കേരളത്തിലെ റെയില്വേ വികസനം വേഗത്തിലാക്കുമെന്ന് കേന്ദ്രമന്ത്രി
കേരളത്തിന്റെ റെയില്വേ വികസനം വേഗത്തിലാക്കുമെന്ന് കേന്ദ്ര റെയില്വേ മന്ത്രി സുരേഷ് പ്രഭാകര് പ്രഭു. കേരളത്തിന്റെ ചിരകാല സ്വപനങ്ങളായ കഞ്ചിക്കോട് കോച്ച് ഫാക്ടറി, ശബരി റെയില്, സബര്ബന് ട്രെയിന് തുടങ്ങിയ പദ്ധതികളുടെ നിര്മാണ പ്രവര്ത്തനങ്ങള്, പുതിയ കമ്പനിയുടെ കീഴില് വേഗത്തില് നടക്കുമെന്നും മന്ത്രി അറിയിച്ചു.
തിരുവനന്തപുരം, കൊല്ലം, എറണാകുളം, പാലക്കാട് എന്നിവിടങ്ങളില് റെയില്വേ തുടങ്ങിയ വികസന പ്രവര്ത്തങ്ങളുടെ ഉദ്ഘാടനം തിരുവനന്തപുരത്ത് നിര്വ്വഹിച്ചു സംസാരിക്കുകയായിരുന്നു അദ്ദേഹം. തിരുവനന്തപുരത്ത് റണ്ണിങ് ഓഫീസ്, പുതിയ പാര്ക്കിങ് സംവിധാനം, മറ്റ് നവീകരണങ്ങള് എന്നിവയുടെ ഉദ്ഘാടനമാണ് മന്ത്രി നിര്വ്വഹിച്ചത്.
കൊല്ലത്ത് രണ്ടാം പ്രവേശന കവാടത്തിന്റെ ശിലാസ്ഥാപനം വീഡിയോ കോണ്ഫറന്സിങ് മുഖേനയാണ് നടത്തിയത്. ഏറണാകുളത്തെ പുതിയ സസ്യഭോജനശാല, നവീകരിച്ച സിഗ്നല് സംവിധാനം, പാലക്കാട്പൊള്ളാച്ചി റെയില്പ്പാത എന്നിവയുടെ ഉദ്ഘാടനവും മന്ത്രി നിര്വ്വഹിച്ചു. മുന് റെയില്വേ മന്ത്രി ഒ രാജഗോപാല്, ജനപ്രതിനിധികള് ഉള്പ്പടെയുള്ളവര് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
