ഉമ്മന്‍ ചാണ്ടിയുടെ ഔദാര്യമാണ് ഗണേഷിന്റെ രാഷ്ട്രീയ ജീവിതമെന്ന് രാഹുല്‍ മാങ്കൂട്ടത്തില്‍ കഴിഞ്ഞ ദിവസം പറഞ്ഞിരുന്നു. ഗണേഷിന്റെ മാത്രമല്ല പകല്‍ മാന്യന്‍ ചമയുന്ന പല നേതാക്കളുടേയും പൊതുജീവിതം ഉമ്മന്‍ ചാണ്ടിയുടെ ദയയും ഔദാര്യവുമാണ്. പലതും ഉള്ളിലൊതുക്കി ഉമ്മന്‍ ചാണ്ടി സ്വയം കുറ്റക്കാരനായ് നിന്നു. അന്ന് ഈ പറയുന്ന കോണ്‍ഗ്രസ്സുകാരും ആ മനുഷ്യനെ അവിശ്വസിച്ച സമയം ഉണ്ട്. അദ്ദേഹത്തിന്റെ കാലുവാരാന്‍ നോക്കിയവരുണ്ട്. ഒരു സിബിഐ റിപ്പോര്‍ട്ട് വേണ്ടി വന്നോ കോണ്‍ഗ്രസുകാരേ നിങ്ങള്‍ക്ക് ഉമ്മന്‍ ചാണ്ടി തെറ്റുകാരനല്ലെന്ന് മനസ്സിലാക്കാന്‍. ഇപ്പോള്‍ ആശ ലോറന്‍സ് ഒരു പോസ്റ്റ് പങ്കുവെച്ചിട്ടുണ്ട്. അതില്‍ ഇടതുവലതിനെ പൊളിച്ചടുക്കുന്നുണ്ട്.

പോസ്റ്റ് ഇങ്ങനെ....

Ganeshkumar ന്റെ മാത്രമല്ല
പലരുടെയും പൊയ്മുഖം ജനം അറിയാത്തത്
ഉമ്മന്‍ ചാണ്ടി സാറിന്റെ ഔദാര്യം തന്നെ ആണ്

' Map' ക്കാര്‍ ക്യൂവിലാണ്
ആര്‍ക്ക് വേണ്ടി
എന്തിന് വേണ്ടി
ഉള്ള മാപ്പ് പറച്ചില്‍?

CRIME BRANCH ഉം
CBI ഉം
വിധിച്ചാലേ കൂടെ നടന്നവര്‍ക്ക് പോലും
ഉമ്മന്‍ ചാണ്ടി സാറിനെ അറിയാന്‍ പറ്റുള്ളൂ?

വ്യക്തിപരമായി എനിക്ക് സന്തോഷിക്കാം
ഈ 'MAP ' പറച്ചില്കാരെ കാണുമ്പോള്‍

ഒരു കടുക് മണിടെ അത്ര പോലും എനിക്ക് സംശയം ഇല്ലായിരുന്നു

ഇവിടെ ഈ Fb യില്‍ ഒരു വര്‍ഷം മുന്നേ എഴുതിയിട്ടിരുന്നു
സ്വയം ഒന്ന് മാപ്പ് പറഞ്ഞേക്ക് എന്ന്
സ്വന്തം മനസാക്ഷിയോട്

ഉമ്മന്‍ ചാണ്ടി സാറ് ക്ഷമിച്ചാലും
ചെകുത്താന്‍മാര്‍ പോലും ക്ഷമിക്കാത്ത അത്ര അപമാനിച്ചിട്ടുണ്ട് പ്രായഭേദമില്ലാതെ മലയാളികള്‍

' സോളാര്‍' എന്ന് കേട്ടാല്‍ ചിരി
' സ' എന്ന് കേട്ടാല്‍ കുലുങ്ങി ചിരി
ആ ചിരിക്ക് പകരം

കാലം കാത്ത് വച്ചതാണ് സ്വപ്ന
'സ ' സ്വപ്നയിലും ഉണ്ടല്ലോ. ഇതായിരുന്നു ആശ ലോറന്‍സിന്റെ പോസ്റ്റ്.

