ഫള്വേഴ്സ് ചാനല് ടെലിവിഷന് അവാര്ഡുകള് പ്രഖ്യാപിച്ചു
ഫള്വേഴ്സ് ചാനല് ടെലിവിഷന് അവാര്ഡുകള് പ്രഖ്യാപിച്ചു. നടന് മധു അധ്യക്ഷനായ അഞ്ചംഗ ജൂറിയാണ് 15 വിഭാഗങ്ങളിലായി പുരസ്കാരങ്ങള് പ്രഖ്യാപിച്ചിരിക്കുന്നത്. ഛായാഗ്രാഹകനായ അഴഗപ്പന്, സിനിമസീരിയല് സംവിധായകന് സജി സുരേന്ദ്രന്, ടെലിവിഷന് അവതാരക രാജേശ്വരി മോഹന്, ടെലിവിഷന് നിരൂപക ഉഷ എസ് നായര് എന്നിവരാണ് ജൂറിയിലെ മറ്റ് അംഗങ്ങള്.
സ്വന്തം ചാനലിലെ പരിപാടികള്ക്ക് മാത്രമല്ലാതെ മറ്റ് ചാനലുകളിലെ പരിപാടികള്ക്കും പുരസ്ക്കാരം നല്കുന്നത് മലയാളം ടെലിവിഷന് മേഖലയില് അപൂര്വമായി മാത്രം സംഭവിക്കുന്ന കാര്യമാണ്. സംസ്ഥാന പുരസ്ക്കാരങ്ങള് പ്രഖ്യാപിക്കുമ്പോള് മറ്റ് ചാനലുകള്ക്ക് ലഭിക്കുന്ന പുരസ്ക്കാരങ്ങളെക്കുറിച്ച് മലയാളത്തിലെ മാധ്യമ സ്ഥാപനങ്ങള് പരാമര്ശങ്ങള് പോലും നടത്താറില്ല. ഈ സാഹചര്യത്തിലാണ് ഫല്വേഴ്സ് ടിവി മറ്റ് ചാനലുകളിലെ പരിപാടികളെ അംഗീകരിക്കുമ്പോള് അത് അഭിനന്ദനാര്ഹമാകുന്നത്.
കിറ്റക്സ് പ്രധാന സ്പോണ്സറായ അവാര്ഡ് നിശ നടക്കുന്നത് കിഴക്കമ്പലത്തെ കിറ്റെക്സ് വളപ്പിലായിരിക്കും. ജനുവരി 23ന് വൈകിട്ട് 6.30 മുതലാണ് പുരസ്കാരദാന ചടങ്ങുകള് ആരംഭിക്കുന്നത്.
ഫല്വേഴ്സ് ടിവി പ്രഖ്യാപിച്ചിരിക്കുന്ന പുരസ്ക്കാരങ്ങള്:
മികച്ച പരമ്പര ഈശ്വരന് സാക്ഷിയായി (ഫഌവഴ്സ്)
മികച്ച നടന് കിഷോര് സത്യ (കറുത്തമുത്ത്, ഏഷ്യാനെറ്റ്)
മികച്ച നടി ശ്രീലയ (മൂന്നുമണി, ഫഌവഴ്സ്)
മികച്ച ഹാസ്യതാരം സുരഭിലക്ഷ്മി (എം80 മൂസ, മീഡിയാ വണ്)
മികച്ച അവതാരകന് രമേഷ് പിഷാരടി (ബഡായി ബംഗ്ലാവ്, ഏഷ്യാനെറ്റ്)
മികച്ച സ്വഭാവനടന് മേഘനാദന് (സ്ത്രീത്വം, സൂര്യാ ടിവി)
മികച്ച സ്വഭാവനടി വിജയകുമാരി(മാനസമൈന, കൈരളി)
ജനപ്രിയപരമ്പര മഞ്ഞുരുകുംകാലം(മഴവില്മനോരമ)
പുതുമയാര്ന്ന ടെലിവിഷന് പരിപാടി നല്ലവാര്ത്ത (മാതൃഭൂമിന്യൂസ്)
ദൃശ്യമാദ്ധ്യമരംഗത്തെ സമഗ്രസംഭാവനയ്ക്കുള്ള പുരസ്കാരം കെ.ശശികുമാര്
മികച്ച വാര്ത്താ അവതരണം ഷാനി പ്രഭാകര്(മനോരമ ന്യൂസ്)
മികച്ച റിപ്പോര്ട്ടര് എസ്.വിജയകുമാര്(റിപ്പോര്ട്ടര് ടിവി)
മികച്ച ഡോക്യുമെന്ററി എന്റെ പുഴ (ഏഷ്യാനെറ്റ് ന്യൂസ്)
വാര്ത്താ മാദ്ധ്യമരംഗത്തെ സമഗ്രസംഭാവനയ്ക്കുള്ള പുരസ്കാരം ടി.എന്.ഗോപകുമാര്
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
