പ്രശസ്ത മാപ്പിളപ്പാട്ടുകാരി റംല ബീഗം അന്തരിച്ചു...
മാപ്പിളപ്പാട്ടുകാരി റംല ബീഗം അന്തരിച്ചു. കോഴിക്കോട് പാറോപ്പടിയിലെ വീട്ടിൽ വച്ചായിരുന്നു അന്ത്യം. ആലപ്പുഴയിലെ സക്കറിയ ബസാറിലുള്ള ഹുസ്സെയിന് യൂസഫ് യമാന - മറിയംബീവി (കോഴിക്കോട് ഫറോക്ക് പേട്ട) ദമ്പതികളുടെ പത്തുമക്കളില് ഇളയ പുത്രിയായി 1946 നവംബര് മൂന്നിനായിരുന്നു ജനനം.
മതവിലക്കുകളെ മറികടന്ന് പരിപാടി അവതരിപ്പിച്ച ആദ്യ വനിതയാണ് റംല ബീഗം. ഏഴാം വയസ്സു മുതൽ ആലപ്പുഴ ആസാദ് മ്യൂസിക് ട്രൂപ്പിലെ പ്രധാന ഗായികയായി ഹിന്ദി ഗാനങ്ങള് പാടിയായിരുന്നു തുടക്കം. ആസാദ് മ്യൂസിക് ട്രൂപ്പിലെ പി. അബ്ദുസ്സലാം മാഷിനെ 18-ാം വയസ്സില് വിവാഹം ചെയ്തു.
തുടര്ന്നു കഥാപ്രസംഗം അവതരിപ്പിച്ചു വേദികള് കീഴടക്കി.ഹുസ്നുൽ ജമാൽ ബദ്റുൽ മുനീർ കഥാപ്രസംഗം ഏറെ ശ്രദ്ധേയമാണ്.
20 ഇസ്ലാമിക കഥകള്ക്കു പുറമേ കേശവദേവിന്റെ ഓടയില് നിന്ന്, കാളിദാസന്റെ ശാകുന്തളം, കുമാരനാശാന്റെ നളിനി എന്നീ കഥകളും കഥാപ്രസംഗ രൂപത്തില് കല്യാണവീടുകളിലും ക്ഷേത്രങ്ങളിലും മറ്റു സ്റ്റേജുകളിലും സ്വദേശത്തും വിദേശത്തും അവതരിപ്പിച്ചു.
https://www.facebook.com/Malayalivartha
