മുഖ്യമന്ത്രിക്ക് ഉത്തരവാദിത്വത്തില് നിന്ന് ഒഴിഞ്ഞുമാറാനാകില്ല; സോളാര് കേസില് ഉമ്മന് ചാണ്ടിയെ കുടുക്കാന് ഗൂഡാലോചന നടന്നെന്ന സിബിഐ റിപ്പോര്ട്ടില് പിണറായി വിജയന് നേരെ വിരല് ചൂണ്ടി പ്രതിപക്ഷ നേതാവ് വിഡി സതീശന്
ഇത് ചതിച്ചവര്ക്കുള്ള മറുപടി, മുഖ്യമന്ത്രിക്ക് ഉത്തരവാദിത്വത്തില് നിന്ന് ഒഴിഞ്ഞുമാറാനാകില്ല. സോളാര് കേസില് ഉമ്മന് ചാണ്ടിയെ കുടുക്കാന് ഗൂഡാലോചന നടന്നെന്ന സിബിഐ റിപ്പോര്ട്ടില് പിണറായി വിജയന് നേരെ വിരല് ചൂണ്ടി പ്രതിപക്ഷ നേതാവ് വിഡി സതീശന്. മുന് സര്ക്കാരിനെ അട്ടിമറിക്കാന് സി.പി.എമ്മിന്റെ നേതൃത്വത്തില് നടന്നതാണ് ഗൂഢാലോചനയെന്നും മുഖ്യമന്ത്രിക്കും ഉത്തരവാദിത്വത്തില്നിന്ന് ഒഴിഞ്ഞുമാറാനാകില്ലെന്നും വി.ഡി. സതീശന് പറഞ്ഞു. സി.ബി.ഐ. റിപ്പോര്ട്ടില് പറയുന്നവരെ നിയമത്തിനു മുന്നില് കൊണ്ടുവരണമെന്നും പ്രതിപക്ഷനേതാവ് പ്രസ്താവനയില് ആവശ്യപ്പെട്ടു.
സോളാര് കേസില് രാഷ്ട്രീയ എതിരാളികള് ഉമ്മന് ചാണ്ടിയെ വേട്ടയാടുകയും വ്യക്തിഹത്യ നടത്തുകയും ചെയ്യുകയായിരുന്നു. ഉമ്മന് ചാണ്ടിയെ കുടുക്കാന് ഗൂഡാലോചന നടത്തിയെന്ന സി.ബി.ഐയുടെ അന്തിമ റിപ്പോര്ട്ട് ഒറ്റുകാര്ക്കും ചതിച്ചവര്ക്കുമുള്ള മറുപടിയാണ്. രാഷ്ട്രീയ ലാഭത്തിന് വേണ്ടി എന്ത് ഹീനകൃത്യവും ചെയ്യാന് മടിക്കാത്തവരാണ് സി.പി.എമ്മും അവര് നേതൃത്വം നല്കുന്ന മുന്നണിയും സി.ബി.ഐ റിപ്പോര്ട്ട് അതിന് അടിവരയിടുന്നു.
ജീവിതത്തിലും മരണശേഷവും ക്രൂരമായി വേട്ടയാടപ്പെട്ട വ്യക്തിയാണ് ഉമ്മന് ചാണ്ടി. ഉമ്മന് ചാണ്ടിക്കെതിരെ ഗൂഡാലോചന നടത്തിയതും വേട്ടയാടിയതും ആരാണോ അവര് കണക്ക് പറയേണ്ടിവരും. സര്ക്കാരിനെ അട്ടിമറിക്കുന്നതിനുവേണ്ടി സി.പി.എമ്മിന്റെ ആശിര്വാദത്തോടെ നടന്നതാണ് നീചമായ ഈ ഗൂഡാലോചന. തട്ടിപ്പ് കേസിലെ പ്രതിയെ വിളിച്ചുവരുത്തി പരാതി എഴുതി വാങ്ങി സി.ബി.ഐ അന്വേഷണത്തിന് ഉത്തരവിട്ട മുഖ്യമന്ത്രിക്കും ഗൂഡാലോചനയുടെ ഉത്തരവാദിത്വത്തില് നിന്ന് ഒഴിഞ്ഞുമാറാനാകില്ല, വി.ഡി. സതീശന് പറഞ്ഞു.