സോളാര്‍ കേസില്‍ ഉമ്മന്‍ ചാണ്ടിയെ കുടുക്കാന്‍ ഗൂഡാലോചന നടന്നുവെന്ന റിപ്പോര്‍ട്ട് പുറത്ത് വന്നതോടെ വലിയ പ്രതിഷേധമാണ് ഉയരുന്നത്. ഗണേഷിന് നേരെ കൊലവിളി ഉയരുന്നു. യുഡിഎഫിന്റെ പടി ചവിട്ടിപ്പോകരുതെന്ന രോഷം അണപൊട്ടുന്നു. യുഡിഎഫിലേക്ക് ചാടാന്‍ കാത്തിരുന്ന ഗണേഷിന് കനത്ത തിരിച്ചടിയാണ് കിട്ടിയിരിക്കുന്നത്. സ്വന്തം അച്ഛനെ ചതിച്ച മകനാണ് ഗണേഷ് അപ്പോള്‍ ഉമ്മന്‍ ചാണ്ടിയെ കൂടെ നിന്ന് ചതിച്ചതില്‍ അത്ഭുതപ്പെടാനില്ലെന്ന് കോണ്‍ഗ്രസ്സുകാര്‍ പറയുന്നു.

ഇതിനിടെ സാളാര്‍ കേസില്‍ പരാതിക്കാരിയെ തള്ളി സി.ബി.ഐ. പീഡനം സാധൂകരിക്കുന്ന തെളിവില്ലെന്ന് സി.ബി.ഐ. റിപ്പോര്‍ട്ട്. ആരോപണമുയര്‍ന്ന ദിവസം പരാതിക്കാരിയെ ക്ലിഫ് ഹൗസില്‍ കണ്ടിട്ടില്ല എന്ന് ദൃക്‌സാക്ഷികള്‍ പറയുന്നു. തെളിവായി ഹാജരാക്കിയ സാരി ഫോറന്‍സിക് പരിശോധനയ്ക്ക് അയച്ചിട്ടും തെളിവ് ലഭിച്ചില്ല. 19 പേജുള്ള പരാതി ചാനലുകളില്‍ എത്തിയപ്പോള്‍ 25 പേജായി വര്‍ധിച്ചു. വിവാദ ദല്ലാള്‍ നന്ദകുമാറാണ് കത്തില്‍ കൃത്രിമം നടത്തിയതെന്നും സി.ബി.ഐ. പറയുന്നു. 72 പേജുള്ള റിപ്പോര്‍ട്ടിലാണ് ഈ വിവരങ്ങള്‍ ഉള്ളത്. ഉമ്മന്‍ചാണ്ടിയെ ലൈംഗിക പീഡനക്കേസില്‍ ഉള്‍പ്പെടുത്താന്‍ ഗൂഢാലോചന നടന്നിട്ടുണ്ടെന്ന് റിപ്പോര്‍ട്ടില്‍ വ്യക്തമാക്കുന്നു. പരാതിക്കാരി സി.ബി.ഐയ്ക്ക് നല്‍കിയ മൊഴിയില്‍ പരാതി 30 പേജുണ്ടെന്ന് പറയുന്നു. എന്നാല്‍ എറണാകുളം എ.സി.ജെ.എം. കോടതിയില്‍ എത്തിയപ്പോള്‍ ആകെ നാല് പേജ് മാത്രമായി ചുരുങ്ങി. തിരഞ്ഞെടുപ്പിന്റെ സമയത്താണ് കത്ത് പുറത്ത് വരുന്നത്. അതുകൊണ്ട് തന്നെ ഇതിന് പിന്നില്‍ ഗൂഡാലോചന നടന്നിട്ടുണ്ടെന്ന് റിപ്പോര്‍ട്ടില്‍ പറയുന്നു. നിരവധി കോടതികളില്‍ പരാതിക്കാരി നല്‍കിയ മൊഴികളും സി.ബി.ഐയ്ക്ക് നല്‍കിയ മൊഴികളിലെയും വൈരുധ്യങ്ങള്‍ റിപ്പോര്‍ട്ടില്‍ പറയുന്നു. ഈ കത്ത് ചാനലിലൂടെ പുറത്ത് വന്നതില്‍ അത് പുറത്തുവിട്ട മാധ്യമപ്രവര്‍ത്തകനും പങ്കുണ്ടെന്നാണ് സി.ബി.ഐ. പറയുന്നത്. ഇതെല്ലാം പരിഗണിച്ചാണ് സോളാര്‍ പീഡന കേസില്‍ ഉമ്മന്‍ ചാണ്ടിയെ കുറ്റവിമുക്തനാക്കുന്നത്.