അടിയന്തരാവസ്ഥക്കാലത്ത് ജയിലില്‍ കിടന്നിട്ടുണ്ട് പിന്നല്ലെ ഇ ഡി. അറസ്റ്റിനെ ഭയക്കുന്നില്ലെന്ന് എംകെ കണ്ണന്‍ സഖാവ്. അരവിന്ദാക്ഷനും ഇതു തന്നെയാ ആദ്യം പറഞ്ഞത് പേടിയില്ലെന്ന് ഇഡി തൂക്കി എടുത്തോണ്ട് പോയപ്പോള്‍ മാധ്യമങ്ങളോട്, എന്റെ പൊന്ന് സാറന്മാരെ എനിക്കൊന്നും അറിയാന്‍ പാടില്ലേന്നായി. ചോരച്ചാലുകള്‍ നീന്തിക്കയറി..തൂക്ക് മരത്തേല്‍ ഊഞ്ഞാലാടി...അത് പണ്ടത്തെ നല്ല ഒന്നാന്തരം സഖാക്കള്‍ ഇന്നത്തേത് ഇഡി മാനസികമായ് പീഡിപ്പിച്ചു കേസെടുക്കും എന്നെ അറസ്റ്റ് ചെയ്യും എന്നും പറഞ്ഞ് കരച്ചില്‍. സോഷ്യല്‍മീഡിയയില്‍ ട്രോളാകുന്നത് അരവിന്ദാക്ഷന്റെയും കണ്ണന്റെയും കരച്ചിലാണ്. പേടി വേണ്ട സഖാക്കളെ കരുതല്‍ മതി.

എംകെ കണ്ണന് ഭയം തുടങ്ങിയിട്ടുണ്ട് അതാണ് ഈ കരച്ചില്‍. അരവിന്ദാക്ഷനെ പൊക്കിയപ്പോഴേ എംകെ കണ്ണന്‍ മാധ്യമങ്ങള്‍ക്ക് മുന്നില്‍ വന്നു പറഞ്ഞത്. ഇഡിയുടെ അടുത്ത ലക്ഷ്യം ഞാനും മൊയ്തീനും ആണെന്നാണ്. അത് ഇത്ര കൃത്യമായ് കണ്ണന്‍ സഖാവിന് എങ്ങനെ മനസ്സിലായി. അപ്പോള്‍ മടിയില്‍ കനമുണ്ട് കൈകള്‍ ശുദ്ധമല്ല പേടിക്കാന്‍ പലതും ഉണ്ടല്ലേ. അരവിന്ദാക്ഷനെ പാര്‍ട്ടി ചേര്‍ത്തങ്ങ് പിടിക്കുകയാണ്. കണ്ണനേയും മൊയ്തീനേയും ചേര്‍ത്തു പിടിക്കുന്നുണ്ട്. ചേര്‍ത്തുപിടിക്കലാണ് സിപിഎമ്മിന്റെ മെയ്ന്‍.

അടിയന്തരാവസ്ഥ കാലത്ത് ജയിലില്‍ കിടന്നിട്ടുണ്ട് പിന്നല്ലെ ഇഡി അറസ്റ്റെന്ന് പക്ഷെ കണ്ണന്‍ സഖാവേ ഇത് അടിയന്തരാവസ്ഥയ്ക്ക് അല്ല ഉപ്പുസത്യാഗ്രഹത്തില്‍ പങ്കെടുത്തതിനും അല്ല. ബാങ്ക് കൊള്ളയ്ക്കാണ് അതിനേയും ന്യായീകരിച്ചോണ്ട് വരല്ലെ. പിന്നെ സഖാവ് കണ്ണന്‍ അടിയന്തരാവസ്ഥ കാലത്ത് താങ്കള്‍ എവിടെ ആയിരുന്നുവെന്ന് അത്താണിയിലുള്ളവര്‍ പറയുന്നുണ്ടെന്ന് ചില ട്രോളുകള്‍ വരുന്നുണ്ട്. സ്വാതന്ത്ര്യ സമരത്തില്‍ പങ്കെടുത്തിട്ടല്ല സഖാവ് ജയിലില്‍ പോകുന്നത് പാവപ്പെട്ട അത്താഴപ്പട്ടിണിക്കാരന്റെ പിച്ചച്ചട്ടിയില്‍ കൈയ്യിട്ട് നക്കിയതിനാണ്. നടത്തിയിരിക്കുന്നത് കൊള്ളയാണ് ബാങ്ക് കൊള്ള. ഇതിനും തീവ്രത പോരായിരിക്കും അല്ലിയോ സഖാക്കളെ. അടിയന്തരാവസ്ഥയും ബാങ്ക് കൊള്ളയും താരതമ്യം ചെയ്യാന്‍ ഉളുപ്പുണ്ടോ കണ്ണാ. കമ്യൂണിസം എന്ന ആശയത്തിനും പ്രസ്ഥാനത്തിനും ജനങ്ങള്‍ക്കും വേണ്ടി തല്ലുകൊണ്ട കുറേ ധീര സഖാക്കളുണ്ട്. ഈ പ്രസ്ഥാനത്തെ വളര്‍ത്തിയ യഥാര്‍ത്ഥ കമ്യൂണിസ്റ്റുകള്‍. അവരേപ്പോലും അപമാനിക്കുന്നത് കണ്ണനെ പോലെയുള്ള കള്ളന്മാരുടെ പ്രസ്താവനകള്‍.

കരുവന്നൂരില്‍ കുറേ ജീവനക്കാരെ മുന്നിലിട്ട് കൊടുത്ത് രക്ഷപ്പെടാമെന്നാണ് നേതാക്കന്മാര്‍ കരുതിയത്. വിജിലന്‍സ് അന്വേഷണത്തില്‍ ജീവനക്കാര്‍ മാത്രമാണ് പെട്ടത് നേതാക്കന്മാരെ ഊരിയെടുത്തു. ഇഡി കളതക്തിലിറങ്ങിയതോടെ കളി മാറി. നേതാക്കന്മാരിലേക്ക് കേസ് എത്തി. ഇഡിയുടെ ആദ്യ അറസ്റ്റ് തന്നെ സിപിഎമ്മിനെ ഞെട്ടിച്ചു. മൊയ്തീന്റെ വിശ്വസ്തനെ തൂക്കി. ഇനി എംകെ കണ്ണനിലേക്കും പിന്നെ മൊയ്തീനിലേക്കും ഇതോടെ നേരെ എത്തുന്നത് പാര്‍ട്ടിയിലേക്ക്. അതാണ് സിപിഎമ്മിനെ ഭയപ്പെടുത്തുന്നത്. മൊയ്തീനെ തൂക്കിയാല്‍ നാവിന്‍തുമ്പില്‍ നിന്ന് പല പേരും പുറത്ത് വരും. മൊയ്തീനെ ചോദ്യം ചെയ്യലിന് വിട്ടുകൊടുക്കാതിരിക്കാന്‍ നെട്ടോട്ടത്തിലാണ് സിപിഎം.

നേതാക്കന്മാരുടെ പ്രതികരണത്തില്‍ നിന്നും ഗോവിന്ദന്റെ വിരട്ടില്‍ നിന്നും ഒരു കാര്യം വ്യക്തമായ് നിങ്ങള്‍ ആരും തീരെ ഭയപ്പെടുന്നില്ല. അകത്ത് പോകുമെന്ന് ഉറപ്പായാല്‍ പിന്നെ പറയുന്നതും ചെയ്യുന്നതും ഒക്കെ യാന്ത്രികമായിരിക്കും. കഴിഞ്ഞദിവസം വരെ കണ്ണാപ്പി പറഞ്ഞത് ഇഡി പീഡിപ്പിക്കാന്‍ വരുന്നു എന്നാണ്. ഇന്നിപ്പോള്‍ ഡയലോഗ് മാറ്റിപ്പിടിച്ചിട്ടുണ്ട്. ഇത്രയൊക്കെ ആയിട്ടും ധാര്‍ഷ്ട്യത്തിന് ഒരു കുറവും ഇല്ല ഇപ്പോഴാണ് ശരിക്കും ശരിയായത് കട്ട സഖാവ്. കണ്ണന്റെ അവസ്ഥ ഇനി അടിയന്തരാവസ്ഥയില്‍ നിന്ന് അടിയന്തര ദുരവസ്ഥയിലേക്കാണ്. തച്ച് വെച്ചോളാന്‍ ഇഡി അന്നേ പറഞ്ഞത് ഇതാണ്.