ആരോപണം ഉന്നയിക്കുമ്പോള്‍ പൊതുപ്രവര്‍ത്തകനെന്ന നിലയിലുള്ള പരിഗണനയെങ്കിലും നല്‍കണമെന്ന് മുഖ്യമന്ത്രി. സോളാര്‍ കേസില്‍ മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷം നിയമസഭയില്‍ നടത്തിയ പ്രതിഷേധത്തെത്തുടര്‍ന്നാണ് മുഖ്യമന്ത്രിയുടെ പ്രതികരണം.
അതേസമയം സോളാറില്‍ പ്രതിപക്ഷം ഉന്നയിക്കുന്ന ആരോപണങ്ങള്‍ നിന്ദ്യവും നീചവുമാണെന്ന് രമേശ് ചെന്നിത്തല കുറ്റപ്പെടുത്തി. സോളാര്‍ കമ്മീഷനില്‍ ഡിജിപിയും എഡിജിപിയും നല്‍കിയ മൊഴികള്‍ സത്യസന്ധമല്ലെന്ന് ആഭ്യന്തരമന്ത്രി രമേശ് ചെന്നിത്തല. ഇവര്‍ തങ്ങളുടെ അഭിപ്രായമാകാം പറഞ്ഞതെന്നും ചെന്നിത്തല പറഞ്ഞുസോളാര്‍ കമ്പനിക്ക് വേണ്ടി ഒന്നും ചെയ്തുകൊടുത്തിട്ടില്ലെന്ന് മന്ത്രി ആര്യാടന്‍ മുഹമ്മദും സഭയില്‍ വിശദീകരിച്ചു.
മുഖ്യമന്ത്രിയുടെ രാജി ആവശ്യപ്പെട്ട് പ്രതിപക്ഷം സഭ സ്തംഭിപ്പിച്ചതിനെത്തുടര്‍ന്ന് സഭ ഇന്നത്തേക്ക് പിരിഞ്ഞു. നുണകളില്‍ ജീവിക്കുന്ന ആളാണ് മുഖ്യമന്ത്രി എന്നും ധാര്‍മ്മികത ഉണ്ടെങ്കില്‍ രാജിവെക്കണമെന്നും പ്രതിപക്ഷം ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha