കുമ്മനം രാജശേരന്‍ നയിക്കുന്ന വിമോചന യാത്രക്ക് സുഗതകുമാരി ആശംസകളും അനുഗ്രഹങ്ങളും നേര്‍ന്നു. മണ്ണിനും കൃഷിക്കും വെള്ളത്തിനും മാത്രമല്ല പശ്ചിമഘട്ടത്തിന്റെ സംരക്ഷണത്തിനും വേണ്ടി പ്രയത്‌നിക്കുമെന്നുള്ള കുമ്മനത്തിന്റെ വാക്കുകള്‍ ആദരവോടൊണ് താന്‍ കേട്ടതെന്ന് സുഗതകുമാരി പറഞ്ഞു. ആറന്മുള വിമാനത്താവളത്തിനെരെയുള്ള സമരത്തിലാണ് കുമ്മനത്തിനെ പരിചയപ്പെടുന്നത്. അദ്ദേഹത്തിന്റെ നിഷകളങ്കമായ വ്യക്തിത്വത്തിനെ ബഹുമാനിക്കുന്നുവെന്നും ടീച്ചര്‍ പറഞ്ഞു. കുമ്മനം രാജശേഖരന്‍ നയിക്കുന്ന കേരള വിമോചന യാത്രക്ക് ഇന്ന് തുടക്കമായി. രാവിലെ 10ന് ഉപ്പളയില്‍ കേന്ദ്രമന്ത്രി വെങ്കയ്യനായിഡു യാത്രയുടെ ഉദ്ഘാടനം നിര്‍വഹിച്ചു. കേന്ദ്രമന്ത്രി ഡി.വി.സദാനന്ദ ഗൗഡ, ദേശീയ സെക്രട്ടറി എച്ച്.രാജ, നളിന്‍കുമാര്‍ കട്ടീല്‍ എംപി, ചലച്ചിത്രതാരം സുരേഷ് ഗോപി തുടങ്ങിയവര്‍ പങ്കെടുത്തു.

പാര്‍ട്ടി ആവശ്യപ്പെട്ടാല്‍ വരുന്ന തെരഞ്ഞെടുപ്പില്‍ മത്സരിക്കാന്‍ തയ്യാറാണെന്ന് കുമ്മനം ഇന്നലെ വ്യക്തമാക്കിയിരുന്നു. തുഷാര്‍ വെള്ളാപ്പള്ളിയെ തെഞ്ഞെടുപ്പില്‍ മത്സരിപ്പിക്കുന്ന കാര്യം ബി.ഡി.ജെ.എസ് ആണ് തീരുമാനിക്കേണ്ടതെന്നും അദ്ദേഹം പറഞ്ഞു. ബി.ഡി.ജെ.എസുമായി നടന്നിട്ടുള്ളത് പ്രാഥമിക ചര്‍ച്ച മാത്രമാണെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha