സ്വര്‍ണാഭരണങ്ങള്‍ക്ക് കേരളത്തില്‍ നിലവിലുള്ള അഞ്ച് ശതമാനം നികുതി വരുന്ന ബജറ്റില്‍ ഒരു ശതമാനമാക്കിയേക്കും. ബാര്‍ മേഖല അടച്ചു പൂട്ടിയതോടെ തെരഞ്ഞെടുപ്പിനെ നേരിടാന്‍ സ്വര്‍ണകച്ചവടക്കാരുടെ പണം ലക്ഷ്യമിട്ട് നീങ്ങുന്ന കോണ്‍ഗ്രസാണ് വാറ്റ് ഒരു ശതമാനമാക്കി നിശ്ചയിക്കാന്‍ ആലോചിക്കുന്നത്.
സ്വര്‍ണമേഖലയിലെ പ്രതിസന്ധി പരിഹരിക്കാന്‍ വാണിജ്യനികുതി പരിഷ്‌ക്കരിക്കുമെന്ന് മുഖ്യമന്ത്രി ഉമ്മന്‍ചാണ്ടി പരോക്ഷ സൂചന നല്‍കി കഴിഞ്ഞു. സ്വര്‍ണമേഖലയിലെ നയരൂപീകരണത്തിനായി മലബാര്‍ ഗോള്‍ഡ് വിളിച്ചു കൂട്ടിയ യോഗത്തിലായിരുന്നു മുഖ്യമന്ത്രിയുടെ ഉറപ്പ്,
സ്വര്‍ണത്തിന്റെ ഉയര്‍ന്ന നികുതി കാരണം വരുമാനത്തില്‍ ചോര്‍ച്ചയുണ്ടാകുന്നു എന്നാരോപിച്ചാണ് സ്വര്‍ണത്തിന്റെ വാറ്റ് കുറയ്ക്കാന്‍ സര്‍ക്കാര്‍ ആലോചിക്കുന്നത്. യുഡിഎഫ് സര്‍ക്കാര്‍ അധികാരത്തിലെത്തിയ സമയം സ്വര്‍ണ നികുതി പരിഷ്‌ക്കരിക്കാന്‍ ഒരു കമ്മിറ്റിയെ നിയോഗിച്ചിരുന്നു. അന്നത്തെ നികുതി വകുപ്പ് സെക്രട്ടറി എ അജിത് കുമാറായിരുന്നു കമ്മിറ്റിയുടെ അധ്യക്ഷന്‍. നികുതി ഘടന പുനസംഘടിപ്പിക്കണമെന്ന് കമ്മിറ്റി റിപ്പോര്‍ട്ടും നല്‍കി. പിന്നീടൊന്നും നടന്നില്ല.
സ്വര്‍ണത്തിന്റെ നികുതി ഘടന പരിഷ്‌ക്കരിക്കാന്‍ കോടികളാണ് കോഴയായി മറിയാന്‍ പോകുന്നത്. 2012-13 സാമ്പത്തിക വര്‍ഷം 80,000 കോടിയുടെ സ്വര്‍ണകച്ചവടം നടന്നിട്ടും കേരളം 471 കോടി രൂപ മാത്രമാണ് നികുതിയായി പിരിഞ്ഞു കിട്ടിയത്.
അതേസമയം ജൂവലറിയുടെ നികുതി കുറച്ചാലും സര്‍ക്കാരിന് ലഭിക്കുന്ന നികുതിയില്‍ വ്യത്യാസം വരില്ലെന്ന് യോഗത്തില്‍ സംസാരിച്ച മുന്‍ ധനമന്ത്രി ഡോ. തോമസ് ഐസക് പറഞ്ഞു.
സ്വര്‍ണകച്ചവടക്കാര്‍ പക്ഷേ തരികിട പഠിച്ചവരാണ്. കോഴ കൊടുത്താലും നികുതി കൊടുക്കില്ല. ഇതാണ് അവരുടെ നിലപാട്. അതിലൊരു മാറ്റവും അടുത്ത കാലത്ത് വരാന്‍ യാതൊരു സാധ്യതയുമില്ല

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha