തലസ്ഥാനവാസികള് ഉത്സവലഹരിയില്....ഏഴ് രാപ്പകലുകള് നീണ്ടു നില്ക്കുന്ന ഓണം വാരാഘോഷത്തിന് ഇന്ന് തിരിതെളിയും....കനകക്കുന്നും പരിസരങ്ങളും ദീപാലംകൃതമായി, നിശാഗന്ധിയില് വൈകിട്ട് ആറ് മണിക്ക് മുഖ്യമന്ത്രി പിണറായി വിജയന് ഉദ്ഘാടനം നിര്വഹിക്കുന്നതോടെ ഓണം വാരാഘോഷ വേദികള് ഉണരും,നടന് ഫഹദ് ഫാസിലാണ് ചടങ്ങിലെ മുഖ്യാതിഥി
തലസ്ഥാനവാസികള് ഉത്സവലഹരിയില്....ഏഴ് രാപ്പകലുകള് നീണ്ടു നില്ക്കുന്ന ഓണം വാരാഘോഷത്തിന് ഇന്ന് തിരിതെളിയും....കനകക്കുന്നും പരിസരങ്ങളും ദീപാലംകൃതമായി, നിശാഗന്ധിയില് വൈകിട്ട് ആറ് മണിക്ക് മുഖ്യമന്ത്രി പിണറായി വിജയന് ഉദ്ഘാടനം നിര്വഹിക്കുന്നതോടെ ഓണം വാരാഘോഷ വേദികള് ഉണരും,നടന് ഫഹദ് ഫാസിലാണ് ചടങ്ങിലെ മുഖ്യാതിഥി
ഘോഷത്തിന്റെ പ്രധാന വേദിയായ കനകക്കുന്നും പരിസരങ്ങളും എല്ലാ വിധ തയ്യാറെടുപ്പുകളുമായി ഉദ്ഘാടന ചടങ്ങിനായി കാത്തിരിക്കുകയാണ്. പ്രശസ്ത നര്ത്തകി മല്ലികാ സാരാഭായിയും ചടങ്ങില് പങ്കെടുക്കും. സംസ്ഥാന സ്കൂള് കലോത്സവത്തിലെ ഒന്നാം സ്ഥാനക്കാരായ പട്ടാമ്പി പെരിങ്ങോട് സ്കൂളിലെ വിദ്യാര്ഥികളുടെ പഞ്ചവാദ്യം, കലാമണ്ഡലത്തിലെ നര്ത്തകര് അവതരിപ്പിക്കുന്ന നൃത്തശില്പം എന്നിവയും അരങ്ങേറും.
തുടര്ന്ന് ബിജുനാരായണന്-റിമി ടോമി സംഘത്തിന്റെ സംഗീതനിശ നടക്കും. കനകക്കുന്നില് അഞ്ച് വേദികളിലായാണ് സെപ്തംബര് രണ്ട് വരെ വിവിധ കലാപരിപാടികള് നടക്കുന്നത്.
ജില്ലയില് വിവിധ ഇടങ്ങളിലായി തയ്യാറാക്കിയിരിക്കുന്ന 31 വേദികളിലായി വൈവിധ്യമാര്ന്ന കലാപരിപാടികളും അരങ്ങേറും. കനകക്കുന്നില് ആരംഭിച്ച ട്രേഡ്, ഫുഡ് ഫെസ്റ്റിവല് സ്റ്റാളുകള് ആഘോഷത്തിന്റെ പൊലിമ വര്ദ്ധിപ്പിക്കും. എല്ലാ ദിവസവും വൈകുന്നേരം ഏഴ് മണിക്ക് കനകക്കുന്നില് ലേസര് ഷോയും അരങ്ങേറും. സെപ്തംബര് രണ്ടിന് വെള്ളയമ്പലത്ത് നിന്ന് ആരംഭിക്കുന്ന സമാപന ഘോഷയാത്രയോടെ വാരാഘോഷത്തിന് സമാപനമാകും.
https://www.facebook.com/Malayalivartha
