ഭക്തിസാന്ദ്രമാക്കി ശബരിമലയില് മകരജ്യോതി തെളിഞ്ഞു
ശരണമന്ത്രങ്ങള് മുഴങ്ങിയ സന്നിധാനത്ത് ആയിരക്കണക്കിന് അയ്യപ്പന്മാരുടെ മനസ്സിനെ ഭക്തിസാന്ദ്രമാക്കി ശബരിമലയില് മകരജ്യോതി തെളിഞ്ഞു. പൊന്നമ്പലമേട്ടില് പ്രത്യക്ഷപ്പെട്ട ജ്യോതി സ്വരുപത്തെ കണ്ട് മനംനിറയാന് ആയിരങ്ങളാണ് സന്നിധാനത്തും വിവിധ ഭാഗങ്ങളിലുമായി ഒത്തുകൂടിയത്.
കിഴക്കാന് ചക്രവാളത്തില് ഉദിച്ചുയര്ന്ന മകരജ്യോതി മൂന്നു തവണ മിന്നിമറഞ്ഞപ്പോള് ശരണംവിളികളാല് സന്നിധാനം ഭക്തി നിര്ഭരമായി. ആയിരങ്ങള് ശരണംവിളികള് ഏറ്റുചൊല്ലിയപ്പോള് കഴിഞ്ഞ ഒരുവര്ഷമായി ഭക്ത ജനങ്ങള് കാത്തിരുന്ന ആ അസുലഭ നിമിഷം കലിയുഗ വരദായകനായ അയ്യപ്പന്റെ അനുഗ്രഹമായി ഏവര്ക്കും മുന്നില് പ്രത്യക്ഷമായി.
മുന് വര്ഷങ്ങളിലേത് പോലെ ഈ വര്ഷവും മകരവിളക്ക് കണ്ട് അയ്യപ്പനെ തൊഴാന് ശബരിമലയില് വന് ഭക്തജന തിരക്കാണ് അനുഭവപ്പെട്ടത്. ശബരിമലയിലും അനുബന്ധ പ്രവേശങ്ങളിലും മകരവിളക്ക് ദര്ശനത്തിനുള്ള ക്രമീകരണങ്ങളെല്ലാം നേരത്തെതന്നെ പൂര്ത്തിയായിരുന്നു.
സി.ആര്.പി.എഫ്, പോലീസ്, എന്.ഡി.ആര്.എഫ് സേനകളാണ് തിരക്ക് നിയന്ത്രിക്കുന്നതിനും സുരക്ഷ ഒരുക്കുന്നതിനുമായി സന്നിധാനത്ത് നിലയുറപ്പിച്ചിരിക്കുന്നത്. പമ്പനിലയ്ക്കല് ഭാഗങ്ങളില് 2000, പുല്ലുമേട്ടില് 1500, പഞ്ചാലിമേട്ടില് 300, പരുന്തും പാറയില് 200 എന്നിങ്ങനെയും പോലീസ് സേനാംഗങ്ങളുടെ സേവനം ലഭ്യമാക്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
