കേരളത്തിലെ മിക്ക സഹകരണ ബാങ്കുകളും സി പി എം വക സ്വർണ്ണഖനികളാണെന്ന് രാഷ്ട്രീയ നിരീക്ഷകൻ ചെറിയാൻ ഫിലിപ്പ്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ രൂപം ഇങ്ങനെ;

സഹകരണ അപഹരണം എന്നതാണ് പുതിയ പ്രത്യയ ശാസ്ത്രം. നേതാക്കളുടെ അഴിമതിപ്പണം സൂക്ഷിക്കുന്നതിനും , ചിലർക്ക് കൊള്ള നടത്തുന്നതിനുമുള്ള ഉപാധിയാണ് സഹകരണ ബാങ്കുകൾ. മിക്കയിടത്തും ബാങ്ക് ഭാരവാഹികൾ പാർട്ടി നേതാക്കളോ അവരുടെ ബിനാമികളോ ആണ്. പാർട്ടി പ്രവർത്തകരോ അവരുടെ ഭാര്യയോ മക്കളോ ആശ്രിതരോ ആണ് ജീവനക്കാരിൽ അധികവും.

കാർഷിക-വ്യവസായിക ആവശ്യങ്ങളുടെ പേരിലുള്ള വായ്പകളിൽ ഏറിയകൂറും വിവാഹ നടത്തിപ്പിനാണ് ഉപയോഗിക്കുന്നത്. അധികാര ദുർവിനിയോഗം മൂലം മിക്ക ബാങ്കുകളുടെയും നിലനിൽപ്പു തന്നെ അപകടത്തിലാണ്.