണ് , റിയാസ് സത്യമാണ്. അതേസമയം മറ്റൊരു പോസ്റ്റിൽ; സ്വപ്ന സുരേഷ് ചൂണ്ടിക്കാണിക്കുന്നത് ഇങ്ങനെയാണ്;

അഴിമതിക്ക് മുൻഗണന നൽകുമ്പോൾ സത്യസന്ധത തിന്മയായി മാറും. കളി തുടങ്ങിയിട്ടേയുള്ളൂ.. കാത്തിരുന്നു കാണുക..എല്ലാം.. സർവീസ് ചാർജ്, മുൻകൂർ പണമിടപാടുകൾ, കിലോമീറ്ററുകളോളം നീളുന്ന ബാഗേജുകൾ.. സ്വപ്ന സുരേഷ് ഒരു ക്ലാസിഫൈഡ് ക്രിമിനലായി മാറി. സംസ്ഥാനത്തെ സേവന നികുതിയും ആദായനികുതിയും ജിഎസ്ടിയും വെട്ടിച്ച്, ഉദ്യോഗസ്ഥരുടെ പിഎഫും ഇഎസ്ഐയുടെ മറ്റു സെസുകളും വെട്ടിച്ച് പിതാവുമായി ചേർന്ന് മകൾ 1.71 കോടി രൂപ കൈക്കൂലി വാങ്ങുമ്പോൾ ആ അച്ഛനും മകളും സെലിബ്രിറ്റികൾ!

എന്തുകൊണ്ട് വേണ്ടപ്പെട്ട അധികാരികൾ ഈ സെലിബ്രിറ്റികളെ ചോദ്യം ചെയ്യാതെ നാടു മുഴുവൻ കൊള്ളയടിക്കാൻ പരസ്യമായി കൂട്ടുനിൽക്കുന്നത്. ഇത് ഇവരിൽ രണ്ടു പേരിൽ മാത്രം ഒതുങ്ങില്ല, കുടുംബം മുഴുവൻ ഇതിൽ പങ്കാളികളാണ്. അഭിനന്ദനങ്ങൾ മകൾ വീണയ്ക്കും കേരളത്തിന്‍റെ ബഹുമാനപ്പെട്ട മുഖ്യമന്ത്രിക്കും എന്നാണ് സ്വപ്ന സുരേഷ് മറ്റൊരു ഫേസ്ബുക്ക് പോസ്റ്റിൽ പങ്കു വച്ചത്.