നാലുമാസമായി മുടങ്ങിയ ക്ഷേമ പെന്‍ഷന്‍ ഈയാഴ്ച ഭാഗികമായി വിതരണം ചെയ്യും. രണ്ടുമാസത്തെ പെന്‍ഷനാണ് നല്‍കുക. ജൂലായ് മുതല്‍ ഒക്ടോബര്‍ വരെയുള്ളതാണ് നല്‍കേണ്ടത്. 1600 രൂപയാണ് പ്രതിമാസ പെന്‍ഷന്‍.

കോടികള്‍ ചെലവിട്ട് കേരളീയം പരിപാടി നടത്തുന്നതിനെതിരെ വിമര്‍ശനമുയര്‍ന്നതിനു പിന്നാലെയാണ് പെന്‍ഷന്‍ വിതരണത്തിന് സര്‍ക്കാര്‍ ഉത്തരവിട്ടത്. 56.5 ലക്ഷം ആളുകള്‍ക്കാണ് പെന്‍ഷന്‍ നല്‍കേണ്ടത്. ഇതിനായി 2,000 കോടി രൂപ ബാങ്കുകള്‍ വഴി സമാഹരിക്കാന്‍ ശ്രമിച്ചെങ്കിലും നടന്നില്ല. അതിനാല്‍ തത്കാലത്തേക്ക് മറ്റു ചെലവുകള്‍ ഒഴിവാക്കി പെന്‍ഷന്‍ നല്‍കാനാണ് ധനവകുപ്പ് ശ്രമം നടത്തുന്നത്.