എല്‍ഡിഎഫിന്റെ പ്രതീക്ഷകള്‍ക്ക് ചിറക് മുളപ്പിച്ച് ഇന്റലിജന്‍സ് റിപ്പോര്‍ട്ട്. നിലവിലെ സാഹചര്യത്തില്‍ യു.ഡി.എഫ്. വിരുദ്ധതരംഗമാണെന്നാണ് ഇന്റലിജന്‍സ് വെളിപ്പെടുത്തുന്നത്. വരാന്‍ പോകുന്ന നിയമസഭാ തെഞ്ഞെടുപ്പില്‍ ഐക്യജനാധിപത്യമുന്നണിക്കു വിജയസാധ്യതയില്ലെന്നും ഇന്റലിജന്‍സ് പറയുന്നു.
സംസ്ഥാനത്തെ രാഷ്ട്രീയ അന്തരീക്ഷത്തെക്കുറിച്ച് ഇന്റലിജന്‍സ് വിഭാഗത്തിലെ പൊളിറ്റിക്കല്‍ വിങ് ഇടയ്ക്കിടെ സര്‍ക്കാരിനു റിപ്പോര്‍ട്ട് നല്‍കാറുണ്ട്. കഴിഞ്ഞയാഴ്ച സമര്‍പ്പിച്ച റിപ്പോര്‍ട്ടിലാണു രാഷ്ട്രീയ മാറ്റത്തിനു സാധ്യതയുണ്ടെന്ന പരാമര്‍ശമുള്ളത്.
ഭരണവിരുദ്ധ വികാരം സംസ്ഥാനത്ത് നിലനില്‍ക്കുന്നു. ഇത് ഇടതുമുന്നണിക്കും ബി.ജെ.പിക്കും അനുകൂലമാകാമെന്നാണു റിപ്പോര്‍ട്ട് സൂചിപ്പിക്കുന്നത്. ആഭ്യന്തരമന്ത്രി രമേശ് ചെന്നിത്തലയ്ക്കു ലഭിച്ച റിപ്പോര്‍ട്ട് കെ.പി.സി.സി. അധ്യക്ഷനു കൈമാറിയേക്കും.
മന്ത്രിസഭയിലെ മൂന്നംഗങ്ങളുടെയും 15 എം.എല്‍.എമാരുടെയും വിജയസാധ്യതയെക്കുറിച്ചു ഇന്റലിജന്‍സ് സംശയം പ്രകടിപ്പിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, കോഴിക്കോട്, ഇടുക്കി, കോട്ടയം, തൃശൂര്‍ എന്നീ ജില്ലകളില്‍ എല്‍.ഡി.എഫിനു മുന്‍തൂക്കമുണ്ടാകുമെന്നും റിപ്പോര്‍ട്ടില്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha