ബാര് കോഴക്കേസില് സര്ക്കാര് ഇരട്ട നീതി നടപ്പിലാക്കുകയാണെന്ന പ്രതിപക്ഷത്തിന്റെ പരാമര്ശത്തിന് നന്ദി പറഞ്ഞ് മാണി
ബാര് കോഴക്കേസില് സര്ക്കാര് ഇരട്ട നീതി നടപ്പിലാക്കുകയാണെന്ന പ്രതിപക്ഷത്തിന്റെ പ്രസ്താവനയെ പരസ്യമായി പിന്തുണച്ച് മുന് മന്ത്രിയും കേരള കോണ്ഗ്രസ് ചെയര്മാനുമായ കെ.എം മാണി. ബാര് കോഴക്കേസില് സര്ക്കാര് ഇരട്ട നീതിയെ കുറിച്ച് പ്രതിഷേധവുമായി പ്രതിപക്ഷ എം.എല്.എമാര് നിയമസഭയുടെ നടുത്തളത്തില് ഇറങ്ങിയപ്പോഴാണ് നാടകീയ രംഗങ്ങള് സഭയില് അരങ്ങേറിയത്.
നിയമസഭയില് കെ.മുരളീധരന് വി.എസിനെ കുറ്റപ്പെടുത്തി പ്രസംഗിക്കവെ പ്രതിപക്ഷനിരയില്നിന്നും പ്രതിഷേധവുമായി വി.എസ് സുനില്കുമാര് നടുത്തളത്തിലിറങ്ങി പ്രതിഷേധിച്ചു. ബാര്കോഴക്കേസില് സീസറിന്റെ ഭാര്യ സംശയത്തിന് അതീതയായിരിക്കണം എന്നാണ് കോടതി പറഞ്ഞത്, എന്നാല് ഇപ്പോഴും സംശയത്തിലുള്ള സീസറിന്റെ ഭാര്യയായ ബാബു മന്ത്രിസഭയില് തുടരുകയാണ് എന്നായിരുന്നു സുനില്കുമാര് പറഞ്ഞത്. ഇത് ഇരട്ട നീതിയാണെന്ന സുനില് കുമാറിന്റെ പരാമര്ശത്തെ മാണി ഡസ്കിലടിച്ച് പരസ്യമായി പിന്തുണച്ചു.
പ്രസംഗത്തിനുശേഷം പ്രതിപക്ഷ ബഞ്ചിലെത്തിയ കെ.എം മാണി സുനില് കുമാര് ഉള്പ്പടെയുള്ളവരോട് നന്ദി പറഞ്ഞു. 'നിങ്ങളെങ്കിലും ഇത് പറഞ്ഞല്ലോ' എന്നാണ് കെ.എം മാണി തന്നോട് പറഞ്ഞതെന്ന് പിന്നീട് വാര്ത്താ സമ്മേളനത്തില് വി.എസ് സുനില് കുമാര് പറഞ്ഞു. ബാര് കോഴയില് സര്ക്കാരിന് ഇരട്ട നീതിയാണെന്ന നിലപാട് കേരള കോണ്ഗ്രസ് പരസ്യമാക്കിയതിന് പിന്നാലെയാണ് സഭയിലെ മാണിയുടെ പ്രതികരണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
