അച്യുതാനന്ദന് പുതിയ വിളിപ്പേര്‌; ഐസക്‌ വക- വിഡ്‌ഢി
വി. എസ്. അച്യുതാനന്ദന് തോമസ്‌ ഐസക്കിന്റെ പുതിയ വിളിപ്പേര്‌: വിഡ്‌ഢി. യു.എസ്. നരവംശ ശാസ്‌ത്രജ്ഞന്‍ റിച്ചാര്‍ഡ്‌ ഫ്രാങ്കിയെ സി.ഐ.എ ചാരനെന്ന്‌ വിളിക്കുന്നവര്‍ വിഡ്‌ഢികളാണെന്ന്‌ തുറന്നു പറഞ്ഞതിലൂടെ ഐസക്‌ അച്യുതാനന്ദനെ പരസ്യമായി അപമാനിച്ചു. ഫ്രാങ്കി ചാരനാണെന്ന്‌ പറഞ്ഞത്‌ അച്യുതാനന്ദനാണ്‌.
റിച്ചാര്‍ഡ്‌ ഫ്രാങ്കിയുമായി ഒരു ഇടവേളയ്‌ക്കുശേഷം തോമസ്‌ഐസക്‌ കൈകോര്‍ക്കുകയാണ്‌.
കോഴിക്കോട് ഐ.ഐ.എമ്മില്‍ നടക്കുന്ന രാജ്യാന്തര സഹകരണ കോണ്‍ഗ്രസിനെത്തിയ ഫ്രാങ്കിയുമായി തോമസ്‌ ഐസക്‌ ദീര്‍ഘമായ ചര്‍ച്ചകള്‍ നടത്തുകയും ബൗദ്ധിക പ്രവര്‍ത്തനങ്ങളുടെ ഏകീകരണം പുനരാരംഭിക്കാന്‍ തീരുമാനിക്കുകയും ചെയ്തു.
ഫ്രാങ്കിയെ കേരളത്തിലെ പുതുതലമുറ ദൃശ്യ മാധ്യമപ്രവര്‍ത്തകര്‍ക്ക്‌ മനസ്സിലായില്ലെന്ന്‌ കരുതി ഐസക്‌ ഫ്രാങ്കിയുമായി അടുത്ത സമ്പര്‍ക്കം പുലര്‍ത്തിയെങ്കിലും ചിലര്‍ തിരിച്ചറിയഞ്ഞയുടെനെ ഐസക്‌ ഫ്രാങ്കിയുടെ സൗഹൃദം ഒഴിവാക്കി. ഓഡിറ്റോറിയത്തിനകത്ത്‌ ക്യാമറകള്‍ അനുവദനീയമല്ലാത്തതിനാല്‍ അവിടെ സൗഹൃദം തുടരുകയും ചെയ്തു. വേദി പങ്കിടാതിരിക്കാന്‍ ഇരുവരും ശ്രദ്ധിക്കുകയും ചെയ്തു.
ഫ്രാങ്കിയുമായുള്ള തന്റെ ബന്ധം ഇപ്പോഴും തുടരുന്നതായി മലയാളികള്‍ മനസ്സിലാക്കിയാല്‍ താന്‍ വിദേശചാരനാണെന്ന്‌ സംശയിക്കുമെന്നാണ്‌ ഐസക്കില്‍റെ ഭയം. ഐസക്കും അച്യുതാനന്ദനും വ്യത്യസ്‌ത ധ്രുവങ്ങളിലായിരുന്ന കാലത്ത്‌ ഫ്രാങ്കിലെ വിദേശചാരനായി അച്യുതാനന്ദന് മുദ്ര കുത്തിയിരുന്നു.
കേരളത്തിലെ സാധാരണക്കാര്‍ക്ക്‌ ഇപ്പോഴും വിശ്വാസം പച്ച മലയാളത്തില്‍ സംസാരിക്കുന്ന അച്യുതാനന്ദനെയാണ്‌, തിയറി പറയുന്ന ഐസക്കിനെയല്ല.
2001-ല്‍ ഫ്രാങ്കിയും ഐസക്കും ചേര്‍ന്ന്‌ എഴുതിയ പ്രാദേശിക ജനാധിപത്യവും വികസനവും കേരളത്തിലെ വികേന്ദ്രീകൃത ജനകീയാസൂത്രണം എന്ന പുസ്‌തകത്തിന്റെ പരിഷ്‌ക്കരിച്ച പതിപ്പ്‌ ഉടന്‍ പുറത്തിറങ്ങുമെന്ന്‌ ഐസക്‌ മാധ്യമപ്രവര്‍ത്തകരോട്‌ പറഞ്ഞു. കള്ളം ചെയ്‌തതിന്‌ പിടിക്കപ്പെട്ട കുട്ടിയുടെ മുഖമായിരുന്നു മാധ്യമപ്രവര്‍ത്തകര്‍ക്ക്‌ മുമ്പില്‍ ഐസകിന്‌ ഉണ്ടായിരുന്നത്‌.
വ്യത്യസ്‌തമായ അഭിപ്രായങ്ങള്‍ പ്രകടിപ്പിക്കാന്‍ ഫ്രാങ്കിക്ക്‌ അവകാശമുണ്ടെന്നും ഐസക്‌ പറഞ്ഞു. പാര്‍ട്ടിയില്‍ അച്യുതാനന്ദന്റെ കരുത്ത്‌ നഷ്‌ടപ്പെട്ട സാഹചര്യത്തില്‍ ഫ്രാങ്കിയെ കൂട്ടുപിടിക്കുന്നതിലൂടെ ഐസകിന്‌ ഒന്നും സംഭവിക്കാന്‍ പോകുന്നില്ല. എന്നാല്‍ കേരളത്തിലെ സാധാരണക്കാര്‍ക്കിടയില്‍ ഐസക്‌ വീണ്ടും വിദേശചാരനാകുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
