പാഠം പഠിക്കാത്ത സ്ത്രീകള്‍. പ്രണയ നൈരാശ്യത്തെ തുടര്‍ന്ന് കാമുകന്റെ ഫ്‌ളാറ്റില്‍ ആത്മഹത്യാ കുറിപ്പ് ഇട്ട ശേഷം യുവതി അതേ ഫ്‌ലാറ്റിന്റെ പത്താം നിലയില്‍ നിന്ന് ചാടി മരിച്ചു. കാമുകന്‍ വാടകയ്ക്ക് താമസിച്ചിരുന്ന ഫ്‌ലാറ്റിന്റെ പത്താം നിലയില്‍ നിന്നായിരുന്നു യുവതി ചാടി മരിച്ചത്.
തിരുവനന്തപുരം പുജപ്പുര അന്‍വര്‍ കോളനി റെയില്‍വേ ക്വാര്‍ട്ടേഴ്‌സ് നമ്പര്‍ 137ല്‍ ജോണ്‍ ജോര്‍ജിന്റെ മകള്‍ ഷിജി ജോര്‍ജ്ജാണ് മരിച്ചത്. 29 വയസ്സായിരുന്നു. ഇന്നെലെ വൈകിട്ട് നാലിന് ഉള്ളൂര്‍ആക്കുളം റോഡിലുള്ള ഫ്‌ളാറ്റിലാണ് സംഭവം. പത്താം നിലയിലെ പട്ടിക്കെട്ടിന് സമീപത്തെ ജനാല തുറന്ന് ചാടുകയായിരുന്നു. താഴെയുണ്ടായിരുന്ന സിമന്റ് ബ്ലോക്കില്‍ തലയിടിച്ച് വീണ് തല്‍ക്ഷണം മരിച്ചു.
ഷിജിയുടെ ആത്മഹത്യാക്കുറിപ്പില്‍ നിന്നാണ് പ്രണയ നൈരാശ്യമാണ് ആത്മഹത്യയ്ക്ക് കാരണമെന്ന് വ്യക്തമായത്. കിഴക്കേകോട്ടയില്‍ സ്വകാര്യ ആശുപത്രിയില്‍ റിസപ്ഷനിസ്റ്റായിരുന്നു ഷിജി. ലിഫ്റ്റില്‍ മുകളിലേക്ക് പോയ യുവതി കൈയില്‍ കരുതിയിലുന്ന ആത്മഹത്യാക്കുറിപ്പിന്റെ പകര്‍പ്പ് ബീമാപള്ളി സ്വദേശി അന്‍വര്‍ താമസിക്കുന്ന പൂട്ടിക്കിടക്കുന്ന ഫ്‌ലാറ്റിനുള്ളില്‍ ഇട്ടു. അതിന് ശേഷമാണ് പത്താം നിലയിലാണ് യുവതി. എത്തിയത്. യുവതി അന്‍വറുമായി അടുപ്പത്തിലായിരുന്നുവെന്നും ഇയാള്‍ വിവാഹം കഴിക്കാന്‍ തയ്യാറാകാത്തതില്‍ മനംനൊന്താണ് ആത്മഹത്യയെന്നും പൊലീസ് അറിയിച്ചു.
പൂജപ്പുരയാണ് വീടെങ്കിലും ഉള്ളൂരിലാണ് യുവതി താമസിച്ചിരുന്നത്. അന്‍വറിന്റെ ആഗ്രഹപ്രകാരമാണ് ഈ ലേഡീസ് ഹോസ്റ്റലില്‍ താമസിച്ചതെന്നാണ് സൂചന. അന്‍വറിനോട് തന്നെ കല്ല്യാണം കഴിക്കണമെന്ന് ഷിജി ആവശ്യപ്പെട്ടെങ്കിലും അയാള്‍ വഴങ്ങിയില്ല. ഇതേ തുടര്‍ന്ന് കുറച്ചു ദിവസമായി കടുത്ത മാനസിക സംഘര്‍ഷത്തിലായിരുന്നു. മൂന്ന് ദിവസമായി ആശുപത്രിയില്‍ ജോലിക്കും പോയിരുന്നില്ല. അമ്മയ്ക്ക് സുഖമില്ലെന്നായിരുന്നു ന്യായം പറഞ്ഞിരുന്നത്.
വൈകിട്ട് ഓട്ടോറിക്ഷയിലാണ് ഷിജി ഫ്‌ളാറ്റിന് മുന്നിലെത്തിയത്. അതിന് ശേഷം മുന്‍കൂട്ടി നിശ്ചയിച്ചത് പോലെ കാര്യങ്ങള്‍ ചെയ്യുകയായിരുന്നു. പല തവണ ഈ ഫ്‌ളാറ്റില്‍ ഷിജി വന്നിട്ടുണ്ടെന്നും സൂചനയുണ്ട്. ആത്മഹത്യാ കുറിപ്പ് കണ്ടെത്തിയതിനെ തുടര്‍ന്ന് അന്‍വറില്‍ നിന്ന് പൊലീസ് കാര്യങ്ങള്‍ തിരിക്കി. ഇയാളെ കസ്റ്റഡിയില്‍ എടുക്കാനും സാധ്യതയുണ്ട്. അന്‍വറിനെതിരെ ആത്മഹത്യാ പ്രേരണക്കുറ്റം ചുമത്താനാണ് പൊലീസ് നീക്കം. ഇന്ന് മൃതദേഹം പോസ്റ്റ് മോര്‍ട്ടം നടത്തും. അതിന് ശേഷം കേസില്‍ വഴിത്തിരിവുകളുണ്ടാകാന്‍ സാധ്യതയുണ്ട്.
ഷിജിയെ ആരെങ്കിലും ലൈംഗികമായി ചൂഷണം ചെയ്തിരുന്നോ എന്ന് പോസ്റ്റ് മോര്‍ട്ടം റിപ്പോര്‍ട്ട് കിട്ടിയാലേ വ്യക്തമാകൂ. അതനുസരിച്ച് കേസ് ചാര്‍ജ്ജ് ചെയ്യുന്ന സ്വഭാവത്തിലും മാറ്റം വരും. ഷിജിയുടെ ബാഗിലും ആത്മഹത്യാക്കുറിപ്പിന്റെ പകര്‍പ്പുണ്ടായിരുന്നു. അന്‍വറിന്റെ ഫ്‌ലാറ്റില്‍ വരാറുണ്ടായിരുന്നുവെന്ന സൂചന ആത്മഹത്യാക്കുറിപ്പിലുമുണ്ട്. ഈ സാഹചര്യത്തിലാണ് പീഡനവും അന്വേഷണ പരിധിയില്‍ കൊണ്ടുവരുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha