നിപ ജാഗ്രത.... കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് രണ്ട് ദിവസം അവധി പ്രഖ്യാപിച്ചു, പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്നും നാളെയും അവധിയായിരിക്കുമെന്ന് ജില്ലാ കളക്ടര്
നിപ ജാഗ്രത.... കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് രണ്ട് ദിവസം അവധി പ്രഖ്യാപിച്ചു. പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്നും നാളെയും അവധിയായിരിക്കുമെന്ന് ജില്ലാ കളക്ടര്
ജില്ലയില് അടുത്ത പത്ത് ദിവസത്തേക്ക് നടത്താന് നിശ്ചയിച്ചിരിക്കുന്ന എല്ലാ പൊതു പരിപാടികളും താല്ക്കാലികമായി നിര്ത്തിവയ്ക്കുവാനും ജില്ലാ കലക്ടര് എ ഗീത ഉത്തരവിട്ടു.വിദ്യാഭ്യാസ സ്ഥാപനങ്ങള്ക്ക് ഓണ്ലൈന് ക്ലാസുകള് ഒരുക്കാം. യൂണിവേഴ്സിറ്റി പരീക്ഷകളില് മാറ്റമില്ല.
അതേ സമയം, കോഴിക്കോട് സ്വകാര്യ ആശുപത്രിയില് നിപ ബാധിച്ചു ചികില്സയില് കഴിയുന്ന യുവാവിന്റെ നില മെച്ചപ്പെട്ടതായി അറിയിപ്പുണ്ട്. പനി മാറി, അണുബാധയും കുറഞ്ഞു. എന്നാല് 9 വയസ്സുകാരന്റെ നില ഗുരുതരമായി തുടരുന്നു.
നേരത്തെ കോഴിക്കോട് ഒരാള്ക്ക് കൂടി നിപ വൈറസ് സ്ഥരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചിരുന്നു. 24 വയസുകാരനായ സ്വകാര്യ ആശുപത്രിയിലെ ആരോഗ്യ പ്രവര്ത്തകനാണ് നിപ വൈറസ് സ്ഥിരീകരിച്ചത്. ഇതോടെ ജില്ലയിലെ ആക്റ്റീവ് കേസുകള് 3 ആയി. ആദ്യം മരിച്ച രോഗിയുടെ സമ്പര്ക്കപ്പട്ടികയില് ഉള്പെട്ടയാളാണ് ഇപ്പോള് നിപ സ്ഥിരീകരിച്ചിട്ടുള്ള വ്യക്തി.
നിപ സ്ഥിരീകരിച്ച സാഹചര്യത്തില് കോഴിക്കോടും സമീപ ജില്ലകളിലും അതീവ ജാഗ്രത നിര്ദ്ദേശങ്ങളാണ് നല്കിയിരിക്കുന്നത്. കോഴിക്കോട് ജില്ലയില് മാസ്ക് നിര്ബന്ധമാക്കി്. കണ്ടെയ്ന്മെന്റ് മേഖലകളും പ്രഖ്യാപിച്ചു. ജില്ലയില് വലിയ ആള്ക്കൂട്ടങ്ങള് ഒഴിവാക്കണമെന്ന് ആരോഗ്യമന്ത്രി നിര്ദ്ദേശം നല്കിയിട്ടുണ്ട്.
"
https://www.facebook.com/Malayalivartha
