പുതുപ്പള്ളിയില്‍ മിന്നും വിജയപ്പൊലിമയില്‍ ചാണ്ടി ഉമ്മന്‍. ഉപതെരഞ്ഞെടുപ്പ് വിജയം അപ്പയുടെ (ഉമ്മന്‍ചാണ്ടി) 13 മത്തെ വിജയമായി കണക്കാക്കുന്നതായി ചാണ്ടി ഉമ്മന്‍ പ്രതികരിച്ചു.

അപ്പയെ സ്‌നേഹിച്ചവരുടെ ജയമാണിത്. എന്നിലര്‍പ്പിച്ച വിശ്വാസത്തിന് ഭംഗം വരുത്തില്ല. പുതുപ്പള്ളി വോട്ട് ചെയ്തത് വികസന തുടര്‍ച്ചക്ക് വേണ്ടിയാണ്. വികസന തുടര്‍ച്ചക്ക് ഞാനും പുതുപ്പള്ളിക്ക് ഒപ്പം ഉണ്ടാകും.

ഒറ്റക്കട്ടായി പുതുപ്പള്ളിക്കായി പ്രവര്‍ത്തിക്കാം. എനിക്ക് വോട്ട് ചെയ്തവരും ചെയ്യാത്തവരുമെല്ലാം എന്നെ സംബന്ധിച്ച് ഒരുപോലെയാണ്. ഒരുമിച്ച് ഒറ്റക്കെട്ടായി നമുക്ക് പ്രവര്‍ത്തിക്കാം. കോണ്‍ഗ്രസ് ദേശീയ നേതൃത്വത്തിനും നന്ദിയറിയിച്ച അദ്ദേഹം, പുതുപ്പള്ളിയിലെത്തിച്ച നേതാക്കള്‍ന്മാര്‍ക്കെല്ലാം പേരെടുത്ത് പറഞ്ഞ് നന്ദിയറിക്കുകയും ചെയ്തു.