കുട്ടികള്‍ ചോദിച്ച ചോദ്യത്തിന് മുന്നില്‍ മുഖ്യമന്ത്രി ഉമ്മന്‍ ചാണ്ടിയൊന്ന് പകച്ചു പോയി. ചുരുക്കം പറഞ്ഞാല്‍ കുട്ടികളുടെ ചോദ്യത്തിന് മുഖ്യന് ഉത്തരംമുട്ടി എ്ന്നതാണ് യാഥാര്‍ത്ഥ്യം. ശ്രിചിത്ര പുവര്‍ഹോമിലെ കുട്ടികളുമായി മുഖ്യമന്ത്രി നടത്തിയ സംവാദത്തിനിടയിലാണ് കുഴപ്പിക്കുന്ന ചോദ്യമുയര്‍ന്നത്. നിരവധി രാഷ്ട്രീയ സാഹചര്യങ്ങളെ ചിരിച്ചുകൊണ്ട് നേരിട്ടിട്ടുള്ള മുഖ്യമന്ത്രി കുട്ടികളുടെ ചോദ്യത്തിന് മുമ്പില്‍ ഒന്നുപകച്ചു.
രാവിലെ ഏഴേമുക്കാലോടെയാണ് കുട്ടികള്‍ സന്ദര്‍ശനത്തിനായി ക്ലിഫ് ഹൗസിലെത്തിയത്. സന്ദര്‍ശനം തുടരവെ കുട്ടികളെ കാണുന്നതിന് മുഖ്യമന്ത്രിയുമെത്തി. തുടര്‍ന്ന് നടന്ന ചെറുചര്‍ച്ചയില്‍ കുട്ടികള്‍ മുഖ്യമന്ത്രിക്ക് മുമ്പില്‍ നിരത്തിയത് നിരവധി സംശയങ്ങളും ചോദ്യങ്ങളും.
നിരവധി കുട്ടികള്‍ തെരുവുനായയുടെ ആക്രമണത്തിന് ഇരയായി ആശുപത്രിയിലാവുന്നു. ഇതുവരെ എന്തുകൊണ്ടാണ് ഈ പ്രശ്‌നം പരിഹരിക്കാത്തത് എന്നായിരുന്നു കുട്ടികളില്‍നിന്നും ഉയര്‍ന്ന പ്രധാന ചോദ്യം. അപ്രതീക്ഷിതമായി ഉയര്‍ന്ന ചോദ്യത്തിന് മുമ്പില്‍ മുഖ്യമന്ത്രി ആദ്യമൊന്നു പരുങ്ങി. 

തെരുവുനായ്ക്കളെ നിയന്ത്രിക്കാന്‍ നടപടി സ്വീകരിച്ചാല്‍ പ്രതിഷേധങ്ങള്‍ ഉയരുമെന്നും കേന്ദ്രമന്ത്രി മനേകാ ഗാന്ധിയുടെ വിളി വരുമെന്നും മറുപടി നല്‍കിയ മുഖ്യമന്ത്രി പിന്നെ എന്ത് ചെയ്യുമെന്ന് ഒടുവില്‍ കുട്ടികളോട് തന്നെ ചോദിച്ചു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha