കണ്ണീര്ക്കാഴ്ചയായി... വര്ക്കലയില് സ്വകാര്യ ബസിടിച്ച് മാതാവിനൊപ്പം സ്കൂട്ടറില് സഞ്ചരിച്ച പത്തു വയസുകാരന് ദാരുണാന്ത്യം
കണ്ണീര്ക്കാഴ്ചയായി... വര്ക്കലയില് സ്വകാര്യ ബസിടിച്ച് മാതാവിനൊപ്പം സ്കൂട്ടറില് സഞ്ചരിച്ച പത്തു വയസുകാരന് ദാരുണാന്ത്യം.
കല്ലമ്പലം പുതുശ്ശേരിമുക്ക് കരിക്കകത്തില്പണയില് വീട്ടില് മുഹമ്മദ് ഷായുടെയും താഹിറയുടെയും മകന് മുഹമ്മദ് മര്ഹാന്(10) ആണ് മരിച്ചത്.
കല്ലമ്പലം തലവിള പേരൂര് എംഎംയുപിഎസ് സ്കൂളിലെ അഞ്ചാം ക്ലാസ് വിദ്യാര്ഥിയാണ് മര്ഹാന്. വൈകുന്നേരം അഞ്ച് മണിക്ക് വര്ക്കല ആയുര്വേദ ആശുപത്രിക്ക് സമീപത്താണ് അപകടം സംഭവിച്ചത്. വര്ക്കല ഭാഗത്തേയ്ക്ക് അമിതവേഗതയില് എത്തിയ ഗോകുലം എന്ന സ്വകാര്യ ബസ് ഇവര് സഞ്ചരിച്ചിരുന്ന സ്കൂട്ടറിനെ ഓവര് ടേക്ക് ചെയ്യുന്നതിനിടെയാണ് അപകടം നടന്നത്.
ബസ് സ്കൂട്ടറില് ഇടിക്കുകയും മാതാവും സ്കൂട്ടറും റോഡിന്റെ ഇടത് ഭാഗത്തേയ്ക്ക് വീഴുകയും മര്ഹാന് ബസിനടിയിലേക്ക് വീഴുകയുമായിരുന്നെന്ന് ദൃക്സാക്ഷികള്. തലയ്ക്ക് ഗുരുതരമായി പരിക്കേറ്റ മര്ഹാനെ ശ്രീനാരായണ മെഡിക്കല് മിഷന് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാന് കഴിഞ്ഞില്ല. അപകടം നടന്നയുടന് ബസ് ഉപേക്ഷിച്ച് ജീവനക്കാര് ഇറങ്ങിയോടി. ഇവര്ക്കായി തിരച്ചില് നടത്തുന്നതായി പൊലീസ്. മൃതദേഹം മോര്ച്ചറിയിലേക്ക് മാറ്റിയിരിക്കുകയാണ്.
"
https://www.facebook.com/Malayalivartha
