മോഹന്‍ലാലിനെ നായകനാക്കി ജീത്തു ജോസഫ് സംവിധാനം ചെയ്ത ദൃശ്യം പരമ്പരയിലെ മൂന്നാമത് ചിത്രം ദൃശ്യം 3യുടെ ഒ.ടി.ടി സ്ട്രീമിംഗ് പ്രഖ്യാപിച്ചു. ജൂണ്‍ 18ന് ചിത്രം ഒ.ടി.ടിയിലെത്തും. ആമസോണ്‍ െ്രെപം വീഡിയോയിലാണ് സ്ട്രീമിംഗ്. മലയാളത്തിന് പുറമെ തെലുങ്ക്, തമിഴ്, കന്നഡ ഭാഷകളിലും ചിത്രം ലഭ്യമാകും.

പശ്ചിമേഷ്യന്‍ സംഘര്‍ഷത്തിന്റെ പശ്ചാത്തലത്തില്‍ പലതവണ മാറ്റി വച്ച ദൃശ്യം 3 മേയ് 21നായിരുന്നു തിയേറ്ററിലെത്തിെയത്. റിലീസ് ചെയ്ത് നാല് ആഴ്ചകള്‍ക്ക് ശേഷമാണ് ചിത്രം ഒ.ടി.ടിയിലെത്തുന്നത്.

തിയേറ്ററില്‍ സമ്മിശ്ര പ്രതികരണം നേടിയ ചിത്രം 300 കോടി നേടിയിരുന്നു, റിലീസ് ചെയ്ത് 58 മണിക്കൂര്‍ കൊണ്ട് 100 കോടി ക്ലബിലും ഏഴുദിവസം കൊണ്ട് 200 കോടി ക്ലബിലും ദൃശ്യം ഇടം നേടി.

2013ലാണ് ദൃശ്യം പുറത്തിറങ്ങിയത്. എട്ടുവര്‍ഷങ്ങള്‍ക്ക് ശേഷം 2021ല്‍ രണ്ടാംഭാഗം ഒ.ടി.ടി റിലീസായി എത്തി. ജീത്തു ജോസഫ് തിരക്കഥയെഴുതി സംവിധാനം ചെയ്ത ചിത്രത്തില്‍ മോഹന്‍ലാലിനൊപ്പം മീന, സിദ്ധിഖ്, മുരളി ഗോപി, എസ്തര്‍ അനില്‍, അന്‍സിബ എന്നിവരാണ് പ്രധ ാന കഥാപാത്രങ്ങളെ അവതരിപ്പിച്ചത്. പെന്‍ സ്റ്റുഡിയോയും പനോരമ സ്റ്റുഡിയോസും ചേര്‍ന്ന് അവതരിപ്പിച്ച ചിത്രം ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് നിര്‍മ്മിച്ചത്.