ലീഡ് നില കാല്‍ ലക്ഷം കടന്നു ....പകുതി എണ്ണിയപ്പോള്‍ തന്നെ ലീഡ് നില 20,000 കടന്നിരുന്നു , പുതുപ്പള്ളിയില്‍ ചരിത്രമുന്നേറ്റവുമായി ചാണ്ടി.... ആഘോഷത്തോടെ പ്രവര്‍ത്തകര്‍
പുതുപ്പള്ളി ഉപതെരഞ്ഞെടുപ്പിഷല്‍ വോട്ടെണ്ണല്‍ തുടങ്ങിയ ആദ്യ മണിക്കൂറില്‍ തന്നെ ലീഡ് കുത്തനെ ഉയര്‍ത്തി യുഡിഎഫ് സ്ഥാനാര്‍ത്ഥി ചാണ്ടി ഉമ്മന്‍. ആദ്യഘട്ടത്തിലെ കുതിപ്പില്‍ അണികളും ആവേശത്തോടെ ആഘോഷം തുടങ്ങി. അടിക്കടി ലീഡുയര്‍ത്തിയ ചാണ്ടിയുടെ ഭൂരിപക്ഷം20,000 കവിഞ്ഞു. ഉമ്മന്‍ ചാണ്ടിയുടെ വലിയ കട്ടൌട്ടുമായി പ്രവര്‍ത്തകരെത്തി ആഘോഷം തുടങ്ങി.

72.86 ശതമാനം പോളിംഗോടെ പുതുപ്പള്ളി ഉപതെരഞ്ഞെടുപ്പ് രാഷ്ട്രീയ കേരളം ആകാക്ഷയോടെയാണ് ഉറ്റു നോക്കുന്നത്. വികസനവും സഹതാപവും ചര്‍ച്ചയായ പുതുപ്പള്ളിയില്‍ ഒരു പുതിയ മുഖം വരുന്നത് കാത്തിരിക്കുകയാണ് അണികളും.

നാല്‍പതിനായിരം വരെ ഭൂരിപക്ഷം കണക്കുകൂട്ടി യു ഡി എഫ് ആത്മവിശ്വാസം പ്രകടിപ്പിക്കുമ്പോള്‍ ചെറിയ ഭൂരിപക്ഷമായാലും ജയിക്കുമെന്ന പ്രതീക്ഷ പങ്കുവെയ്ക്കുകയാണ് എല്‍ ഡി എഫ്. അന്തരിച്ച മുന്‍ മുഖ്യമന്ത്രി ഉമ്മന്‍ ചാണ്ടിയുടെ മകന്‍ ചാണ്ടി ഉമ്മന്‍, ഇടത് സ്ഥാനാത്ഥി ജെയ്ക് സി തോമസ്, എന്‍ ഡി എ സ്ഥാനാര്‍ത്ഥി ലിജിന്‍ ലാല്‍ എന്നിവവരാണ് ഏറ്റുമുട്ടുന്നത്.
അതേസമയം 2021ലെ ഉമ്മന്‍ചാണ്ടിയുടെ ഭൂരിപക്ഷം മറികടന്ന് ചാണ്ടി. ചരിത്രം തിരുത്തി ചാണ്ടിയുടെ പടയോട്ടം തുടരുന്നു . ജെയ്ക്ക് താമസിക്കുന്ന മണര്‍ക്കാട് നിന്ന് അധികം ദൂരെ അല്ലാത്ത അയര്‍ക്കുന്നം എന്നും യുഡിഎഫിനെ തുണച്ചതാണ് ചരിത്രം. അയര്‍ക്കുന്നത് കഴിഞ്ഞ നിയമസഭ തെരഞ്ഞെടുപ്പില്‍ ഉമ്മന്‍ചാണ്ടിക്ക് 1293 വോട്ടിന്റെ ലീഡാണ് ഉണ്ടായിരുന്നത്.

അത് മറികടന്ന് ലീഡ് ഉയര്‍ത്താന്‍ ചാണ്ടി ഉമ്മന് സാധിച്ചു. അയര്‍ക്കുന്നം പഞ്ചായത്തിലെ 28 ബൂത്തുകളാണ് ആദ്യ രണ്ട് റൗണ്ടുകളിലായി എണ്ണിയത്. ഇതില്‍ എല്ലാ ബൂത്തുകളിലും ലീഡ് നേടാന്‍ ചാണ്ടിക്ക് സാധിച്ചു. മണര്‍ക്കാട്ടും ചാണ്ടിക്ക് മുന്നേറ്റം.