ഇത്രയും നീചവും തരംതാണതുമായ ഗൂഡാലോചന കേരള ചരിത്രത്തില് കേട്ടുകേള്വിയില്ലാത്തതാണ്. ഇതിന് പിന്നില് പ്രവര്ത്തിച്ചവരെക്കുറിച്ച് സി.ബി.ഐ റിപ്പോര്ട്ടില് കൃത്യമായി പറയുന്നുണ്ട്. അവരെ നിയമത്തിന് മുന്നില് കൊണ്ടുവരണം. ഉമ്മന് ചാണ്ടി ഇനിയും ജനഹൃദയങ്ങളില് ജീവിക്കും. വേട്ടയാടിയവര് ജനങ്ങളാല് വെറുക്കപ്പെടും. കണക്ക് ചോദിക്കാതെ ഒരു കാലവും കടന്ന് പോകില്ലെന്ന് ഓര്ക്കണമെന്നും വി.ഡി. സതീശന് വ്യക്തമാക്കി.
ഇതിനിടെ ഉമ്മന് ചാണ്ടി സര് മാപ്പ് എന്ന കുറിപ്പുമായ് നടന് ഷമ്മി തിലകന്. ഇത് വൈറലായിരിക്കുകയാണ്. ഉമ്മന്ചാണ്ടി സാര് മാപ്പ്.. സാമൂഹ്യദ്രോഹികളുടെ ഇടപെടലുകള് മൂലം, അല്പ്പനാള് എങ്കിലും അങ്ങയെ തെറ്റിദ്ധരിക്കേണ്ടി വന്നതില്, നിര്വ്യാജമായ ഖേദം അറിയിക്കുന്നു..! ഒപ്പം..; പ്രതികാരദാഹത്താല് അങ്ങയുടെ ആത്മാവില് ഉണ്ടാകാന് സാധ്യതയുള്ള വിസ്ഫോടനത്തെത്തുടര്ന്ന് ബഹിര്ഗമിക്കാന് സാധ്യതയുള്ള കൊറോണല് മാസ് ഇജക്ഷന് മൂലം ഉണ്ടാകാന് സാധ്യതയുള്ള ഭൗമ കാന്തിക കൊടുങ്കാറ്റ്..; ഈ സാമൂഹ്യ ദ്രോഹികളുടെ മേല് മാത്രം പതിക്കുന്നതിന് വേണ്ട നടപടി കൈക്കൊള്ളണമെന്നും, അതുവഴി ഈ കേരളക്കരയില്, അപ്പപ്പോള് കാണുന്നവനെ അപ്പാ എന്നു വിളിക്കാത്ത നല്ല കമ്മ്യൂണിസ്റ്റുകാരെ ഒഴിവാക്കി കരുണ കാട്ടണമെന്നും വിനീതമായി അപേക്ഷിക്കുന്നു.
മാസങ്ങള്ക്ക് മുമ്പ് സി.ബി.ഐ. കോടതിയില് സമര്പ്പിച്ച റിപ്പോര്ട്ടാണ് ഇപ്പോള് പുറത്തുവന്നത്. പരാതിക്കാരി എഴുതിയ കത്തില് ഉമ്മന്ചാണ്ടിയുടെ പേര് ഉണ്ടായിരുന്നില്ലെന്നും ഇത് പിന്നീട് എഴുതിച്ചേര്ത്തതാണെന്നും സിബിഐ കണ്ടെത്തിയിട്ടുണ്ട്. ഗണേഷ് കുമാറിന്റെ ബന്ധു ശരണ്യ മനോജ് നല്കിയ മൊഴിയില് ഇക്കാര്യം പറഞ്ഞിരുന്നു.
https://www.facebook.com/Malayalivartha
