ന്യൂയോര്ക്കില് വിമാനം ലാന്ഡിങ്ങിനിടെ റണ്വേയിലുണ്ടായിരുന്ന ഫയര് ട്രക്കുമായി കൂട്ടിയിടിച്ചു
23 MARCH 2026 04:06 PM IST
മലയാളി വാര്ത്ത
ന്യൂയോര്ക്കില് എയര് കാനഡയുടെ വിമാനം ലാന്ഡിങ്ങിനിടെ റണ്വേയിലുണ്ടായിരുന്ന ട്രക്കുമായി കൂട്ടിയിടിച്ച് അപകടം. കാനഡയിലെ മോണ്ട്റിയലില്നിന്നെത്തിയ എയര് കാനഡ എക്സ്പ്രസ് സിആര്ജെ900 വിമാനമാണ് റണ്വേയിലുണ്ടായിരുന്ന ഫയര് ട്രക്കുമായി കൂട്ടിയിടിച്ചത്.
ഇന്ന് പുലര്ച്ചെ ന്യൂയോര്ക്കിലെ ലാ ഗാര്ഡിയ വിമാനത്താവളത്തില് ആണ് സംഭവം. എയര് കാനഡ എക്സ്പ്രസ് ഗേറ്റിന് സമീപത്തേക്ക് നീങ്ങവേ റണ്വേയിലുണ്ടായിരുന്ന ഫയര് ട്രക്കുമായി കൂട്ടിയിടിക്കുകയായിരുന്നു. നൂറോളം യാത്രക്കാര് ആയിരുന്നു വിമാനത്തില് ഉണ്ടായിരുന്നത്.
അപകടം മൂലം നാല് അഗ്നിശമനസേനാ ജീവനക്കാര്ക്ക് പരിക്കേറ്റതായും ഇവരുടെ നില ഗുരുതരമായി തുടരുകയാണെന്നുമാണ് വിവരം. അപകടത്തിന്റെ ദൃശ്യങ്ങള് സാമൂഹികമാധ്യമങ്ങളില് വ്യാപകമായി പ്രചരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
