സര്ക്കാര് സേവനങ്ങള് വാതില്പ്പടിയില് എന്നതും കടന്ന് ജനങ്ങളുടെ വിരല്ത്തുമ്പിലേക്ക് ... സംസ്ഥാനത്തിന്റെ അഭിമാന പദ്ധതി കെ-സ്മാര്ട്ട് കേരളപ്പിറവി ദിനമായ നവംബര് ഒന്നിന് നിലവില് വരും...
സര്ക്കാര് സേവനങ്ങള് വാതില്പ്പടിയില് എന്നതും കടന്ന് ജനങ്ങളുടെ വിരല്ത്തുമ്പിലേക്ക് ... സംസ്ഥാനത്തിന്റെ അഭിമാന പദ്ധതി കെ-സ്മാര്ട്ട് കേരളപ്പിറവി ദിനമായ നവംബര് ഒന്നിന് നിലവില് വരും...
കൊച്ചിയില് നടക്കുന്ന ചടങ്ങില് മുഖ്യമന്ത്രി പിണറായി വിജയന് പദ്ധതി നാടിന് സമര്പ്പിക്കും. കേരള സൊല്യൂഷന് ഫോര് മാനേജ്മെന്റ് അഡ്മിനിസ്ട്രേറ്റീവ് റിഫോര്മേഷന് ആന്ഡ് ട്രാന്സ്ഫര്മേഷന് ആപ്ലിക്കേഷന്വഴി സര്ക്കാര് സേവനങ്ങളെല്ലാം ആപ്പില് ലഭ്യമാക്കുന്നതാണ് കെ-സ്മാര്ട്ട്.
'സന്തോഷവാന്മാരായ പൗരന്മാരും ജീവനക്കാരും' എന്നതാണ് കെ- സ്മാര്ട്ട് മുദ്രാവാക്യം. ലോകത്തെവിടെ നിന്നും ഡിജിറ്റലായി അപേക്ഷകള് നല്കാനും സര്ട്ടിഫിക്കറ്റുകള് സ്വീകരിക്കാനും സൗകര്യമുണ്ട്. ഇതിനായി ഇന്ഫര്മേഷന് കേരള മിഷന് വികസിപ്പിച്ചെടുത്ത മുപ്പതോളം സോഫ്റ്റ്വെയര് ആപ്ലിക്കേഷനുകള് ജനുവരിമുതല് പരീക്ഷണത്തിലാണ്.
ആദ്യഘട്ടത്തില് പത്ത് മോഡ്യൂളിലെ സേവനമായിരിക്കും ലഭ്യമാകുക. വ്യാപാര, വാണിജ്യ ലൈസന്സുകള്, വസ്തുനികുതി (പ്രോപ്പര്ട്ടി ടാക്സ്), പൊതുജന പരാതി പരിഹാരം, വിപുലമായ ധനസേവനങ്ങള്, മനുഷ്യവിഭവ പരിപാലനം, കെട്ടിട നിര്മാണ പ്ലാന് അംഗീകരിക്കല് തുടങ്ങിയവയായിരിക്കും തുടങ്ങുക.
മൊബൈല് ഫോണ്വഴി ഇവ ലഭ്യമാകും. ജീവനക്കാര്ക്ക് ഓഫീസ് ജോലികള് മൊബൈല് ഫോണിലൂടെ നിര്വഹിക്കാന് കഴിയും.
https://www.facebook.com/Malayalivartha
