സിപിഎമ്മുകാരനാണെന്ന് പറഞ്ഞ് തനിക്ക് പത്ത് കോടി വാഗ്ദാനം ചെയ്തെന്ന് സരിത
സിപിഐഎമ്മിന് കോഴ വാഗ്ദാനം ചെയ്തുവെന്ന ആരോപണങ്ങളില് വിശദീകരണവുമായി സരിത എസ് നായര്. സിപിഎമ്മുകാരനാണെന്ന് പറഞ്ഞ് തന്നെ പ്രശാന്ത് എന്നൊരാള് വന്നു കണ്ടു.ഇ.പി. ജയരാജന് പറഞ്ഞിട്ടാണ് കാണാനെത്തിയതെന്നും, യുഡിഎഫിനെതിരെ ആരോപണങ്ങള് ഉന്നയിച്ചാല് പത്തുകോടി തരാമെന്ന് അയാള് വാഗ്ദാനം ചെയ്തെന്നും സരിത മാധ്യമങ്ങളോട് വ്യക്തമാക്കി.
അയാള് കമ്മ്യൂണിസ്റ്റുകാരനാണോ, അല്ലയോ എന്ന കാര്യം അറിയില്ലെന്നും താന് അക്കാലങ്ങളില് യുഡിഎഫിലുളളവര് പറയുന്ന പോലെയാണ് അഭിമുഖങ്ങള് വരെ നല്കിയിരുന്നതെന്നും. തന്നെ നിയന്ത്രിച്ചിരുന്നത് യുഡിഎഫ് കേന്ദ്രങ്ങളാണെന്നും സരിത പറഞ്ഞു. തനിക്ക് അതില് കൂടുതല് താത്പര്യം തോന്നാത്തതുകൊണ്ട് അയാളെക്കുറിച്ചോ, അയാള് നല്കാമെന്നു പറഞ്ഞ പത്തുകോടിയെക്കുറിച്ചോ താന് അന്വേഷിച്ചില്ലെന്നും സരിത കൂട്ടിച്ചേര്ത്തു.
ബിജു രാധാകൃഷ്ണന് സരിത എസ് നായരെ വിസ്തരിക്കാമെന്ന് ജുഡീഷ്യല് കമ്മീഷന്. നേരത്തെ വിചാരണ വേളയിലാണ് ബിജു രാധാകൃഷ്ണന് ഈ ആവശ്യം ഉന്നയിച്ചിരുന്നത്. അതേസമയം സര്ക്കാരിന് എതിരായ കാര്യങ്ങള് അറിയുവാന് സരിതയുടെ വിസ്താരത്തിന് അവസരം വേണമെന്ന് സര്ക്കാര് അഭിഭാഷകനും ആവശ്യപ്പെട്ടെങ്കിലും അനുവദിക്കാനാകില്ലെന്ന് ജസ്റ്റിസ് ശിവരാജന് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
