തിരുവനന്തപുരത്ത് നേമം വിക്ടറി ബോയ്സ് ഹയര്സെക്കന്ഡറി സ്കൂളില് തീപിടുത്തം.... സമയോചിത ഇടപെടല് തീ നിയന്ത്രണവിധേയമാക്കി
നേമം വിക്ടറി ബോയ്സ് ഹയര്സെക്കന്ഡറി സ്കൂളില് തീപിടുത്തം. കഴിഞ്ഞ ദിവസം വൈകിട്ട് 3.30 ന് സ്കൂള് കെട്ടിടത്തിലെ നാലാമത്തെ നിലയില് നിന്ന് പുക ഉയരുന്നത് കണ്ട നാട്ടുകാര് അഗ്നിശമന സേനയെയും പൊലീസിനെയും വിവരം അറിയിച്ചു. തിരുവനന്തപുരം അഗ്നിശമന സേന നിലയത്തില് നിന്ന് സ്റ്റേഷന് ഓഫീസര് രാമമൂര്ത്തി, അനീഷ്കുമാര് എന്നിവരുടെ നേതൃത്വത്തില് 2 യൂണിറ്റ് സ്ഥലത്തെത്തി.
സ്കൂളിലെ നാലാമത്തെ നിലയിലും പടിക്കെട്ടുകള്ക്ക് സമീപവും ശേഖരിച്ചിരുന്ന കുട്ടികളുടെ അസൈന്മെന്റ് ഉള്പ്പടെയുള്ള പേപ്പര് കെട്ടുകള്, തടി മുതലായവയ്ക്കാണ് തീപ്പിടിച്ചത്. സമയബന്ധിതമായി തീ കെടുത്താന് കഴിഞ്ഞതിനാല് കൂടുതല് നാശനഷ്ടങ്ങള് ഉണ്ടായില്ല.
ഗ്രേഡ് അസിസ്റ്റന്റ് സ്റ്റേഷന് ഓഫീസര് ജയകുമാര്, ഫയര് ആന്ഡ് റെസ്ക്യൂ ഓഫീസര് അനു, സനീഷ്കുമാര്, വിവേക്,ബിജിന്, അനീഷ്കുമാര്, സാജന്, രതീഷ്കുമാര്, ശിവകുമാര്, ഹോം ഗാര്ഡ് രാജാശേഖരന്, എന്നിവരുടെ ഉള്ള സംഘം അഗ്നിശമന പ്രവര്ത്തനങ്ങളില് പങ്കെടുക്കുകയും ചെയ്തു.
"
https://www.facebook.com/Malayalivartha
