ശ്രീപദ്മനാഭ സ്വാമിക്ഷേത്രത്തിലെ ബി നിലവറ തുറന്ന് പരിശോധിക്കാന്‍ അനുവദിക്കണമെന്ന് വിദദ്ധ സമിതി സുപ്രീംകോടതിയില്‍ ആവശ്യപ്പെട്ടു. ക്ഷേത്രത്തിലെ അമൂല്യസ്വത്തുക്കള്‍ പൊതുജനങ്ങള്‍ക്ക് കാണുന്നതിനായി മ്യൂസിയം സ്ഥാപിച്ച് അതില്‍ സൂക്ഷിക്കണമെന്നും സമിതി കോടതിയോട് ആവശ്യപ്പെട്ടു. ക്ഷേത്രത്തിലെ മറ്റെല്ലാ നിലവറകളും തുറന്നു പരിശോധിക്കുകയും കണക്കെടുപ്പ് പൂര്‍ത്തിയാക്കുകയും ചെയ്തിട്ടുണ്ടെന്നും എം.വി.നായര്‍ അദ്ധ്യക്ഷനായ സമിതി സത്യവാങ്മൂലത്തില്‍ വ്യക്തമാക്കി. ബി നിലവറ തുറക്കണമെന്ന് കംപ്‌ട്രോളര്‍ ആന്‍ഡ് ഓഡിറ്റര്‍ മുന്‍ ജനറല്‍ വിനോദ് റായിയും ആവശ്യപ്പെട്ടിരുന്നു.

ഇതുവരെയുള്ള കണക്കുകള്‍ വച്ച് 45,000 പേജുള്ള റിപ്പോര്‍ട്ട് തയ്യാറാക്കിയിട്ടുണ്ട്. പരിശോധനയുടെ വിവരങ്ങള്‍ പി.ഡി.എഫ് ഫോര്‍മാറ്റില്‍ ഹാര്‍ഡ് ഡിസ്‌കില്‍ സൂക്ഷിച്ചിട്ടുണ്ട്.സൂക്ഷിച്ചിട്ടുണ്ട്. ബി നിലവറ കൂടി തുറന്ന് കണക്കെടുത്താല്‍ അന്തിമ റിപ്പോര്‍ട്ട് സമര്‍പ്പിക്കാനാവുമെന്നും സമിതി കോടതിയെ അറിയിച്ചു. പൂജയ്ക്കായുള്ള ആഭരണങ്ങള്‍ ക്ഷേത്രത്തില്‍ നിന്ന് കൈമാറണമെന്ന ആവശ്യവും വിദഗ്ദ്ധ സമിതി കോടതിയുടെ ശ്രദ്ധയില്‍പെടുത്തി.
പത്മനാഭസ്വാമി ക്ഷേത്രത്തിലെ അമൂല്യസ്വത്തുക്കള്‍ വര്‍ഗീകരിക്കുന്നതിനായി സുപ്രീം കോടതി നിയമച്ച വിദഗ്ധ സമിതിയുടെ പ്രവര്‍ത്തനങ്ങള്‍ അവസാന ഘട്ടത്തിലാണ്. എ മുതല്‍ എച്ച് വരെയുള്ള നിലവറകളിലെ പരിശോധനയാണ് പൂര്‍ത്തിയായത്. എന്നാല്‍, ബി നിലവറ തുറക്കുന്നതിനെ നേരത്തെ തന്നെ രാജകുടുംബം എതിര്‍ത്തിരുന്നു. തുടര്‍ന്ന് സുപ്രീംകോടതി ഇക്കാര്യത്തില്‍ തീരുമാനം മാറ്റിവയ്ക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha