കളമശ്ശേരി സ്ഫോടനക്കേസ് പ്രതി ഡൊമിനിക് മാര്ട്ടിന്റെ കസ്റ്റഡി അപേക്ഷ നാളെ പരിഗണിക്കും... പ്രതിയെ 10 ദിവസം കസ്റ്റഡിയില് വേണമെന്ന് പൊലീസ്
05 NOVEMBER 2023 11:58 AM IST
മലയാളി വാര്ത്ത
ബോംബ് നിര്മാണത്തില് കൂടുതല് സഹായമുണ്ടോ എന്ന് പരിശോധിക്കും. ഡൊമിനിക് മാര്ട്ടിന്റെ വിദേശ ബന്ധങ്ങള് പരിശോധിക്കാനുള്ള നടപടികളിലേക്കും പൊലീസ് കടന്നിട്ടുണ്ട്. 15 വര്ഷത്തോളം തുടര്ച്ചയായി ദുബായില് ഉണ്ടായിരുന്ന മാര്ട്ടിന് മറ്റേതെങ്കിലും രാജ്യങ്ങളില് പോയിട്ടുണ്ടോ, സാമ്പത്തിക ഇടപാടുകള് നടത്തിയിട്ടുണ്ടോ തുടങ്ങിയ കാര്യങ്ങള് പരിശോധിക്കും.
വാട്സ്ആപ്പ്, ഫേസ്ബുക്ക് തുടങ്ങി പ്രതിയുടെ സാമൂഹിക മാധ്യമ ഇടപെടലുകളിലും ആഴത്തിലുള്ള പരിശോധനയാണ് നടക്കുന്നത്. കേരളത്തെ നടുക്കി കൊച്ചി കളമശ്ശേരിയിലെ കണ്വെന്ഷന് സെന്ററിലുണ്ടായ തുടര്സ്ഫോടനങ്ങളില് മൂന്ന് പേരാണ് മരിച്ചത്. മലയാറ്റൂര് സ്വദേശി ലിബിന (12), എറണാകുളം കുറുപ്പുംപടി സ്വദേശി ലയോണ പൗലോസ് (60), തൊടുപുഴ സ്വദേശിയായ കുമാരി (53) എന്നിവരാണ് മരിച്ചത്. 25ഓളം പേര് ചികിത്സയിലാണ്. കേസില് ഡൊമിനിക് മാര്ട്ടിനെ മാത്രമാണ് പൊലീസ് പ്രതി ചേര്ത്തിരിക്കുന്നത്. ഡൊമിനിക് മാര്ട്ടിനെ കേന്ദ്രീകരിച്ചാണ് അന്വേഷണം മുന്നോട്ട് പോയ്ക്കൊണ്ടിരിക്കുന്നത്. " f
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
