ഒന്പതാം ക്ലാസുകാരിയെ വീട്ടിലെ കിടപ്പുമുറിയില് മരിച്ച നിലയില് കണ്ടെത്തി
പഠിക്കാനായി മുറിയില് കയറിയ ഒന്പതാം ക്ലാസുകാരിയെ മരിച്ച നിലയില് കണ്ടെത്തി. കൊല്ലം കടയ്ക്കലിലാണ് സംഭവം. കുമ്മിള് പുല്ലുപണ ഇരട്ടകുളം നെല്ലിക്കാട്ടില് വീട്ടില് മുഹമ്മദ് റാഫി ഷൈനിമോള് ദമ്പതികളുടെ മകള് ഫാത്തിമ മുബഷിറയെയാണ് (14) മരിച്ച നിലയില് കണ്ടെത്തിയത്. ചിങ്ങേലി ഗവണ്മെന്റ് ഹയര് സെക്കന്ഡറി സ്കൂളിലെ ഒന്പതാം ക്ലാസ് വിദ്യാര്ത്ഥിനിയാണ് ഫാത്തിമ മുബഷിറ.
ഇന്നലെയാണ് സംഭവം നടക്കുന്നത്. രാവിലെ ഫാത്തിമ പഠിക്കാനായി മുറിയിലേക്ക് പോയതായിരുന്നു. ഉച്ചക്ക് ഭക്ഷണം കഴിക്കാന് വിളിച്ചിട്ട് വരാത്തതിനെ തുടര്ന്ന് അമ്മ വിളിക്കാനായി മുറിയിലേക്ക് ചെന്നപ്പോഴാണ് കമഴ്ന്ന് കിടക്കുന്ന നിലയില് കണ്ടെത്തിയത്. എത്ര വിളിച്ചിട്ടും ഉണരാത്തതിനെ തുടര്ന്ന് ബന്ധുക്കള് ഉടന് തന്നെ അടുത്തുള്ള കടയ്ക്കലിലെ സ്വകാര്യ ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു.
മരണകാരണം എന്താണെന്ന് ഇതുവരെ കണ്ടെത്താനായിട്ടില്ല. പാരിപ്പള്ളി മെഡിക്കല് കോളേജില് പോസ്റ്റ്മോര്ട്ടം നടപടികള് പൂര്ത്തിയായ ശേഷമേ മരണകാരണം എന്താണെന്ന് അറിയൂ. സംഭവത്തില് കടക്കല് പൊലീസ് അസ്വാഭാവിക മരണത്തിന് കേസ് എടുത്തിരിക്കുകയാണ്.
https://www.facebook.com/Malayalivartha
