കുച്ചുപ്പുടി നൃത്തകലാ. മോഷണക്കേസ് വാദി നൃത്താദ്ധ്യാപിക സ്വീറ്റി പ്രിയങ്ക കേസ് പിന്വലിച്ചു, പകര്പ്പവകാശ ലംഘനക്കേസ് കോടതി തള്ളി, നൃത്തമോഷണം തടഞ്ഞു കൊണ്ട് ഫേസ് ബുക്കിന് ജില്ലാ കോടതി ഇന്ജംഗ്ഷന് ഉത്തരവ് നല്കിയിരുന്നു
ഫെയ്സ് ബുക്ക് ഇന്ത്യ ഓണ്ലൈന് സര്വീസ് പ്രൈവറ്റ് ലിമിറ്റഡിനെ പ്രതി ചേര്ത്ത് കുച്ചുപ്പുടി നൃത്തകല അദ്ധ്യാപിക സ്വീറ്റി പ്രിയങ്ക സമര്പ്പിച്ച പകര്പ്പവകാശ ലംഘന മോഷണക്കേസ് തലസ്ഥാന ജില്ലാ കോടതി തള്ളി. തിരുവനന്തപുരം ഒന്നാം അഡീ. ജില്ലാ സെഷന്സ് കോടതിയാണ് പകര്പ്പവകാശ ലംഘനക്കേസ് തള്ളിയത്.
പ്രതിഭാഗം ഹാജരായ ശേഷം വാദിയായ സ്വീറ്റി പ്രിയങ്ക കേസ് പിന്വലിക്കാന് അനുമതി തേടി സമര്പ്പിച്ച കേസ് പിന്വലിക്കല് ഹര്ജിയിലാണ് കോടതി ഉത്തരവ്.
നൃത്തമോഷണം തടഞ്ഞു കൊണ്ട് 2021 ല് ഫേസ് ബുക്കിന് പ്രിന്സിപ്പല് ജില്ലാ കോടതി ഇന്ജംഗ്ഷന് ഉത്തരവ് നല്കിയിരുന്നു. വെമ്പാട്ടി രവിശങ്കര് നൃത്തകലാലയത്തിന്റെ കുച്ചുപ്പുടി നൃത്തകല സോഷ്യല് മീഡിയയായ യൂട്യൂബിലും ഇന്സ്റ്റാഗ്രാമിലും സംപ്രേഷണം ചെയ്യുന്നതില് നിന്നും ഫേസ് ബുക്കിനെ വിലക്കി തിരുവനന്തപുരം പ്രിന്സിപ്പല് ജില്ലാ സെഷന്സ് കോടതിയാണ് ഉത്തരവിട്ടത്.
ശ്രീകാര്യം സ്വദേശിയായ വെമ്പാട്ടി രവിശങ്കര് കുച്ചുപ്പുടി സ്ക്കൂള് അധ്യാപിക സ്വീറ്റി പ്രിയങ്ക വെമ്പാട്ടി രവിശങ്കര് (43) സമര്പ്പിച്ച പകര്പ്പവകാശ ലംഘന കേസിലാണ് ജില്ലാ കോടതി ഉത്തരവ് പുറപ്പെടുവിച്ചത്. തന്റെ അനുമതിയോ തന്നില് നിന്ന് പകര്പ്പവകാശമോ വാങ്ങാതെ അനധികൃതമായി സംപ്രേഷണം ചെയ്യുന്നതിനാല് പലരും കോപ്പിയടിച്ച് വികലമായി ചിത്രീകരിച്ച് പരിപാവനമായ കലയുടെ അന്ത:സത്ത നശിപ്പിക്കുന്നതായി ചൂണ്ടിക്കാട്ടി പ്രിയങ്ക സമര്പ്പിച്ച ഇന്ജംഗ്ഷന് ഹര്ജിയിലാണ് സംപ്രേഷണം കോടതി തടഞ്ഞത്.
"
https://www.facebook.com/Malayalivartha
