സോളാര് കേസില് ബിജുരമേശ് രക്ഷിച്ചു
സോളാര് കേസിന്റെ തുടക്കത്തില് ഏറെ വിവാദം സൃഷ്ടിച്ച പേരായിരുന്നു അടൂര് പ്രകാശിന്റേത്. എറണാകുളത്ത് ഫ്ളാറ്റില് സന്ദര്ശിച്ചതും, ഫോണ് വിളികളുമെല്ലാം ഏറെ ചര്ച്ച ചെയ്യപ്പെട്ടതാണ്. കമ്മീഷന് വിസ്താര വേളയില് അടൂര് പ്രകാശ് കുടുങ്ങുമെന്ന് എല്ലാവരും പ്രതീക്ഷിച്ചിരുന്നു. എന്നാല് ബിജുരമേശിന്റെ ഓപറേഷനില് ഇപ്പോള് എല്ലാം ഭദ്രം. എറണാകുളത്തെ ബാറുടമ സരിതയും, ഐഗ്രൂപ്പ് മന്ത്രിയും തമ്മിലുളള ടെലിഫോണ് സംഭാഷണം കൈക്കലാക്കുന്നതുമുതല് തുടങ്ങുന്നു ബാര് ഉടമകളുടമായുളള സരിതയുടെ ബന്ധം. തുടര്ന്ന് നിരവധി തവണ സരിതയുമായി സംസാരിച്ച ബാറുടമ സര്ക്കാരിനെ അട്ടിമറിക്കുക എന്ന ലക്ഷ്യവുമായി തന്ത്രങ്ങള് മെനഞ്ഞു എന്നാണ് ഉമ്മന്ചാണ്ടിപോലും ആരോപിച്ചത്.
ബിജു രമേശുമായും സരിത നിരവധി തവണ ടെലിഫോണില് സംസാരിക്കുകയുണ്ടായി. തുടര്ന്ന് ബിജു രമേശിന്റെ ഇടപെടലിലാണ് സോളാര് കേസില് നിന്ന് അടൂര് പ്രകാശ് രക്ഷപെടുന്നത്. എന്നാല് ആഭ്യന്തരമന്ത്രി രമേശ് ചെന്നിത്തലയുമായി വരെ എത്രവട്ടം ടെലിഫോണില് സംസാരിച്ചു എന്നു തുറന്നു പറഞ്ഞ സരിത കെ.സി.വേണുഗോപാല് ഉള്പ്പെടെയുളള ഐഗ്രൂപ്പ് മന്ത്രിമാരുടെ പേരു വിവരം പുറത്തുവിട്ടു.ഐഗ്രൂപ്പില് പുതുതായി ഉരുത്തിരിയുന്ന കെ.മുരളീധരന് അച്യുതണ്ടുമായും, സുധീരനുമായും സൗഹൃദം പുലര്ത്തുന്ന അടൂര് പ്രകാശ് തന്ത്രപരമായാണ് ഇപ്പോള് നീങ്ങുന്നത്.
രമേശ് ചെന്നിത്തലയ്ക്കെതിരെ ബിജു രമേശ് നടത്തിയ വെളിപ്പെടുത്തലുകള് അടൂര് പ്രകാശിനെയും ചെന്നിത്തലയെയും ഏറെ അകറ്റിയിരുന്നു. എന്നാല് ആരോപണത്തെ തുടര്ന്ന് അടൂര് പ്രകാശിനെ എങ്ങനെങ്കിലും പാട്ടിലാക്കാനുളള ശ്രമങ്ങളിലാണ് ചെന്നിത്തലയെന്ന് പ്രകാശിനോടടുത്ത കേന്ദ്രങ്ങള് പറയുന്നു. ബാര് ഉടമകളും, സരിതയും തമ്മിലുളള കൂട്ടുകെട്ടിലാണ് പുതിയ വിവാദങ്ങള് ഇപ്പോള് കൊഴുക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
