മഹാത്മാ ഗാന്ധിക്ക് ആദരമര്പ്പിച്ച് ലോകനേതാക്കള്... ജി 20 ഉച്ചകോടിക്കെത്തിയ നേതാക്കളാണ് ഗാന്ധിജിയുടെ സ്മൃതി കുടീരമായ രാജ്ഘട്ടിലെത്തി ആദരമര്പ്പിച്ചത്
10 SEPTEMBER 2023 10:10 AM IST
മലയാളി വാര്ത്ത
മഹാത്മാ ഗാന്ധിക്ക് ആദരമര്പ്പിച്ച് ലോകനേതാക്കള്. ജി 20 ഉച്ചകോടിക്കെത്തിയ നേതാക്കളാണ് ഗാന്ധിജിയുടെ സ്മൃതി കുടീരമായ രാജ്ഘട്ടിലെത്തി ആദരമര്പ്പിച്ചത്.
വിവിധ രാഷ്ട്രതലവന്മാരെ പ്രധാനമന്ത്രി നരേന്ദ്ര മോദി ഖാദി ഷാള് അണിയിച്ച് സ്വീകരിച്ചു. സബര്മതി ആശ്രമത്തിന്റെ പശ്ചാത്തലത്തില് നിന്നു കൊണ്ടാണ് മോദി നേതാക്കളെ സ്വീകരിച്ചത്.
ഗാന്ധിജി സ്ഥാപിച്ച സബര്മതി ആശ്രമത്തേക്കുറിച്ചടക്കം പ്രധാനമന്ത്രി നേതാക്കളോട് വിശദീകരിക്കുകയും ചെയ്തു. സമാധാനത്തിന്റെ മതില്(പീസ് വോള്) എന്ന പേരില് ഇവിടെ പ്രത്യേകം തയ്യാറാക്കിയിരിക്കുന്ന സ്ഥലത്ത് ലോകനേതാക്കള് ഒപ്പ് വയ്ക്കും. നേതാക്കള്ക്ക് സ്മൃതികുടീരത്തില് സമര്പ്പിക്കാനുള്ള റീത്തുകളും സജ്ജമാക്കിയിരുന്നു.ഇവിടുത്തെ ചടങ്ങുകള്ക്ക് ശേഷം ഉച്ചകോടി നടക്കുന്ന ഭാരത് മണ്ഡപത്തിലേക്ക് നേതാക്കള് മടങ്ങിയെത്തും.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
